Xaçmaz Rayon Məhkəməsi Qərar — İş №3(067)-596/2023

Azərbaycan Respublikası adından QƏRAR Xaçmaz şəhəri İş № 3(067)-596/2023 01.05.2023 XAÇMAZ RAYON MƏHKƏMƏSİ Hakim Səmədzadə Sərxan Akif oğlunun sədrliyi, Məhkəmə iclas katibi X2 iştirakı ilə, İnzibati xəta haqqında protokol tərtib etmiş Xaçmaz rayon İcra və Probasiya Şöbəsinin icra məmuru X3, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxxx 1994-cü ildə Bakı şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, Xaçmaz rayonunun Uzunoba kəndində qeydiyyatda olan Şəxs haqqında Azərbaycan Respublikasının İnzibati Xətalar Məcəlləsinin 528.1-ci maddəsi ilə Xaçmaz rayon İcra və Probasiya Şöbəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏNETDİ: Xaçmaz rayon İcra Şöbəsi tərəfindən tərtib olunmuş 18 aprel 2023-cü il tarixli inzibati xəta haqqında protokola əsasən Xaçmaz rayon məhkəməsinin 18 oktyabr 2021-ci il tarixli, 2(067)-2289/2021 saylı icra vərəqəsinə əsasən Bakı şəhəri, 19 saylı notariat kontoru tərəfindən təsdiq edilmiş 25 avqust 2015-ci il tarixli, 3M-298 reyestr nömrəli kredit müqaviləsi üzrə cavabdehlər Şəxs və X4 müştərək qaydada ödənilməmiş qalan borclu olduqları 27600 (iyirmi yeddi min altı yüz) manat pul və dövlət rüsumu olaraq ödənilmiş 30 (otuz) manat pul alınaraq iddiaçı X5 verilməsi qət olunmuşdur. Şəxs göstərilən icra sənədinin icrasından qəsdən yayınmışdır. Məhkəmədə izahat vermiş Xaçmaz rayon İcra Şöbəsinin icra məmuru X6 göstərmişdir ki, Xaçmaz rayon məhkəməsinin 18 oktyabr 2021-ci il tarixli, 2(067)-2289/2021 saylı icra vərəqəsinə əsasən Bakı şəhəri, 19 saylı notariat kontoru tərəfindən təsdiq edilmiş 25 avqust 2015-ci il tarixli, 3M-298 reyestr nömrəli kredit müqaviləsi üzrə cavabdehlər X1 və X4 müştərək qaydada ödənilməmiş qalan borclu olduları 27600 (iyirmi yeddi min altı yüz) manat pul və dövlət rüsumu olaraq ödənilmiş 30 (otuz) manat pul alınaraq iddiaçı X5 verilməsi qət olunmuşdur. Qeyd olunan icra sənədi üzrə indiyəndək cəmi 2350 (iki min üç yüz əlli) manat ödəniş edilmişdir. Lakin Şəxs isə özünə aid hissədə isə cəmi 180 (bir yüz səksən) manat ödəniş etmişdir. Qeyd olunan icra sənədi 06 yanvar 2022-ci il tarixdə icraata daxil olmuşdur. Bundan əlavə olaraq borclu Xaçmazda qeydiyyatda olsa da, Xaçmazda yaşamadığından barəsində verilmiş axtarış qərarına əsasən gətirildiyini, tələbkarın şikayətçi olduğunu və barəsində ən ciddi cəza növünün tətbiq edilməsini xahiş etmişdir. Məhkəmədə izahat verən Şəxs törətdiyi inzibati xətanı etiraf etməyərək bildirmişdir ki, Xaçmaz rayon məhkəməsinin 18 oktyabr 2021-ci il tarixli, 2(067)-2289/2021 saylı icra vərəqəsinə əsasən Bakı şəhəri, 19 saylı notariat kontoru tərəfindən təsdiq edilmiş 25 avqust 2015-ci il tarixli, 3M-298 reyestr nömrəli kredit müqaviləsi üzrə cavabdehlər X1 və X4 müştərək qaydada ödənilməmiş qalan borclu olduları 27600 (iyirmi yeddi min altı yüz) manat pul və dövlət rüsumu olaraq ödənilmiş 30 (otuz) manat pul alınaraq iddiaçı X5 verilməsi qət olunmuşdur. Həmin aylar üzrə tələbkara etdiyi ödənişlərinin az olduğunu bildiyini, borcunu imkanı olmadığı üçün elə az ödədiyni, borcun ona yox anasına məxsus olduğunu, özünün isə həmin pulun götürməkdə anasına zamin durduğunu, həmin borcun istifadəsi, hər bir şeyi anasına adi olduğunu, həmin puldan heç bir manat belə olsa yararlanmadığını bildirmişdir. Anası həmin borc götürdüyü pulu özü ödəməyə çalışmışdır. Həmin puldan heç bir halda yararlanmadığı halda anasına həmin pulun qaytarılmasında köməklik göstərir. Heç bir yerdə işləmədiyini, evdar qadın olmasını, himayəsində 5 yaşında uşağının olduğunu, evdə təkcə gəlir gətirən şəxsin yoldaşının olduğunu o, da ki, dəmir sexində