Xaçmaz Rayon Məhkəməsi Qərar — İş №3(067)-576/2024

Azərbaycan Respublikası adından QƏRAR Xaçmaz şəhəri İş № 3(067)-576/2024 06.05.2024 XAÇMAZ RAYON MƏHKƏMƏSİ Hakim Quliyev Xıdır İnqilab oğlunun sədrliyi, Məhkəmə iclas katibi X11, İnzibati xəta haqqında protokolu tərtib etmiş Xaçmaz rayon X16 təhlükəsizlik bölməsinin polis sahə rəisi X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, 27 avqust 1989-cu ildə Bakı şəhəri, Əzizbəyov rayonunda anadan olmuş, Azərbaycan Respublikasının vətəndaşı, evli, orta təhsilli, işləməyən, deməsinə görə əvvəllər məhkum olunmamış, inzibati tənbehə məruz qalmış, Xaçmaz rayonu, Hacıməmmədoba kəndində yaşayan Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə Xaçmaz rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏNETDİ: Şəxs 15 mart 2024-cü il tarixdə ünvan 1 ünvanında yaşayan taksi sürücüsü X12 60 manat pulunu aldatma yolu ilə ələ keçirmiş, bundan başqa 17 mart 2024-cü il tarixdə Xaçmaz rayonunun Müzəffəroba kənd sakini X3 məxsus yaşayış evinin həyətindən 80 manat dəyərində 100-120 metrlik elektrik naqillərini, bundan başqa 28 mart 2024-cü il tarixdə Xaçmaz rayonunun Həsənqala kənd sakini X8 məxsus bağ sahəsindən sonuncuya məxsus 20 manat dəyərində dəmir parçanı, bundan başqa 27 aprel 2024-cü il tarixdə ünvan 2 ünvanında yaşayan X1 işlətdiyi Xaçmaz şəhəri, H.Z.Tağıyev küçəsində yerləşən gözəllik salonundan çantanın içərisində olan sonuncuya məxsus 380 manat pulu və “Samsung Galaxy J-5” markalı mobil telefonu oğurlamaqla özgə əmlakını xırda talamışdır. Məhkəmə iclasında inzibati xəta haqqında protokol tərtib etmiş şəxs Xaçmaz rayon X16 təhlükəsizlik bölməsinin polis sahə rəisi X5 göstərdi ki, Şəxs 15 mart 2024-cü il tarixdə ünvan 1 ünvanında yaşayan taksi sürücüsü X12 60 manat pulunu aldatma yolu ilə ələ keçirmiş, bundan başqa 17 mart 2024-cü il tarixdə Xaçmaz rayonunun Müzəffəroba kənd sakini X3 məxsus yaşayış evinin həyətindən 80 manat dəyərində 100-120 metrlik elektrik naqillərini, bundan başqa 28 mart 2024-cü il tarixdə Xaçmaz rayonunun Həsənqala kənd sakini X8 məxsus bağ sahəsindən sonuncuya məxsus 20 manat dəyərində dəmir parçanı, bundan başqa 27 aprel 2024-cü il tarixdə ünvan 4 ünvanında yaşayan X1 işlətdiyi Xaçmaz şəhəri, H.Z.Tağıyev küçəsində yerləşən gözəllik salonundan çantanın içərisində olan sonuncuya məxsus 380 manat pulu və “Samsung Galaxy J-5” markalı mobil telefonu oğurlamaqla özgə əmlakını xırda talamışdır. Bu səbəbdən Şəxs barəsində müvafiq sənədləşmə aparılmışdır. Məhkəmədə izahat vermiş Şəxs törətdiyi inzibati xətanı etiraf etməklə göstərdi ki, o, həqiqətən maddi imkansızlıqdan və pula ehtiyacı olduğundan 15 mart 2024-cü il tarixdə sonradan şəxsiyyəti ona məlum olan taksi sürücüsü X12 60 manat pulunu aldatma yolu ilə ələ keçirmiş, bundan başqa 17 mart 2024-cü il tarixdə Xaçmaz rayonunun Müzəffəroba kənd sakini X3 məxsus yaşayış evinin həyətindən 100-120 metrlik elektrik naqillərini, bundan başqa 28 mart 2024-cü il tarixdə Xaçmaz rayonunun Həsənqala kənd sakini X8 məxsus bağ sahəsindən sonuncuya məxsus dəmir parçanı, bundan başqa 27 aprel 2024cü il tarixdə sonradan şəxsiyyəti ona məlum olan X1 işlətdiyi Xaçmaz şəhəri, H.Z.Tağıyev küçəsində yerləşən gözəllik salonundan çantanın içərisində olan sonuncuya məxsus 380 manat pulu və “Samsung Galaxy J-5” markalı mobil telefonu oğurlamışdır. Qeyd olunan oğurluq hadisələri ilə əlaqədar sonradan Xaçmaz rayon Polis Şöbəsinə dəvət edildikdən sonra mobil telefonu zərərçəkmiş şəxsə qaytarmışdır. Polis Şöbəsində aparılan sorğu zamanı o, törətmiş olduğu oğurluq hadisələrini etiraf etmişdir. Zərər çəkmiş şəxslərə vurmuş olduğu zərəri ödəyəcəkdir. Hərəkətlərindən peşmandır. Ailəli olmaqla himayəsində 1 nəfər azyaşlı uşağının olması, eləcə də 2-ci Qarabağ müharibəsinin iştirakçısı olması nəzərə alınmaqla barəsində həbslə əlaqədar olmayan