Göygöl Rayon Məhkəməsi Qərar — İş №3(066)-534/2023

Azərbaycan Respublikası adından QƏRAR Göygöl rayonu İş № 3(066)-534/2023 23.11.2023 GÖYGÖL RAYON MƏHKƏMƏSİ Hakim Abbasov Qələmdar Ələmdar oğlunun sədrliyi, Məhkəmə iclas katibi Məhərrəmov Sadiq Yaşar oğlunun katibliyi, Barəsində inzibati xəta haqqında iş üzrə icraat aparılan Şəxs, Zərərçəkmiş şəxs və inzibati xəta haqqında protokolu tərtib etmiş Göygöl rayon Polis Şöbəsinin polis sahə rəisi, polis leytenantı X2 iştirakları ilə, xx xxx 1987-ci ildə anadan olmuş, Azərbaycan Respublikası vətəndaşı, orta təhsilli, Göygöl rayonu Toğanalı kəndində qeydiyyatda olan və həmin ünvanda yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xəta törətməsinə dair materiala 23 noyabr 2023-cü il tarixdə Göygöl Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Göygöl Rayon Polis Şöbəsindən daxil olmuş inzibati xəta haqqında materialdan görünür ki, Şəxs 05 oktyabr 2023-cü il tarixdə Göygöl rayonu Toğanalı kəndində Zərərçəkmiş şəxs döyərək ona dərəcəsi təyin edilməyən xəsarətlər yetirmişdir. Bununla da Şəxs Azərbaycan Respublikası İXM-nin 157-ci maddəsi ilə inzibati xəta törətmişdir . Məhkəmə iclasında dindirilən barəsində inzibati xəta haqqında iş üzrə icraat aparılan Şəxs özünü təqsirli bilərək göstərmişdir ki, Zərərçəkmiş şəxs bibisinin yoldaşıdır, suya görə mübahisə edərək dalaşdıqlarını və əməlindən peşiman olduğunu bildirmişdir . Məhkəmə iclasında dindirilən Zərərçəkmiş şəxs ifadə verərək bildirmişdir ki, Şəxs yoldaşının qardaşı oğludur, hadisə günü heyvanları evə gətirərkən Şəxs və onun qardaşları ilə çirkab suyunun axıdılması ilə bağlı mübahisə etdiklərini, X3 onu dizi ilə vurub döydüyünü bildirərək məhkəmədən X1 cəzalandırılmasını xahiş etmişdir . Məhkəmə iclasında şahid X4 ifadəsində Zərərçəkmiş şəxs ilə qonşu olduqlarını, həmin vaxt kartof çıxardığını, qonşusu Zərərçəkmiş şəxs keçiləri gətirən vaxt səs eştdiyini və Zərərçəkmiş şəxs Şəxs tərəfindən döyüldüyünü bildirmişdir. Məhkəmə iş materiallarını araşdırıb, iş üzrə toplanmış sübutlara hüquqi qiymət verərək hesab edir ki, Şəxs Azərbaycan Respublikası İXM-nin 157-ci maddəsində nəzərdə tutulmuş xətanı törətməkdə təqsiri Göygöl rayon polis şöbəsi tərəfindən tərtib edilmiş inzibati protokolla, zərərçəkmiş şəxslərin ifadələri və protokola əlavə edilmiş cinayət işinin başlanmasının rədd edilməsi haqqında 28 oktyabr 2023-cü il tarixli qərarla tam sübuta yetirilir. Belə ki, məhkəmə iclasında araşdırılmış Göygöl RPŞ-nin TB-nin təhqiqatcısı, polis mayoru Elçin Dünyamalıyev tərəfindən qəbul olunmuş xx.xx.2023-cü il tarixli cinayət işi başlanmasının rədd edilməsi haqqında qərarının surətindən görünür ki, Şəxs əməllərində cinayət tərkibi olmadığından barəsində cinayət işinin başalanması rədd edilməklə bərabər, onun barəsində Azərbaycan Respublikası İXM-nin 157-ci maddəsi ilə nəzərdə tutulmuş inzibati tənbeh tədbiri görülməsi üçün qərarın surəti Göygöl RPŞ İTB-yə göndərilməsi qərara alınmışdır. İş materiallarında olan Göygöl rayon Polis Şöbəsinin polis sahə rəisi, polis leytenantı X5 tərəfindən tərtib edilmiş MN № ******* nömrəli, 23 noyabr 2023-cü il tarixli protokoldan görünür ki, Şəxs 05 oktyabr 2023-cü il tarixdə Göygöl rayonu Toğanalı kəndində Zərərçəkmiş şəxs döyərək ona dərəcəsi təyin edilməyən xəsarətlər yetirmişdir.. Azərbaycan Respublikası İXM-nin 157-ci maddəsinə əsasən, döymə və ya sair zorakı hərəkətlərlə qəsdən fiziki ağrı yetirməyə görə- üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Beləliklə Göygöl rayon Polis Şöbəsinin polis sahə rəisi, polis leytenantı X5 tərəfindən tərtib edilmiş protokola, Göygöl RPŞ-nin TB-nin təhqiqatcısı, polis mayoru Elçin Dünyamalıyev tərəfindən qəbul olunmuş xx.xx.2023-cü il tarixli cinayət işi başlanmasının rədd edilməsi haqqında qərara, iş üzrə zərəçəkənlərin və barəsində inzibati xəta haqqında iş üzrə icraat aparılan şəxsin və şahidin məhkəmə iclasında verdikləri izahatlara əsasən Şəxs inzibati xətanı törətməsi faktı tam sübuta yetirilir. Məhkəmə Şəxs ilk dəfə inzibati xəta törətməsini, nəzərə alaraq onun barəsində Azərbaycan Respublikası İXM-nin 157-ci maddəsinin sanksiyası həddində, yəni cərimə növündə inzibati tənbeh təyin edilməsini qanuna və məqsədə müvafiq hesab edir. Göstərilənlərə əsasən və Azərbaycan Respublikası İXM-nin 22, 30, 31, 106-119-cu maddəsini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İXM-nin 157-ci maddəsində nəzərdə tutulmuş inzibati xətanı törətməkdə təqsirli bilinib, 300 (üç yüz) manat məbləğində cərimə edilsin. Qərardan 10 (on) gün müddətində Göygöl rayon məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim:Qələmdar Abbasov AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500, Göygöl şəhəri, S.Vurğun küçəsi 45A Tel: (02220) 5-23-84 Faks: (02220) 5-23-84 İş № 3(066)-534/2023 23 noyabr 2023-cü il Göygöl rayon Polis Şöbəsinə Göygöl şəhəri A.Hacıyev küç 93 Şəxs Göygöl rayonu Toğanalı kəndi Zərərçəkmiş şəxs Göygöl rayonu Toğanalı kəndi Göygöl Rayon Məhkəməsinin 3(066)-534/2023 nömrəli, 23 noyabr 2023-cü il tarixli qərarının surəti məlumat üçün Sizə göndərilir. Qoşma : qərarın surəti « » vərəq. Hakim: Qələmdar Abbasov