Xaçmaz Rayon Məhkəməsi Qərar — İş №3(067)-113/2025

Azərbaycan Respublikası adından QƏRAR Xaçmaz şəhəri İş № 3(067)-113/2025 12.02.2025 XAÇMAZ RAYON MƏHKƏMƏSİ Hakim Abiyeva Nərmin Mirhəsən qızının sədrliyi, məhkəmə iclas katibi İsayeva Səbinə Cavanşir qızının katibliyi ilə hüquqi şəxs "xxxx" Açıq Səhmdar Cəmiyyəti (VÖEN: **********) barəsində Azərbaycan Respublikası İnzibati Xətalar Məcəlləsinin 485.2-ci maddəsi ilə tənbeh tədbirinin tətbiq edilməsinə dair Azərbaycan Respublikası Dövlət Gömrük Komitəsi Xaçmaz Gömrük İdarəsindən daxil olmuş inzibati xəta haqqında materiala Xaçmaz rayon Məhkəməsinin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Hüquqi şəxs "xxxx" Açıq Səhmdar Cəmiyyəti barəsində Azərbaycan Respublikası İnzibati Xətalar Məcəlləsinin 485.2-ci maddəsi ilə tənbeh tədbirinin tətbiq edilməsinə dair toplanmış materiallar müvafiq qərar çıxarılması üçün Azərbaycan Respublikası Dövlət Gömrük Komitəsi Xaçmaz Gömrük İdarəsindən Xaçmaz rayon Məhkəməsinə göndərilmişdir, ondan ötrü ki, 22 dekabr 2024-cü il tarixdə "xxxx" Açıq Səhmdar Cəmiyyəti tərəfindən Rusiya Federasiyasından **********03964 nömrəli mal qeydiyyat kodu ilə 95122370, 95410502, 95131850, 95411211 və 95136602 nömrəli dəmiryol nəqliyyat vasitəsi ilə idxal etdiyi “qarğıdalı” yükünə dair Azərbaycan Respublikasının Gömrük Məcəlləsinin 113.1 -ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsinin verilməsinə dair gömrük xidmətinin VAİS-də məlumat qeydə alınmamışdır. Bu səbəbdən də Xaçmaz Gömrük İdarəsi "xxxx" Açıq Səhmdar Cəmiyyəti barəsində İXM-in 485.2-ci maddəsində nəzərdə tutulmuş inzibati xəta haqqında protokol tərtib edərək Xaçmaz rayon Məhkəməsinə göndərmişdir. Barəsində inzibati xəta haqqında icraat aparılan şəxs və inzibati xəta haqqında protokolu tərtib edən orqan məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasına gəlməmiş bunun səbəbləri barədə məhkəməyə məlumat verməmişlər. Məhkəmə barəsində inzibati xəta haqqında icraat aparılan şəxsin və səlahiyyətli orqanın nümayəndəsinin iştirakları olmadan işə baxılmasını mümkün hesab etmişdir. Məhkəmə iş materiallarını, işin faktiki hallarını və aşağıda sadalanan normaları müqayisəli şəkildə təhlil edərək, onlara məcmu halında hüquqi qiymət verməklə belə qənaətə gəlir ki, hüquqi şəxs "xxxx" Açıq Səhmdar Cəmiyyətinin Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xətanı törətməsi tam sübuta yetirilir. Məhkəmə gəldiyi nəticəni aşağıdakılarla əsaslandırır. Belə ki, iş materiallarına əlavə edilmiş 10 yanvar 2025-ci il il tarixli, 01400-00390/25 nömrəli, EP № ******* inzibati xəta haqqında protokoldan və eyni tarixli, 01400/09249 nömrəli, EP № ******* seriyalı inzibati xəta haqqında işin aidiyyatı üzrə göndərilməsi barədə qərardaddan müəyyən olunur ki, 22 dekabr 2024-cü il tarixdə "xxxx" Açıq Səhmdar Cəmiyyəti tərəfindən Rusiya Federasiyasından **********03964 nömrəli mal qeydiyyat kodu ilə 95122370, 95410502, 95131850, 95411211 və 95136602 nömrəli dəmiryol nəqliyyat vasitəsi ilə idxal etdiyi “qarğıdalı” yükünə dair Azərbaycan Respublikasının Gömrük Məcəlləsinin 113.1 -ci maddəsi ilə müəyyən olunmuş qaydada mallar gömrük ərazisinə qətirilməzdən əvvəl gömrük orqanlarına elektron formada qısa idxal bəyannaməsinin verilməsinə dair gömrük xidmətinin VAİS-də məlumat qeydə alınmamışdır. Faktla bağlı 10 yanvar 2025-ci il tarixdə Xaçmaz Gömrük idarəsində hüquqi şəxs "xxxx" ASC barəsində Azərbaycan Respublikası İXM-nin 485.2-ci maddəsi ilə inzibatı araşdırmaya başlanılmışdır. Xaçmaz Gömrük idarəsində sorğu-sual olunan hüquqi şəxs "xxxx" ASC-in nümayəndəsi, Azərbaycan Respublikası vətəndaşı X1 izahatında bildirmişdir ki, hüquqi şəxs "xxxx" ASC-də gömrük