Göygöl Rayon Məhkəməsi Qərar — İş №3(066)-417/2024

Azərbaycan Respublikası adından QƏRAR Göygöl rayonu İş № 3(066)-417/2024 31.10.2024 GÖYGÖL RAYON MƏHKƏMƏSİ Göygöl Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Hüseynov Nicat Mübariz oğlunun katibliyi, protokol tərtib etmiş Göygöl rayon Polis Şöbəsinin İTB-nin polis sahə rəisi polis baş leytenantı X1 və barəsində inzibati icraat aparılan şəxs Şəxs iştirakları ilə, xx.xx.1994-cü il tarixdə Xanlar (Göygöl) rayonunda anadan olmuş, Azərbaycan Respublikası vətəndaşı, orta təhsilli, evli, işləməyən, Göygöl rayonu Mollacəllili kəndində qeydiyyatda olmaqla həmin ünvanda yaşayan Şəxs haqqında Azərbaycan Respublikası İnzibati Xətalar Məcəlləsinin 510 və 535.1-ci maddələri ilə Göygöl rayon Polis Şöbəsindən daxil olmuş inzibati xətaya dair materiala Göygöl Rayon Məhkəməsinin inzibati binasında baxaraq, məhkəmə müəyyən etdim: Barəsində inzibati xəta haqqında iş aparılan Şəxs 31 oktyabr 2024-cü il tarixdə, saat 02:50 radələrində Göygöl şəhəri A.Kazımov küçəsində avtomobili sərxoş vəziyyətdə idarə etməsinə görə Göygöl rayon Polis Şöbəsinin DYP bölməsinin əməkdaşlarının idarə etdiyi avtomobili saxlamasından bərk əsəbləşib, sərxoş vəziyyətdə ictimai qaydanı pozmaqla səs-küy salmış, həmin vaxtı orada olan polis əməkdaşları Şəxs nizam intizama dəvət etmişlər. Lakin, o polis əməkdaşlarının qanuni tələblərinə tabe olmamışdır. Bu hərəkətləri ilə Şəxs Azərbaycan Respublikası İXM-nin 510 və 535.1-ci maddələri ilə nəzərdə tutulan inzibati xətanı törətmişdir. Məhkəmə iclasında inzibati xəta törətmiş şəxs Şəxs izahat verib göstərdi ki, o, Göygöl rayonu Mollacəllili kəndində yaşayır. 31 oktyabr 2024-cü il tarixdə, saat 02:50 radələrində VAZ2106 markalı, **-BU-*** dövlət qeydiyyat nişanlı avtomobili Göygöl şəhəri, A.Kazımov küçəsində sərxoş vəziyyətdə idarə etmişdir. Həmin vaxtı Göygöl rayon Polis Şöbəsinin DYP bölməsinin əməkdaşları idarə etdiyi avtomobili saxlatmalarından bərk əsəbləşib, ucadan səs-küy salmışdır. Həmin vaxtı çox əsəbləşdiyindən polis əməkdaşlarının qanuni tələblərinə qəsdən tabe olmamışdır. Hal-hazıra əməlindən peşman olmuşdur. Həmçinin 2-ci Qarabağ müharibəsi iştirakçısıdır. Bunları nəzərə almağı xahiş edir. Məhkəmə iclasında iştirak edən şahid X2 ifadəsində göstərdi ki, o, Göygöl rayon Polis Şöbəsinin DYP bölməsində inspektor vəzifəsində işləyir. 31 oktyabr 2024-cü il tarixdə, saat 02:50 radələrində xidməti vəzifələrini yerinə yetirərkən, Şəxs Göygöl şəhəri, A.Kazımov küçəsində VAZ2106 markalı, **-BU-*** dövlət qeydiyyat nişanlı avtomobili sərxoş vəziyyətdə idarə etməsinə görə onlar tərəfindən saxlanılmışdır. Şəxs ünvansz nalayiq ifadələr işlədərək ictimai qaydanı pozması aşkar edilmişdir. Həmin vaxt Şəxs onlar tərəfindən nizam intizama dəvət edilsə də o polisin qanuni tələblərinə tabe olmamışdır. Məhkəmə iclası zamanı inzibati xəta törətmiş şəxs Şəxs Azərbaycan Respublikası İXM-nin 510 və 535.1-ci maddələri ilə nəzərdə tutulan inzibati xətanı törətməsi iş materialları ilə tam sübuta yetirilmişdir. İşdə olan inzibati qaydada tutma haqqında 31 oktyabr 2024-cü il tarixli protokoldan görünür ki, Şəxs 31 oktyabr 2024-cü il tarixdə, saat 02:50-də inzibati qaydada tutulmuşdur. Məhkəmədə işə baxılan zaman inzibati xəta tərətmiş şəxs Şəxs əməlində məsuliyyəti yüngülləşdirən və ağırlaşdıran hal aşkar edilməmişdir. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Azərbaycan Respublikası İXM-nin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə- fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Belə olan halda məhkəmə hesab edir ki, Şəxs daha ciddi xətaya görə müəyyən edilmiş sanksiya çərçivəsində, yəni Azərbaycan Respublikası İXM-nin 535.1-ci maddəsi ilə təqsirli bilinərək barəsində inzibati tənbeh vermə haqqında qərar qəbul edilməli, onun inzibati qaydada tutulması nəzərə alınmaqla, təqsirinin dərəcəsini, qərəzli olmasını nəzərə alaraq, ona istinad edilən maddənin sanksiyasında nəzərdə tutulmuş inzibati cərimə cəzasının təyin edilməsini məqsədə müvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə qərara aldım : Şəxs Azərbaycan Respublikası İnzibati Xətalar Məcəlləsinin 510-cu və 535.1-ci maddələri ilə nəzərdə tutulmuş inzibati xətanın törədilməsində təqsirli bilinsin, Azərbaycan Respublikası İXM-nin 535.1-ci maddəsinə əsasən 150 (yüz əlli) manat məbləğində cərimə edilsin. Qərаrın icrаsı Göygöl rayon İcra və Probasiya şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində “Elektron məhkəmə” informasiya sistemində yaradılmış elektron kabinetə yerləşdirilməklə Gəncə Аpelyаsiyа Məhkəməsinə аpelyаsiyа şikаyəti və yа prоtesti verilə bilər. Hakim:Mübariz Məmmədov