Xaçmaz Rayon Məhkəməsi Qərar — İş №3(067)-1841/2022

Azərbaycan Respublikası adından QƏRAR Xaçmaz şəhəri İş № 3(067)-1841/2022 30.11.2022 XAÇMAZ RAYON MƏHKƏMƏSİ Hakim Sadıqov Anar Böyükkişi oğlunun sədrliyi, məhkəmə iclas katibi Həsənli Rövşən Xudat oğlunun katibliyi, inzibati xəta haqqında protokolu tərtib etmiş şəxs X1, barəsində inzibati xəta haqqında icraat aparılan şəxs Şəxs iştirakı ilə xx.xx.1987-ci ildə Xaçmaz rayonunun Xanlıqoba kəndində anadan olmuş, Azərbaycan Respublikasının vətəndaşı, Xaçmaz rayonunun Xanlıqoba kəndində qeydiyyatda olan Şəxs barəsində Azərbaycan Respublikası İXM-nin 528.1-ci maddəsi üzrə tərtib edilmiş inzibati xətaya dair materiala baxaraq müəyyənetdi: Şəxs barəsində Azərbaycan Respublikası İXM-nin 528.1-ci maddəsi üzrə inzibati xəta haqqında material tərtib edilərək baxılması üçün Xaçmaz rayon məhkəməsinə göndərilmişdir ondan ötrü ki, o, Xaçmaz rayon məhkəməsinin 26 sentyabr 2022-ci il tarixli, 2(067)-1321/2022 saylı icra sənədinə əsasən yaranmış 3240 manat aliment borcunu ödəmir. Məhkəmə iclasında inzibati xəta haqqında protokolu tərtib etmiş şəxs izahat verərək bildirmişdir ki, Xaçmaz rayon məhkəməsinin 26 sentyabr 2022-ci il tarixli, 2(067)- 1321/2022 saylı icra sənədinə əsasən Şəxs üç uşağın saxlanması üçün xx.xx.2022-ci il tarixdən başlayaraq hər ay hər uşaq üçün 135 manat sabit pul şəklində aliment alınaraq tələbkar Rüstəmova (Əliyeva) Aişə Kamandar qızına verilməlidir. Borclu hazıradək alimentlə bağlı heç bir ödəniş etməmiş və onun hazırda 3240 manat aliment borcu yaranmışdır. İcra şöbəsində borclunun izahatları alınmış və bildirmişdir ki, alimenti tələbkardan uşaqların alınıb ona verilməsini tələb etdiyi üçün ödəməmişdir. Həmçinin bildirmişdir ki, tələbkar aliment borcunu tələb edir. Məhkəmə iclasında barəsində inzibati xəta haqqında icraat aparılan şəxs izahat verərək bildirmişdir ki, onun qeyd olunan alimenti ödəməməsinin səbəblərindən biri onun işinin olmaması, digər səbəbi isə onun uşaqlarının tələbkarın yanında, ailəsində qalmasını istəməməsidir. O, uşaqlarının saxlanılmasının onun borcu olduğunu bilir, lakin iş yeri olmadığından aliment ödəyə bilməmişdir. O, fəhləlik edərək az qazanc əldə edir. Alimenti ödəyəcəkdir. Barəsində qəbul ediləcək qərarı məhkəmənin mülahizəsinə verdiyini bildirmişdir. Əlavə olaraq bildirdi ki, əlilliyi yoxdur. İş materiallarından görünür ki, barəsində inzibati xəta haqqında icraat aparılan şəxsə icra sənədi üzrə icraata başlamaq haqqında qərar və tələbin könüllü icrası barədə bildiriş təqdim edilmişdir. Həmçinin barəsində inzibati xəta haqqında icraat aparılan şəxsin əmlak vəziyyəti yoxlanılmış, lakin onun mülkiyyətində əmlak aşkar edilməmişdir. Yuxarıda göstərilənlərə əsasən məhkəmə hesab edir ki, hazırkı iş üzrə barəsində inzibati xəta haqqında icraat aparılan şəxsin Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi iş materialları ilə tam sübuta yetirilir. Məhkəmə hesab edir ki, barəsində inzibati xəta haqqında icraat aparılan şəxsin törətdiyi inzibati xətanın xarakterini və işin digər hallarını nəzərə alaraq onun barəsində həbs növündə inzibati tənbeh təyin olunması məqsədə müvafiqdir. Yuxarıda göstərilənlərə əsasən və Azərbaycan Respublikası İXM-nin 40, 43, 114, 128 və 130 -cu maddələrini rəhbər tutaraq, məhkəmə qəraraaldı: xx.xx.1987-ci ildə Xaçmaz rayonunun Xanlıqoba kəndində anadan olmuş Şəxs Azərbaycan Respublikası İXM-nin 528.1-ci maddəsi ilə təqsirli bilinsin və barəsində 07 (yeddi) gün müddətinə inzibati həbs növündə tənbeh təyin edilsin. Şəxs məhkəmə iclas zalında dərhal həbsə (inzibati qaydada tutulsun) alınsın. Həbsdə saxlama müddətinin əvvəli 30 noyabr 2022-ci il tarixdən, saat 17:05-dən hesablansın. Qərar dərhal icra olunsun. Qərarın icrası Xaçmaz Rayon Polis Şöbəsinə və Xaçmaz Rayon İcra və Probasiya Şöbəsinə tapşırılsın. Qərarın surəti rəsmi qaydada verildiyi vaxtdan 10 gün müddətinə Sumqayıt Apellyasiya məhkəməsinə şikayət verilə bilər. Hakim: Anar Sadıqov