fəhlə işləməklə çörək pulu qazandığını, özünə aid iş olmadığından həm də himayəsində az yaşlı uşağının olduğundan uşağı qoyub işləməyə gedə bilmədiyini, nə özünün nə də ki, yoldaşının adına heç bir əmlakaları yoxdur. Həmin borcu hər ay 100 manat olmaqla ödəmək istədiyini demişdir. Burda yaşamır, Bakı şəhərində qaynatasına məxsus evdə yaşayır. Barəsində axtarış olduğunu anası dediyi üçün bilmişdir. Məhkəmə işdə iştirak edən şəxslərin izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsini təsdiq edən mötəbər sübutlar olmadığından, barəsində olan iş üzrə icraata xitam verilməlidir. Belə ki, iş materiallarında olan ödəniş qəbzlərininin surətindən görünür ki, Şəxs iş üzrə tələbkar X5 xx.xx.2022-ci il tarixdə 50 manat, xx.xx.2022-ci il tarixdə 20 manat, xx.xx.2023-cü il tarixdə 20 manat, xx.xx.2023-cü il tarixdə 20 manat, xx.xx.2023-cü il tarixdə 20 manat, xx.xx.2023-cü il tarixdə 50 manat ödəniş etmişdir. Məhkəmə iclası zamanı “Elektron məhkəmə informasiya sistemi”nə baxış keçirilərkən müəyyən edilmişdir ki, barəsində inzibati xəta haqqında iş üzrə icraat aparılan şəxs Şəxs xüsusi mülkiyyətində heç bir daşınar və daşınmaz əmlakı yoxdur, rəsmi iş yeri və hər hansı bir digər gəlir mənbəyi yoxdur, himayəsində bir azyaşlı uşağı var. Azərbaycan Respublikası İXM-nin 528.1-ci maddəsinin dispozisiyasından görünür ki, həmin maddə ilə nəzərdə tutulmuş inzibati xəta əməlinin tərkib hissəsinin yaranması üçün əsas şərt məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsidir. Lakin məhkəmə iclasında protokolu tərtib etmiş icra məmuru barəsində inzibati xəta haqqında iş üzrə icraat aparılan şəxsin onun qanuni tələblərini yerinə yetirməməsini, çağırışlara vaxtlı-vaxtında gəlməməsini, borcunu vaxtında və lazımınca ödəməməsinin nədə və hansı hərəkətlərində ifadə olunmasını sübuta yetirə bilməmişdir. Məhkəmə hesab edir ki, Şəxs mülki öhdəlik üzrə olan maddi borcunu birdəfəyə ödəmək iqtidarında olmaması, onun icra məmurunun qanuni tələblərinin yerinə yetirməməsi anlamına gəlmir. Azərbaycan Respublikası İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Göründüyü kimi, barəsində inzibati xəta haqqında iş üzrə icraat aparılan şəxs Şəxs 29 yaşı olsa da, himayəsində 5 yaşlı uşağın olması ona işləyib gəlir əldə etməkdə məhdudiyyət yaradır. Rəsmi olaraq heç bir yerdə işləmir, xüsusi mülkiyyətində daşınmaz və ya daşınar əmlakı yoxdur, başqa gəlir yeri müəyyən edilməyib. Buna baxmayaraq Şəxs son aylar ərzində az da olsa, tələbkarın xeyirinə müəyyən ödənişləri etmişdir. İnsan Hüquqlarının və əsas azadlıqlarının müdafiəsi haqqında Avropa Konvensiyasına dair 4 saylı Protokolun 1-ci maddəsinə əsasən heç kəs yalnız hər hansı bir müqavilə öhdəliyini ödəmək iqtidarında olmadığına görə azadlıqdan məhrum edilə bilməz. Azərbaycan Respublikası İXM-nin 53.0. və 53.0.2-ci maddələrinə əsasən inzibati xətalar haqqında işlər üzrə icraata inzibati xəta tərkibi olmadıqda xitam verilir. Həmin Məcəllənin 114.2.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Azərbaycan Respublikası İXM-nin 114.1.4-cü maddəsinə əsasən inzibati xəta haqqında iş üzrə icraata xitam verilməsi haqqında inzibati xəta haqqında işə baxılarkən qərar çıxarılır. Məhkəmə yuxarıda göstərilənləri nəzərə alaraq və Azərbaycan Respublikası İXM-nin 30, 99, 106, 112, 133, 115, 116, 117 və 130-cu maddələrini rəhbər tutaraq, Qəraraaldı: Şəxs əməlində Azərbaycan Respublikası İXM-in 528.1-cı maddəsində nəzərdə tutulmuş inzibati xəta əməlinin tərkib hissəsi olmadığından onun barəsində olan inzibati iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətinə Sumqayıt Apellyasiya məhkəməsinə şikayət verilə bilər. HAKİM SƏRXAN SƏMƏDZADƏ