Xaçmaz Rayon Məhkəməsi Qərar — İş №3(067)-1097/2021

Azərbaycan Respublikası adından QƏRAR Xaçmaz şəhəri İş № 3(067)-1097/2021 01.11.2021 XAÇMAZ RAYON MƏHKƏMƏSİ Hakim Quliyev Xıdır İnqilab oğlunun sədrliyi, Məhkəmə iclas katibi X9, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1969-cu ildə Fizuli rayonunun Dədəli kəndində anadan olmuş, subay, natamam-orta təhsilli, işləməyən, deməsinə görə əvvəllər məhkum olunmamış, inzibati tənbehə məruz qalmamış, Xaçmaz rayoniunun İstisu qəsəbəsində yaşayan. Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə Xaçmaz rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq müəyyən etdi: Şəxs 28 iyun 2021-ci il tarixdə X6 məxsus Xaçmaz rayonunun Seyidlər kəndi ərazisində yerləşən bağ sahəsindən dəyəri 320 manat təşkil edən “Total” markalı su mühərrikini, 09 iyul 2021-ci il tarixdə X4 məxsus Xaçmaz rayonunun Xudat şəhəri, 2-ci şöbə ərazisində yerləşən yaşayış evindən 75 manat dəyərində su mühərrikini, 25 iyul 2021-ci il tarixdə Raziyə Məlikməmmədovaya məxsus Xaçmaz rayonunun Xudat şəhəri Qulamov qəsəbəsi ərazisində yerləşən yaşayış evindən 30 manat dəyərində su mühərrikini, 27 iyul 2021-ci il tarixdə X1 məxsus Xaçmaz rayonunun Şollar kəndi ərazisində yerləşən yaşayış evindən 80 manat dəyərində dəmir armaturları və künclükləri, 24 avqust 2021-ci il tarixdə X3 məxsus Xaçmaz rayonunun Xudat şəhəri, Azərbaycan küçəsi 20 saylı evin bağ sahəsindən 40 manat dəyərində “Marqus” markalı su mühərrikini və 06 sentyabr 2021-ci il tarixdə X5 məxsus Xaçmaz rayonunun Xudat şəhəri, Ş.Qurbanov küçəsi 16 saylı yaşayış evinin həyətyanı sahəsindəki saxlanc yerindən 90 manat dəyərində 30 kq fındıq məhsulunu oğurlamaqla özgə əmlakını xırda talamışdır. Məhkəmədə izahat vermiş Şəxs törətdiyi inzibati xətanı etiraf etməklə bildirmişdir ki, o, həqiqətən maddi imkansızlıqdan 28 iyun 2021-ci il tarixdə gecə saatlarında X6 məxsus Xaçmaz rayonunun Seyidlər kəndi ərazisində yerləşən bağ sahəsindən dəyəri 320 manat təşkil edən “Total” markalı su mühərrikini, 09 iyul 2021-ci il tarixdə X4 məxsus Xaçmaz rayonunun Xudat şəhəri, 2-ci şöbə ərazisində yerləşən yaşayış evindən 75 manat dəyərində su mühərrikini, 25 iyul 2021-ci il tarixdə Raziyə Məlikməmmədovaya məxsus Xaçmaz rayonunun Xudat şəhəri Qulamov qəsəbəsi ərazisində yerləşən yaşayış evindən 30 manat dəyərində su mühərrikini, 27 iyul 2021-ci il tarixdə X1 məxsus Xaçmaz rayonunun Şollar kəndi ərazisində yerləşən yaşayış evindən 80 manat dəyərində dəmir armaturları və künclükləri, 24 avqust 2021-ci il tarixdə X3 məxsus Xaçmaz rayonunun Xudat şəhəri, Azərbaycan küçəsi 20 saylı evin bağ sahəsindən 40 manat dəyərində “Marqus” markalı su mühərrikini və 06 sentyabr 2021-ci il tarixdə X5 məxsus Xaçmaz rayonunun Xudat şəhəri, Ş.Qurbanov küçəsi 16 saylı yaşayış evinin həyətyanı sahəsindəki saxlanc yerindən 90 manat dəyərində 30 kq fındıq məhsulunu oğurlamışdır. Qeyd olunan oğurluq hadisələri ilə əlaqədar sonradan Xaçmaz rayon Polis Şöbəsinə dəvət edilmişdir. Polis Şöbəsində aparılan sorğu zamanı o, törətmiş olduğu oğurluq hadisələrini etiraf etmişdir. Zərər çəkmiş şəxslərə vurmuş olduğu zərəri ödəyəcəkdir. Barəsində həbslə əlaqədar olmayan inzibati tənbeh tətbiq edilməsini xahiş edir. İş materiallarında olan Xaçmaz rayon X12 Bölməsinin təhqiqatçısı, polis mayoru X7 07 iyul 2021-ci il tarixli qərarından müəyyən olunur ki, Şəxs tərəfindən 28 iyun 2021-ci il tarixdə X6 məxsus Xaçmaz rayonunun Seyidlər kəndi ərazisində yerləşən bağ sahəsindən edilmiş oğurluq faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon X12 Bölməsinin təhqiqatçısı, polis kapitanı X2 13 avqust 2021-ci il tarixli qərarından müəyyən olunur ki, Şəxs tərəfindən 09 iyul 2021-ci il tarixdə X4 məxsus Xaçmaz