inzibati tənbeh tətbiq edilməsini xahiş edir. İş materiallarında olan Xaçmaz rayon X15 Bölməsinin təhqiqatçısı, polis kapitanı X4 24 mart 2024-cü il tarixli qərarından müəyyən olunur ki, Şəxs tərəfindən 15 mart 2024-cü il tarixdə ünvan 1 ünvanında yaşayan taksi sürücüsü X12 60 manat pulunun aldatma yol ilə ələ keçirilməsi faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X16 təhlükəsizlik bölməsinə həvalə edilmişdir. İş materiallarında olan Xaçmaz rayon X15 Bölməsinin təhqiqatçısı, polis mayoru X9 28 mart 2024-cü il tarixli qərarından müəyyən olunur ki, Şəxs tərəfindən 17 mart 2024-cü il tarixdə Xaçmaz rayonunun Müzəffəroba kənd sakini X3 məxsus yaşayış evinin həyətindən 80 manat dəyərində 100-120 metrlik elektrik naqillərinin oğurlanması faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X16 təhlükəsizlik bölməsinə həvalə edilmişdir. İş materiallarında olan Xaçmaz rayon X15 Bölməsinin təhqiqatçısı, polis baş leytenantı X6 03 aprel 2024-cü il tarixli qərarından müəyyən olunur ki, Şəxs tərəfindən 28 mart 2024-cü il tarixdə Xaçmaz rayonunun Həsənqala kənd sakini X8 məxsus bağ sahəsindən sonuncuya məxsus 20 manat dəyərində dəmir parçanın oğurlanması faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X16 təhlükəsizlik bölməsinə həvalə edilmişdir. İş materiallarında olan Xaçmaz rayon X15 Bölməsinin təhqiqatçısı, polis mayoru X9 05 may 2024-cü il tarixli qərarından müəyyən olunur ki, Şəxs tərəfindən 27 aprel 2024-cü il tarixdə ünvan 2 ünvanında yaşayan X1 işlətdiyi Xaçmaz şəhəri, H.Z.Tağıyev küçəsində yerləşən gözəllik salonundan çantanın içərisindən sonuncuya məxsus 380 manat pulun və “Samsung Galaxy J-5” markalı mobil telefonun oğurlanması faktı üzrə barəsində cinayət işi başlanması rədd edilmiş və onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə inzibati qaydada tədbir görülməsi üçün qərarın icrası Xaçmaz rayon X16 təhlükəsizlik bölməsinə həvalə edilmişdir. Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətanı törətməsi onun özünün etirafı, cinayət işi başlanmasının rədd edilməsi barədə qərarlar, inzibati xəta haqqında protokollar və digər iş materialları ilə təmamilə sübuta yetir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs törətdiyi xətada özünü təqsirli bilərək əməlindən peşman olmasını məsuliyyəti yüngülləşdirən hal kimi qiymətləndirir. Həmin Məcələnin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Məhkəmə Şəxs barəsində inzibati tənbeh tətbiq edərkən onun şəxsiyyətini, törətdiyi inzibati xətanın xarakterini, ictimai təhlükəlilik dərəcəsini, o cümlədən məsuliyyəti yüngülləşdirən və ağırlaşdıran halları, onun cəmiyyətdən təcrid edilmədən islah edilməsinin mümkünlüyünü nəzərə alaraq onun barəsində təqsirləndirildiyi Azərbaycan Respublikasının İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər növündə inzibati tənbeh tədbirinin tətbiq edilməsi qanuna və məqsədə müvafiqdir. Azerbaycan Respublikasının İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə- yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Odur ki, Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulmalıdır. Qərarın icrası Şəxs yaşayış yeri üzrə Xaçmaz rayon İcra və Probasiya Şöbəsinə həvalə edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-49, 114, 115, 117, 128-130-cu maddələrini rəhbər tutaraq, məhkəmə QƏRARVERDİ: Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə təqsirli bilinərək, ona 240 (iki yüz qırx) saat ictimai işlər inzibati tənbeh növü təyin edilsin. İctimai işlər növündə inzibati tənbeh tətbiq olunmuş Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrası Şəxs yaşayış yeri üzrə Xaçmaz rayon İcra və Probasiya Şöbəsinə həvalə edilsin. Qərarın surəti rəsmi qaydada verildiyi gündən 10 gün müddətində Sumqayıt Apellyasiya Məhkəməsinə apellyasiya şikayəti verilə bilər. Sədrlik edən Xıdır Quliyev