Xaçmaz Rayon Məhkəməsi Qərardad — İş №3(067)-601/2021

Azərbaycan Respublikası adından QƏRARDAD Xaçmaz şəhəri İş № 3(067)-601/2021 28.07.2021 XAÇMAZ RAYON MƏHKƏMƏSİ Hakim Səmədzadə Sərxan Akif oğlu, Şəxs barəsində Azərbaycan Respublikası İnzibati Xətalar Məcəlləsinin 342.2.3, 342.7-ci və 342.9-cu maddələri üzrə daxil olmuş inzibati xəta haqqında işi nəzərdən keçirərək, müəyyən etdi: Şəxs barəsində Azərbaycan Respublikasının İnzibati Xətalar Məcəlləsinin 342.2.3, 342.7-ci və 342.9-cu maddələri üzrə tərtib olunmuş inzibati xətaya dair materialda qeyd olunmuşdur ki, o, Vaz 2112 markalı H825EP05 dövlət qeydiyyat nişanlı avtomobilidə çoxavazlı səs siqnallarını quraşdırdığına görə barəsində inzibati xəta haqqında protokol tərtib edilmişdir. İnzibati materialları araşdırılarkən müəyyən olunmuşdur ki, inzibati xətaya dair material natamam olduğuna görə geri qaytarılmalıdır. Belə ki, iş materiallarından görünür ki, inzibati materiala digər sənədlər əlavə edilməmişdir. Qeyd olunanlara əsasən məhkəmə hesab edir ki, hazırkı inzibati xətaya dair protokol və ona əlavə edilmiş sənədlər geri qaytarılmalıdır. Azərbaycan Respublikasının İnzibati Xətalar Məçəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib olunmadıqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam oluduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad çıxarılır. Qeyd olunanlara əsasən məhkəmə hesab edir ki, hazırkı inzibati xətaya dair protokol və ona əlavə olunmuş sənədlər geri qaytarılmalıdır. Azərbaycan Respublikasının İnzibati Xətalar Məcəlləsinin 109, 114, 134 və 135-ci maddələrini rəhbər tutaraq məhkəmə, qərara aldı: Şəxs barəsində Azərbaycan Respublikasının İnzibati Xətalar Məcəlləsinin 342.2.3, 342.7-ci və 342.9-cu maddələri üzrə tərtib olunmuş inzibati xətaya dair protokol və ona əlavə olunmuş sənədlər Xaçmaz rayon PŞ-nə geri qaytarılsın. Hakim: Sərxan Səmədzadə