Xaçmaz Rayon Məhkəməsi Qərardad — İş №3(067)-6/2021

Azərbaycan Respublikası adından QƏRARDAD Xaçmaz şəhəri İş № 3(067)-6/2021 10.02.2021 XAÇMAZ RAYON MƏHKƏMƏSİ Hakim Xəlilov İlkin Ələkbər oğlunun sədrliyi ilə, X1 Xaçmaz Rayon Polis Şöbəsinin xx.xx.2020-ci il tarixli MN ******* saylı protokolunun ləğv edilməsinə dair ərizəsinə məhkəmə iclasından kənar prosessual qaydada baxaraq məhkəmə, müəyyən etdi: X2 Xaçmaz Rayon Polis Şöbəsinin xx.xx.2020-ci il tarixli MN ******* saylıprotokolunun ləğv edilməsinə dair ərizə ilə məhkəməyə müraciət etmişdir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikasının İnzibati Xətalar Məcəlləsində protokoldan şikayət verilməsi nəzərdə tutulmamışdır. Azərbaycan Respublikasının İnzibati Xətalar Məçəlləsinin 109.1.6.-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib olunmadıqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam oluduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad çıxarılır. Qeyd olunanlara əsasən məhkəmə hesab edir ki, X1 Xaçmaz Rayon Polis Şöbəsinin xx.xx.2020-ci il tarixli MN ******* saylı protokolunun barəsində tərtib olunmuş inzibati xəta haqqında protokol və ona əlavə edilmiş sənədlər geri qaytarılmalıdır. Azərbaycan Respublikasının İnzibati Xətalar Məcəlləsinin 109.1.6-cı maddəsini rəhbər tutaraq, qərara aldım: X1 Xaçmaz Rayon Polis Şöbəsinin xx.xx.2020-ci il tarixli MN ******* saylı protokolunun barəsində tərtib olunmuş inzibati xəta haqqında protokol geri qaytarılsın. Hakim: İlkin Xəlilov.