Xaçmaz Rayon Məhkəməsi Qərardad — İş №3(067)-370/2024

Azərbaycan Respublikası adından QƏRARDAD Xaçmaz şəhəri İş № 3(067)-370/2024 15.03.2024 XAÇMAZ RAYON MƏHKƏMƏSİ Xaçmaz Rayon Məhkəməsinin hakimi Qasımova Vüsalə Yadigar qızı, X2 şikayət ərizəsinə baxılmağa hazırlanmasına dair məhkəmə iclasından kənar prosessual qaydada baxaraq məhkəmə, m ü ə y y ə n e t d i: X2 şikayət ərizəsi 14 mart 2024-cü il tarixində Xaçmaz Rayon Məhkəməsinə daxil olmuşdur. Şikayət ərizəsinə məhkəmə tərəfindən baxılmağa hazırlanması zamanı müəyyən edilmişdir ki, hazırkı iş üzrə X5 iki tələbi bir şikayət ərizəsində birləşdirərək məhkəməyə müraciət etmişdir. Məhkəmə şikayət verən şəxsin tələbinə münasibətdə qeyd edir ki, qərarın ləğv edilməsi ilə bağlı YPX-nın əməkdaşının fəaliyyətinin yoxlanılması məhkəmənin səlahiyyətində deyildir. Qeyd olunan tələblərə bir icraatda baxıla bilməz. Qeyd olunanlara əsasən, məhkəmə hesab edir ki, şikayət ərizəsi geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 128.1ci maddəsinə əsasən inzibati xəta haqqında iş üzrə qərardan şikayət vermək hüququna Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 132.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən aşağıdakı məsələlər həll edilir: inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi (132.1.1), inzibati xəta haqqında iş üzrə icraatı rədd edən hallar mövcuddurmu (132.1.2), vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılma üçün lazım olan şəxslər çağırılır (132.1.3). Məhkəmə hesab edir ki, X2 şikayətini icraata götürərək baxmaq hazırda mümkün deyildir. Qərarın qanuniliyinin yoxlanmasının qeyri mümkünlüyü həmin qərardan şikayəti icraata götürüb baxmağa yol vermir və bunlar şikayət üzrə icraatı rədd edən hallardır. Qeyd olunanlara əsasən, məhkəmə hesab edir ki, şikayət ərizəsi geri qaytarılmalıdır. Bununla yanaşı ərizəçiyə izah olunsun ki, qeyd olunan nöqsanlar aradan qaldırılandan sonra yenidən məhkəməyə müraciət edə bilər. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 109-cu maddəsini rəhbər tutaraq, məhkəmə qəraraaldı: X5 tərəfindən verilmiş şikayət ərizəsi geri qaytarılsın. X3 izah edilsin ki, göstərilən nöqsanları aradan qaldırmaqla yenidən məhkəməyə müraciət edə bilər. Qərardaddan şikayət verilə bilməz. Hakim: Vüsalə Qasımova İş № 3(067)-1212/2022 Məhkəmə iclasından kənar prosessual hərəkət barədə PROTOKOL 29 iyul 2022-ci il Xaçmaz şəhəri Xaçmaz rayon məhkəməsinin hakimi Qasımova Vüsalə Yadigar qızı, X1 şikayət ərizəsinə baxılmağa hazırlanması üzrə məhkəmə iclasından kənar ayrıca prosessual hərəkət etdi. Hakim qərardadı elan edir. Hakim: Vüsalə Qasımova