rayonunun Xudat şəhəri, 2-ci şöbə ərazisində yerləşən yaşayış evindən edilmiş oğurluq faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon X12 Bölməsinin təhqiqatçısı, polis kapitanı X2 04 avqust 2021-ci il tarixli qərarından müəyyən olunur ki, Şəxs tərəfindən 25 iyul 2021-ci il tarixdə Raziyə Məlikməmmədovaya məxsus Xaçmaz rayonunun Xudat şəhəri Qulamov qəsəbəsi ərazisində yerləşən yaşayış evindən edilmiş oğurluq faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon X12 Bölməsinin təhqiqatçısı, polis mayoru X7 06 avqust 2021-ci il tarixli qərarından müəyyən olunur ki, Şəxs tərəfindən 27 iyul 2021-ci il tarixdə X1 məxsus Xaçmaz rayonunun Şollar kəndi ərazisində yerləşən yaşayış evindən edilmiş oğurluq faktı üzrə cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon X12 Bölməsinin təhqiqatçısı, polis kapitanı X2 03 sentyabr 2021-ci il tarixli qərarından müəyyən olunur ki, Şəxs tərəfindən 24 avqust 2021-ci il tarixdə X3 məxsus Xaçmaz rayonunun Xudat şəhəri, Azərbaycan küçəsi 20 saylı evin bağ sahəsindən edilmiş oğurluq fatı üzrə cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon X12 Bölməsinin təhqiqatçısı, polis kapitanı X2 10 sentyabr 2021-ci il tarixli qərarından müəyyən olunur ki, Şəxs tərəfindən 06 sentyabr 2021-ci il tarixdə X5 məxsus Xaçmaz rayonunun Xudat şəhəri, Ş.Qurbanov küçəsi 16 saylı yaşayış evinin həyətyanı sahəsindəki saxlanc yerindən edilmiş oğurluq fatı üzrə cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X15 Polis Bölməsinə həvalə edilmişdir. İş materiallarında olan Xaçmaz rayon İcra Hakimiyyəti Başçısının İstisu İnzibati Ərazi Dairəsi üzrə nümayəndəsi tərəfindən verilmiş 28 oktyabr 2021-ci il tarixli, 401 saylı fotoşəkilli arayışdan görünür ki, Şəxs heç bir yerdə qeydiyyatda deyil, Xaçmaz rayonunun İstisu qəsəbəsində qeydiyyatsız yaşayır. Fotoşəkildə görünən şəxs Şəxsdur. Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətanı törətməsi onun özünün etirafı, cinayət işi başlanmasının rədd edilməsi barədə qərarlar, inzibati xəta haqqında protokollar və digər iş materialları ilə təmamilə sübuta yetir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs ilk dəfə inzibati xəta törətməsini, törətdiyi xətada özünü təqsirli bilərək əməlindən peşman olmasını məsuliyyəti yüngülləşdirən hallar kimi qiymətləndirir. Həmin Məcələnin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Məhkəmə Şəxs barəsində inzibati tənbeh tətbiq edərkən onun şəxsiyyətini, törətdiyi inzibati xətanın xarakterini, ictimai təhlükəlilik dərəcəsini, o cümlədən məsuliyyəti yüngülləşdirən və ağırlaşdıran halları, onun cəmiyyətdən təcrid edilmədən islah edilməsinin mümkünlüyünü nəzərə alaraq onun barəsində təqsirləndirildiyi Azərbaycan Respublikasının İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər növündə inzibati tənbeh tədbirinin tətbiq edilməsi qanuna və məqsədə müvafiqdir. Azerbaycan Respublikasının İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə- yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Odur ki, Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulmalıdır. Qərarın icrası Şəxs yaşayış yeri üzrə Xaçmaz rayon İcra və Probasiya Şöbəsinə həvalə edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-49, 114, 115, 117, 128-130-cu maddələrini rəhbər tutaraq, məhkəmə QƏRAR VERDİ: Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə təqsirli bilinərək, ona 180 (bir yüz səksən) saat ictimai işlər inzibati tənbeh növü təyin edilsin. İctimai işlər növiində inzibati tənbeh tətbiq olunmuş Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrası Şəxs yaşayış yeri üzrə Xaçmaz rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apellyasiya Məhkəməsinə şikayət verilə bilər. Sədrlik edən Xıdır Quliyev.