Xaçmaz Rayon Məhkəməsi Qərar — İş №3(067)-483/2022

Azərbaycan Respublikası adından QƏRAR Xaçmaz şəhəri İş № 3(067)-483/2022 02.03.2022 XAÇMAZ RAYON MƏHKƏMƏSİ Hakim Sadıqov Anar Böyükkişi oğlunun sədrliyi, Həsənli Rövşən Xudat oğlunun katibliyi ilə, barəsində inzibati xəta haqqında icraat aparılan şəxs Məmmədov (Məmməd) Cavid Ağababa oğlunun iştirakı ilə, xx.xx.1980-cı ildə Xaçmaz şəhərində anadan olan, Azərbaycan Respublikasının vətəndaşı, Şabran rayonu Rəhimli kəndində qeydiyyatda olan Məmmədov (Məmməd) Cavid Ağababa oğlunun barəsində Azərbaycan Respublikası İnzibati Xətalar Məcəlləsinin 535.1-ci maddəsi üzrə daxil olmuş inzibati xəta haqqında materiala açıq məhkəmə iclasında baxaraq mü əy yə n et di: Məmmədov (Məmməd) Cavid Ağababa oğlu barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir ondan ötrü ki, o, 01.03.2022-ci il tarixdə xidmərdə olan DYPX-nin əməkdaşlarının iş rejimini pozaraq hədə-qorxu gələrək qanuni tələblərinə qəsdən tabe olmamışdır. Məhkəmə iclasında izahat vermiş barəsində inzibati xətaya dair icraat aparılan şəxs özünü inzibati xəta törətmədiyini bildirərək, heç bir qanuni tələbi pozmadığını qeyd etmişdir. Həmçinin o, əlilliyi olmadığını bildirmişdir. Məhkəmə iclasında şahid qismində ifadə vermiş Xaçmaz rayon DYPX-nin əməkdaşı X1 ifadəsində bildirmişdir ki, barəsində inzibati xəta haqqında icraat aparılan şəxs 01.03.2022-ci il tarixdə xidmərdə olan DYPX-nin əməkdaşlarının iş rejimini pozaraq hədə-qorxu gələrək qanuni tələblərinə qəsdən tabe olmamışdır. Yuxarıda qeyd olunanlara əsasən məhkəmə hesab edir ki, barəsində inzibati xətaya dair icraat aparılan şəxsin Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməsi, inzibati xəta haqqında protokolla, materiala əlavə edilmiş video görüntü ilə, şahid ifadələri və iş materialları ilə tam sübuta yetir. İş materiallarında olan inzibati qaydada tutma protokolundan görünür ki, Məmmədov (Məmməd) Cavid Ağababa oğlu 01 mart 2022-ci il tarixdə inzibati qaydada tutulmuşdur. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Məhkəmə barəsində inzibati xətaya dair icraat aparılan şəxsin törətdiyi inzibati xətanın xarakterini, onun şəxsiyyətini və evli olmaqla himayəsində 3 yetkinlik yaşına çatmayan uşağının olmasını nəzərə alaraq barəsində cərimə növündə inzibati tənbeh təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 40, 43, 114, 128, 130 -cu maddələrini rəhbər tutaraq, məhkəmə qərara aldı: xx.xx.1980-cı ildə Şabran rayonunda anadan olmuş Məmmədov (Məmməd) Cavid Ağababa oğlu Azərbaycan Respublikası İXM-nin 535.1-ci maddəsi ilə təqsirli bilinsin və onun 01.03.2022-ci il saat 14-00-dan 02.03.2022-ci il saat 12-55-dək inzibati qaydada tutulması nəzərə alınaraq barəsində 150 (yüz əlli) manat məbləğində cərimə növündə inzibati tənbeh təyin edilsin. Məmmədov (Məmməd) Cavid Ağababa oğlu məhkəmə iclas zalında dərhal həbsdən (inzibati qaydada tutulmadan) azad edilsin. Qərarın icrası Xaçmaz rayon Polis Şöbəsinə və Xaçmaz rayon İcra və Probasiya şöbəsinə həvalə edilsin. Qərarın surəti rəsmi qaydada verildiyi vaxtdan 10 gün müddətinə Sumqayıt Apellyasiya məhkəməsinə şikayət verilə bilər. Hakim Anar Sadıqov