Göygöl Rayon Məhkəməsi Qərar — İş №3(066)-583/2023

Azərbaycan Respublikası adından QƏRAR Göygöl rayonu İş № 3(066)-583/2023 21.12.2023 GÖYGÖL RAYON MƏHKƏMƏSİ Hakim Abbasov Qələmdar Ələmdar oğlunun sədrliyi, Məhkəmə iclas katibi Məhərrəmov Sadiq Yaşar oğlunun katibliyi, Göygöl Rayon İcra və Probasiya Şöbəsinin icra məmuru X3 və Barəsində inzibati xəta haqqında iş üzrə icraat aparılan şəxs Şəxs Sarvan oğlunun iştirakı ilə, xx xxxxxx 1984-cü ildə Ermənistan Respublikası, Amasiya rayonu, Güllübulaq kəndində anadan olmuş, Azərbaycan Respublikasının vətəndaşı, orta təhsilli, subay, işləməyən, Göygöl şəhəri, A.Hacıyev küçəsi ev 42-də qeydiyyatda olan və yaşayan Şəxs Sarvan oğlunun Azərbaycan Respublikası İXM-nin 528.1-ci maddəsində nəzərdə tutulmuş inzibati xəta törətməsinə dair materiala 21 dekabr 2023-cü il tarixdə Göygöl Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Göygöl Rayon İcra və Probasiya Şöbəsinin icra məmuru Ruslan Əliyev tərəfindən Şəxs Sarvan oğlunun barəsində Azərbaycan Respublikası İXM-nin 528.1-ci maddəsi ilə inzibati xəta haqqında protokol tərtib edilərək baxılması üçün Göygöl Rayon Məhkəməsinə göndərilmişdir. İnzibati xəta haqqında işin baxılmağa hazırlanması zamanı müəyyən olunmuşdur ki, həmin inzibati xəta haqqında iş üzrə icraata xitam verilməlidir. Belə ki, Göygöl Rayon İcra və Probasiya Şöbəsinin icra məmuru Ruslan Əliyev tərəfindən Şəxs Sarvan oğlunun barəsində Azərbaycan Respublikası İXM-nin 528.1-ci maddəsində nəzərdə tutulmuş inzibati xəta törətməsinə dair tərtib edilmiş 15 dekabr 2023cü il tarixli protokolun məzmunundan görünür ki, Şəxs Sarvan oğlundan Azərbaycan Respublikası Ali Məhkəməsinin 02 iyun 2020-ci il tarixli, 10(102)-37/2020 nömrəli, icra sənədinə əsasən hər ay xx.xx.2009-cu il təvəllüdlü X4 yetkinlik yaşına çatanadək saxlanılması üçün X1 xeyrinə Tver vilayətində uşaqlar üçün müəyyən edilmiş 10860.04 rubl minimum yaşayış həddi məbləğinin ½ hissəsi ilə müəyyən edilən 5430.02 rubl alimentin tutulması, Şəxs Sarvan oğlundan hər ay 21 fevral 2010-cu il təvəllüdlü X2 yetkinlik yaşına çatanadək saxlanılması üçün X1 xeyrinə Tver vilayətində uşaqlar üçün müəyyən edilmiş 10860.04 rubl minimum yaşayış həddi məbləğinin ½ hissəsi ilə müəyyən edilən 5430.02 rubl alimentin tutulması barədə Rusiya Federasiyası Tver vilayətinin Vişniy Voloçyok rayon və Vişniy Voloçyok şəhər məhkəməsinin 5 saylı məhkəmə sahəsinin xx.xx.2019-cu il tarixli qiyabi qətnaməsi Azərbaycan Respublikasında tanınması və icra edilməsi qərara alınmışdır. Borclu Şəxs tələbi könüllü icra etməsi üçün bildiriş təqdim edilməklə vaxt verilmişdir. Lakin, bu müddət ərzində icra sənədinin icrası borclu tərəfindən təmin edilməmişdir. Borclu Şəxs yaranmış 9159 manat məbləğində borcunu tam şəkildə ödəməsi barədə dəfələrlə rəsmi və şifahi xəbərdarlıq edilməsinə baxmayaraq sonuncu borcunu ödəməmişdir. İcra şöbəsində verdiyi izahatında hazırda borc məbləğini birdəfəlik ödəmək imkanının olmadığını bildirmişdir. Məhkəmə iclasında dindirilən Göygöl Rayon İcra və Probasiya Şöbəsinin icra məmuru X6 inzibati xəta haqqında protokolu müdafiə edərək, Şəxs hazırda borcunu birdəfəlik ödəmək imkanının olmadığını bildirib Şəxs inzibati məsuliyyətə cəlb edilməsini məhkəmədən xahiş etmişdir. Məhkəmə iclasında dindirilən barəsində inzibati xəta haqqında iş üzrə icraat aparılan şəxs Şəxs Sarvan oğlu izahatında göstərdi ki, icra sənədinin mövcudluğunu təstiq edir və tələbin icra edilməsindən yayınmır. Belə ki, hazırda borcundan ödənişlər etmişdir. Qalan borcundan isə hissə-hissə ödənişlər edəcəkdir. Məhkəmə inzibati xəta haqqında protokolu və ona əlavə edilmiş sənədləri araşdırıb, icra məmuru və barəsində inzibati xəta haqqında icraat başlanmış şəxs Şəxs Sarvan oğlunun izahatını dinləyib və iş üzrə toplanmış sübutlara hüquqi qiymət