brokeri vəzifəsində çalışır. "xxxx" ASC-in əsas faəliyyəti Siyəzən rayonunda yerləşən quşçuluq fermalarında toyuq-cücələrin yetişdirilməsi və satışından ibarətdir. Bu məqsədlə də 19 dekabr 2024-cü il tarixdə Rusiya Federasiyasından **********03964 nömrəli mal qeydiyyat kodu ilə 95122370, 95410502, 95131850, 95411211 və 95136602 nömrəli dəmiryol nəqliyyat vasitəsi ilə “qarğıdalı” yükü idxal edilmişdir, idxal edilmiş yükə görə qısa idxal bəyannaməsinin verilməməsinə səbəb ixracatçı tərəfindən sənədlərin elektron qaydada gec göndərilməsi olmuşdur. Bu səbəbdən də qısa idxal bəyannaməsi verilməmişdir. Beləliklə, hüquqi şəxs "xxxx" ASC idxal etdiyi “cücələr” yükünə görə qısa idxal bəyannaməsini mallar gömrük ərazisinə qətirilməzdən əvvəl elektron formada verməmişdir. İş materiallarına əlavə edilmiş 25 dekabr 2024-cü il tarixli raportdan da müəyyən olunur ki, 22 dekabr 2024-cü il tarixdə "xxxx" Açıq Səhmdar Cəmiyyəti tərəfindən Rusiya Federasiyasından **********03964 nömrəli mal qeydiyyat kodu ilə 95122370, 95410502, 95131850, 95411211 və 95136602 nömrəli dəmiryol nəqliyyat vasitəsi ilə idxal etdiyi “qarğıdalı” yükünə dair Azərbaycan Respublikasının Gömrük Məcəlləsinin 113.1 -ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsinin verilməsinə dair gömrük xidmətinin VAİS-də məlumat qeydə alınmamışdır. Azərbaycan Respublikası İnzibati Xətalar Məcəlləsinin 485.2-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. Azərbaycan Respublikası Gömrük Məcəlləsinin 113.1-ci maddəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəlgömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməsinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Qısa idxal bəyannaməsinin formasını beynəlxalq standartlar və ticarət təcrübəsi nəzərə alınmaqla müvafiq icra hakimiyyəti orqanı müəyyən edir. Beləliklə, məhkəmə Xaçmaz Gömrük İdarəsindən daxil olmuş 10 yanvar 2025-ci il il tarixli, 01400-00390/25 nömrəli, EP № ******* inzibati xəta haqqında protokolu və digər təqdim olunmuş sübutları tədqiq edərək və işin hallarını araşdıraraq müəyyən etmişdir ki, hüquqi şəxs "xxxx" ASC idxal etdiyi “cücələr” yükünə görə qısa idxal bəyannaməsini mallar gömrük ərazisinə gətirilməzdən əvvəl elektron formada verməmişdir. “Malların və nəqliyyat vasitələrinin gömrük sərhədindən keçirilməsi üçün “Yaşıl dəhliz” və digər buraxılış sistemlərindən istifadə Qaydalarının təsdiq edilməsi haqqında” Azərbaycan Respublikası Prezidentinin 21 may 2016-cı il tarixli, 920 nömrəli Fərmanının 2.2-ci bəndinə əsasən qısa idxal bəyannaməsində risklərin təhlili, gömrük nəzarətinin düzgün aparılması üçün zəruri olan məlumatlar əks etdirilməli və malların gömrük sərhədini keçməsindən ən azı 1 (bir) saat əvvəl verilməlidir. Məhkəmə iclasında hüquqi şəxs "xxxx" Açıq Səhmdar Cəmiyyətinin məsuliyyətini yüngülləşdirən və ya ağırlaşdıran hallar müəyyən edilməmişdir. Məhkəmə, törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, hüquqi şəxs "xxxx" Açıq Səhmdar Cəmiyyəti barəsində İXM-in 485.2-ci maddəsinin sanksiyası hədləri daxilində inzibati cərimə növündə tənbeh tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 31, 40, 43, 48-51, 114,128-130-cu maddələrini rəhbər tutaraq, məhkəmə QƏRARA ALDİ: Hüquqi şəxs "xxxx" Açıq Səhmdar Cəmiyyəti Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulan inzibati xətanı törətməkdə təqsirli bilinsin və barəsində 1500 (min beş yüz) manat məbləğində cərimə növündə tənbeh tədbiri tətbiq edilsin. Qərarın surəti rəsmi qaydada verildiyi gündən 10 gün müddətində Xaçmaz Rayon Məhkəməsi vasitəsilə və ya bilavasitə Sumqayıt Apellyasiya Məhkəməsinə şikayət verilə bilər. Sədrlik edən: Nərmin Abiyeva HAKİM XİDİR QULİYEV