Xaçmaz Rayon Məhkəməsi Qərar — İş №3(067)-1694/2022

Azərbaycan Respublikası adından QƏRAR Xaçmaz şəhəri İş № 3(067)-1694/2022 26.10.2022 XAÇMAZ RAYON MƏHKƏMƏSİ Hakim Qasımova Vüsalə Yadigar qızının sədrliyi, Məhkəmə iclas katibi Tağıyev Natiq Əkbər oğlunun katibliyi ilə, Xaçmaz Rayon PŞ-nin nümayəndəsi X1, Barəsində inzibati xəta haqqında icraat aparılan şəxs Şəxs iştirakları ilə, xx.xx.1968-ci ildə Xaçmaz rayonunda anadan olmuş, Azərbaycan Respublikasının vətəndaşı, Xaçmaz rayonu İlxıçı kəndində yaşayan Şəxs barəsində Azərbaycan Respublikası İXM-nin 227-ci maddəsi üzrə daxil olmuş inzibati xəta haqqında materiala açıq məhkəmə iclasında baxaraq, müəyyənetdi: Şəxs barəsində Azərbaycan Respublikası İXM-nin 227-ci maddəsi ilə tərtib edilmiş inzibati xəta haqqında materialdan görünür ki, o, xx.xx.2022-ci il tarixdə X9 məxsus 50 manat dəyərində dəmir lövhəni, xx.xx.2022-ci il tarixdə X3 məxsus obyektdən 95 manat dəyərində işlənmiş direl və mühərrikləri, xx.xx.2022-ci il tarixdə X4 məxsus 45 manatlıq telefonu və 25 manat pulu, xx.xx.2022-ci il tarixdə X2 məxsus 80 manat dəyərində su mühərrikini, 2022-ci ilin avqust ayında X6ma məxsus evdən 90 manat dəyərində qaz sayğacını, xx.xx.2022-ci il tarixdə X7 məxsus obyektdən 95 manat dəyərində su və qaz pompalarını, xx.xx.2022-ci il tarixdə X5 məxsus evdən 85 manat dəyərində polad relsi, xx.xx.2022-ci tarixdə X12 məxsus kartdan 30 manat pulu, xx.xx.2022-ci il tarixdə X10 məxsus 60 manat pulu, 30.09.202-ci il tarixdə X8 məxsus avtomobildən 60 manat pulu, xx.xx.2022-ci il tarixdə Məcidov Qabil Vəkil oğluna məxsus evdən 90 manat dəyrində qızılsırğanı, xx.xx.2022-ci il tarixdə X11 məxsus evdən 50 manat dəyərində miss kabelləri oğurlamaqla özgənin əmlaklarını xırda talamışdır. Məhkəmədə inzibati xəta haqqında protokolu tərtib edən şəxs izahatında bildirmişdir ki, barəsində inzibati xətaya dair icraat aparılan şəxs xx.xx.2022-ci il tarixdə X9 məxsus 50 manat dəyərində dəmir lövhəni, xx.xx.2022-ci il tarixdə X3 məxsus obyektdən 95 manat dəyərində işlənmiş direl və mühərrikləri, xx.xx.2022-ci il tarixdə X4 məxsus 45 manatlıq telefonu və 25 manat pulu, xx.xx.2022-ci il tarixdə X2 məxsus 80 manat dəyərində su mühərrikini, 2022-ci ilin avqust ayında X6ma məxsus evdən 90 manat dəyərində qaz sayğacını, xx.xx.2022-ci il tarixdə X7 məxsus obyektdən 95 manat dəyərində su və qaz pompalarını, xx.xx.2022-ci il tarixdə X5 məxsus evdən 85 manat dəyərində polad relsi, xx.xx.2022-ci tarixdə X12 məxsus kartdan 30 manat pulu, xx.xx.2022-ci il tarixdə X10 məxsus 60 manat pulu, 30.09.202-ci il tarixdə X8 məxsus avtomobildən 60 manat pulu, xx.xx.2022-ci il tarixdə Məcidov Qabil Vəkil oğluna məxsus evdən 90 manat dəyrində qızıl-sırğanı, xx.xx.2022-ci il tarixdə X11 məxsus evdən 50 manat dəyərində miss kabelləri oğurlamaqla özgənin əmlaklarını xırda talamışdır. Məhkəmədə barəsində inzibati xətaya dair icraat aparılan şəxs izahat verərək özünü inzibati xətanı törətməkdə təqsirli bilərək, barəsində yüngül növdə tənbeh təyin edilməsini xahiş etdi. Həmçinin o, əlilliyinin olmadığını bildirmişdir. İş materiallarında olan cinayət işinin başlanmasının rədd edilməsi barədə qərardan müəyyən olunur ki, cinayət işinin başlanması rədd edilmiş və Azərbaycan Respublikasının İXM-nin 227-ci maddəsi ilə inzibati tədbir görülməsi üçün Polis Şöbəsinə göndərilmişdir. Yuxarıda göstərilənlərə əsasən məhkəmə belə nəticəyə gəlir ki, barəsində inzibati xəta haqqında icraat aparılan şəxsin Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulan inzibati xətanı törətməsi özünün etirafı, inzibati xəta haqqında toplanmış materiallarla sübuta yetirildiyindən ona AR-sı İXM-nin 227-ci maddəsinin sanksiyası çərçivəsində inzibati tənbeh tətbiq edilməlidir. Şəxs məsuliyyətini yüngülləşdirən və ağırlaşdıran hal olmadı. Məhkəmə inzibati xətanın xarakterini və işin hallarını nəzərə alaraq hesab edir ki, barəsində inzibati xətaya dair icraat aparılan şəxsin barəsində həbs inzibati tənbeh növü təyin olması məqsədə müvafiqdir. Belə ki, AR İXM-nin 21-ci maddəsindən görünür ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və Azərbaycan Respublikası İXM-nin 40, 43, 114, 115, 128,130 -cu maddələrini rəhbər tutaraq, məhkəmə qəraraaldı: xx.xx.1968-cı ildə Xaçmaz rayonunda anadan olmuş Şəxs Azərbaycan Respublikası İXM-nin 227-ci maddəsi ilə təqsirli bilinsin və barəsində 22 (iyirmi iki) gün müddətinə inzibati həbs növündə inzibati tənbeh tətbiq edilsin. Həbsdə saxlama müddətinin əvvəli 25 oktyabr 2022-ci il tarixdən saat 18-00-dan hesablansın. Qərar dərhal icra olunsun. Qərarın icrası Xaçmaz rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 gün müddətinə Xaçmaz Rayon Məhkəməsi vasitəsilə və ya birbaşa Sumqayıt Apellyasiya məhkəməsinə şikayət verilə bilər. Hakim Vüsalə Qasımova