Xaçmaz Rayon Məhkəməsi Qərar — İş №3(067)-1323/2022

Azərbaycan Respublikası adından QƏRAR Xaçmaz şəhəri İş № 3(067)-1323/2022 24.08.2022 XAÇMAZ RAYON MƏHKƏMƏSİ Hakim Sadıqov Anar Böyükkişi oğlunun sədrliyi, Məhkəmə iclas katibi Həsənli Rövşən Xudat oğlunun katibliyi, Barəsində inzibati xəta haqqında icraat aparılan şəxs Şəxs iştirakı ilə xx.xx.1988-ci ildə Xaçmaz rayonunun Köhnə Xaçmaz kəndində anadan olmuş, Azərbaycan Respublikasının vətəndaşı, Xudat şəhəri, H.Əliyev küçəsi ev 34-də qeydiyyatda olan Şəxs barəsində Azərbaycan Respublikası İXM-nin 333.2-ci maddəsi üzrə tərtib edilmiş inzibati materiala açıq məhkəmə iclasında baxaraq müəyyənetdi: Şəxs haqqında Azərbaycan Respublikası İXM-nin 333.2-ci maddəsi ilə inzibati xəta protokolu tərtib edilərək baxılması üçün Xaçmaz rayon məhkəməsinə göndərilmişdir ondan ötrü ki, o, xx.xx.2022-ci il tarixdə, saat 23:55 radələrində Xudat şəhərində «OPEL ASTRA H» minik markalı, ** DT *** dövlət qeydiyyat nişanlı avtomobili idarə edərkən YPX əməkdaşı tərəfindən saxlanılmışdır, yoxlama zamanı müəyyən olmuşdur ki, sürücü avtomobili sərxoş vəziyyətdə təkrarən idarə etmişdir. Bununla da Şəxs «Yol Hərəkəti haqqında» Azərbaycan Respublikasının Qanununun tələblərini pozaraq Azərbaycan Respublikasının İnzibati Xətalar Məcəlləsinin 333.2-ci maddəsində nəzərdə tutulmuş inzibati xətanı törətmişdir. Məhkəmədə izahat verən barəsində inzibati xəta haqqında icraat aparılan şəxs özünü Azərbaycan Respublikası İnzibati Xətalar Məcəlləsinin 333.2-ci maddəsi ilə təqsirli bilərək ifadəsində göstərmişdir ki, o, ona məxsus «OPEL ASTRA H» minik markalı, ** DT *** dövlət qeydiyyat nişanlı avtomobili xx.xx.2022-ci il tarixdə, saat 23:55 radələrində Xudat şəhərində idarə edərkən YPX əməkdaşı tərəfindən saxlanılmış, onun ağzından spirtli içki qoxusu gəldiyindən polis əməkdaşı tərəfindən alkotester cihazı ilə onun sərxoşluğu yoxlanılmış və onun sərxoş olması müəyyən edilmişdir. Həmçinin bildirmişdir ki, o, saxlanıldığı vaxtdan təxminən bir saat əvvəl üç bokal spirtli pivə içkisi qəbul etmişdir. Həmçinin bildirmişdir ki, bununla o, bir il ərzində təkrarən sərxoş vəziyyətdə avtomobili idarə etmişdir. Əlavə olaraq bildirmişdir ki, onun əlilliyi yoxdur. Həmçinin himayəsində üç uşağı var. Şəxs Azərbaycan Respublikası İXM-nin 333.2-ci maddəsində nəzərdə tutulan inzibati xətanı törətməsi onun barəsində tərtib olunmuş inzibati xəta haqqında protokol və iş üzrə toplanmış material ilə tam təsdiq olunur. Belə ki, iş materiallarından müəyyən olunur ki, Şəxs hadisə vaxtı alkoqol sərxoşluğu aşkar olunmuşdur. İş materiallarında olan inzibati tənbehvermə haqqında xx.xx.2022-ci il tarixli, TP ******* saylı elektron qərardan müəyyən edilir ki, barəsində inzibati xəta haqqında icraat aparılan şəxs Şəxs barəsində həmin qərarla Azərbaycan Respublikası İXM-nin 333.1-ci maddəsi üzrə cərimə inzibati tənbehi tətbiq edilmişdir. İş materiallarında olan sürücülük vəsiqəsindən (AE 606716) görünür ki, barəsində inzibati xəta haqqında icraat aparılan şəxsin xx.xx.2014-xx.xx.2024-cü il müddətli, “BC” kateqoriyası üzrə sürücülük hüququ verən sənədi vardır. Azərbaycan Respublikası İnzibati Xətalar Məcəlləsinin 27.3-cü maddəsinə əsasən, bu Məcəllənin 327.8, 333, 342.8 və 343-cü maddələrində nəzərdə tutulmuş hallar istisna olmaqla, nəqliyyat vasitələrindən əlilliyi ilə əlaqədar istifadə edən şəxslərin nəqliyyat vasitəsini idarə etmək hüququ məhdudlaşdırıla bilməz. Azərbaycan Respublikası İnzibati Xətalar Məcəlləsinə görə, nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsi həmin Məcəllənin 333.1-ci maddəsinin tərkibini yaradır. Azərbaycan Respublikası İnzibati Xətalar Məcəlləsinə görə, bu Məcəllənin 333.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsi həmin Məcəllənin 333.2-ci maddəsinin tərkibini yaradır. Məhkəmə hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 333.2-ci maddəsində nəzərdə tutulmuş nəqliyyat vasitələrini idarə etmək hüququ məhdudlaşdırılmaqla cərimə növündə inzibati tənbehin təyin edilməsi məqsədə müvafiqdir. Yuxarıda göstərilənlərə əsasən və Azərbaycan Respublikası İXM-nin 40, 43, 114, 128,130-cu maddələrini rəhbər tutaraq, məhkəmə qərarverdi: xx.xx.1988-ci ildə Xaçmaz rayonunun Köhnə Xaçmaz kəndində anadan olmuş Şəxs Azərbaycan Respublikasının İnzibati Xətalar Məcəlləsinin 333.2-ci maddəsi ilə təqsirli bilinsin və barəsində 2 (iki) il müddətinə nəqliyyat vasitələrini idarə etmə hüququ məhdudlaşdırılmaqla 500 (beş yüz) manat məbləğində cərimə növündə inzibati tənbeh təyin edilsin. Qərarın surəti rəsmi qaydada verildiyi vaxtdan 10 gün müddətinə Sumqayıt Apellyasiya məhkəməsinə şikayət verilə bilər. Hakim: Anar Sadıqov