verərək hesab edir ki, Şəxs Sarvan oğlunun əməlində inzibati xəta tərkibi olmadığından inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 4-cü maddəsinə bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbələri və şəraiti aşkar etməkdən və inzibati xətaların qarşısını almaqdan ibarətdir. Yuxarıda qeyd edildiyi kimi Göygöl Rayon İcra və Probasiya Şöbəsi tərəfindən verilmiş protokolu araşdıran məhkəmə təqdim edilmiş bütün sənədləri, sübutları və materialları hərtəfərli, tam və obyektiv araşdıraraq aşağıdakıların qeyd edilməsini zəruri hesab edir. İş materiallarında olan Azərbaycan Respublikası Ali Məhkəməsinin 02 iyun 2020-ci il tarixli, 10(102)-37/2020 nömrəli, icra sənədindən görünür ki, Şəxs hər ay xx.xx.2009-cu il təvəllüdlü X4 yetkinlik yaşına çatanadək saxlanılması üçün X1 xeyrinə Tver vilayətində uşaqlar üçün müəyyən edilmiş 10860.04 rubl minimum yaşayış həddi məbləğinin ½ hissəsi ilə müəyyən edilən 5430.02 rubl alimentin tutulması, Şəxs Sarvan oğlundan hər ay 21 fevral 2010-cu il təvəllüdlü X2 yetkinlik yaşına çatanadək saxlanılması üçün X1 xeyrinə Tver vilayətində uşaqlar üçün müəyyən edilmiş 10860.04 rubl minimum yaşayış həddi məbləğinin ½ hissəsi ilə müəyyən edilən 5430.02 rubl alimentin tutulması barədə Rusiya Federasiyası Tver vilayətinin Vişniy Voloçyok rayon və Vişniy Voloçyok şəhər məhkəməsinin 5 saylı məhkəmə sahəsinin xx.xx.2019-cu il tarixli qiyabi qətnaməsi Azərbaycan Respublikasında tanınması və icra edilməsi qərara alınmışdır. İnzibati materiala əlavə edilmiş Göygöl Rayon İcra və Probasiya Şöbəsinin icra məmuru Anar İsgəndərov tərəfindən tərtib edilmiş, 12 yanvar 2023-cü il tarixli inzibati xəta haqqında protokoldan və ona əlavə olunmuş sənədlərdən görünür ki, borclu X5 tələbi könüllü icra etməsi üçün bildiriş təqdim edilməklə vaxt verilməsini, lakin həmin müddət ərzində icra sənədinin icrası borclu tərəfindən tam şəkildə təmin edilməmiş, dəfələrlə rəsmi və şifahi xəbərdarlıq edilməsinə baxmayaraq borclu borcunu birdəfəlik ödəmək imkanının olmadığını bildirmişdir. Borclu qərəzli olaraq icra sənədi üzrə olan borcunu ödəməkdən yayınmış və nəticədə tələbkara borclu qalmışdır. Göygöl Rayon İcra və Probasiya Şöbəsi gəldiyi nəticəni onunla əsaslandırmışdır ki, barəsində inzibati xəta haqqında protokol tərtib edilən şəxsin ifadəsi, habelə toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi inzibati xəta İXM-nin 528.1-ci maddəsi ilə düzgün olaraq protokollaşdırılmışdır. Məhkəmə inzibati xəta haqqında iş materiallarını araşdıraraq hesab edir ki, icra şöbəsi tərəfindən tərtib edilmiş protokol tərtib edilərkən qanunvericiliyin tələbləri pozulmuş, yəni İXM-nin 528.1-ci maddəsinin tərkibinin yaranması üçün icra sənədinin borclu tərəfindən üzrsüz səbəbdən icra edilməməsi faktı sübut edilmədiyindən Şəxs barəsində tərtib edilmiş inzibati xəta haqqında protokol əsassız olduğuna görə Şəxs əməlində inzibati xəta tərkibi olmadığından inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 528.1-ci maddəsinin dispozisyasından göründüyü kimi məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yeririlməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə məhkəmə iclasında müəyyən edildi ki, borclu Şəxs borcunu ödəməkdən imtina etmir, borcunu hissə-hissə ödəmək niyyətindədir. Belə ki, 18 dekabr 2023-cü il tarixdə borcundan 88.88 ABŞ dolları və 235 ABŞ dolları ödənişlər etmişdir. Qalan borcunu isə hissə-hissə ödəmək niyyətindədir. Məhkəmə göstərilənlərə əsasən və Azərbaycan Respublikası İnzibati Xətalar Məcəlləsinin 114.1.4, 114.2.1, 115-117, 128-130-cu maddələrini rəhbər tutaraq Q Ə R A R A A L D İ: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında icraata xitam verilsin. Qərardan 10 (on) gün müddətində Göygöl Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Qələmdar Abbasov