Xaçmaz Rayon Məhkəməsi Qərar — İş №3(067)-747/2023

Azərbaycan Respublikası adından QƏRAR Xaçmaz şəhəri İş № 3(067)-747/2023 19.06.2023 XAÇMAZ RAYON MƏHKƏMƏSİ Hakim Qasımova Vüsalə Yadigar qızının sədrliyi, məhkəmə iclas katibi X2 iştirakı ilə, Protokol tərtib etmiş şəxsin nümayəndəsi X1, Barəsində inzibati xəta haqqında icraat aparılan şəxs Şəxs iştirakı ilə, xx.xx.1975-ci ildə Xaçmaz rayou Yalama kəndində anadan olmuş, Azərbaycan Respublikası vətəndaşı, Xaçmaz rayonu, Yalama kəndində qeydiyyatda olan Şəxs barəsində Azərbaycan Respublikası İXM-nin 552-ci maddəsi üzrə daxil olmuş inzibati xəta haqqında materiala açıq məhkəmə iclasında baxaraq müəyyənetdi: Şəxs barəsində Azərbaycan Respublikası İXM-nin 552-ci maddəsi ilə inzibati xəta üzrə material tərtib edilərək baxılması üçün Xaçmaz Rayon Məhkəməsinə göndərilmişdir ondan ötrü ki, o, 25 may 2023-cü il tarixdə saat 11:05 radələrində Xudat Yalama dairəsində şəhər avtostansiya ərazisində Lifan markalı 90 SF-198 dövlət nömrə nişanlı avtomaşınla sərnişindaşıma fəaliyyəti həyata keçirərkən yoxlama zamanı (fərqlənmə nişanı) təqdim etməmişdir. Bununla da Şəxs Azərbaycan Respublikası İnzibati Xətalar Məcəlləsinin 552-ci maddəsinin tələblərini pozmuşdur. Məhkəmə iclasında Azərbaycan Yerüstü Nəqliyyat X4 İdarəsinin nümayəndəsi izahatında protokolda göstərilənləri təsdiq etdi və inzibati tənbeh tətbiq edilməsini xahiş etdi. Məhkəmədə barəsində inzibati xəta haqqında icraat aparılan şəxs izahat verərək bildirmişdir ki, 25 may 2023-cü il tarixdə saat 11:05 radələrində Xudat Yalama dairəsində 90 SF-198 dövlət nömrə nişanlı avtomaşınla sərnişindaşıma fəaliyyəti həyata keçirərkən yoxlama zamanı (fərqlənmə nişanı) təqdim etməmişdir. Məhkəməyə təqdim olunmuş inzibati xəta haqqında işin materiallarında olan inzibati xəta haqqında protokoldan görünür ki, 25 may 2023-cü il tarixdə saat 11:05 radələrində Xudat Yalama dairəsində 90 SF-198 dövlət nömrə nişanlı avtomaşınla sərnişindaşıma fəaliyyəti həyata keçirilərkən vətəndaş yoxlama zamanı (fərqlənmə nişanı) təqdim etməmişdir Məhkəmə iş materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 552-ci maddəsində nəzərdə tutulan inzibati xətanı törətməsi, tərtib edilmiş inzibati xəta haqqında protokolla və inzibati xəta üzrə təqdim olunmuş sənədlərlə sübuta yetirilir. Azərbaycan Respublikası İnzibati Xətalar Məcəlləsinin 552-ci maddəsinə əsasən avtomobil nəqliyyatı ilə sərnişin və yük daşımalarını yerinə yetirən şəxslər tərəfindən müvafiq icra hakimiyyəti orqanının əməkdaşının xidməti vəzifəsinin yerinə yetirilməsinə mane olmağa, o cümlədən qanunvericiliklə müəyyən olunmuş tələb olunan sənədlərin təqdim edilməməsinə görə 50 (əlli) manat məbləğində cərimə edilir. Qeyd olunanlara əsasən məhkəmə hesab edir ki, inzibati xətanın xarakteri nəzərə alınaraq onun barəsində cərimə növündə inzibati tənbeh təyin edilməsi məqsədə müvafiqdir. Yuxarıda göstərilənlərə əsasən və Azərb.Res-sı İXM-nin 40, 43, 114, 128, 130 -cu maddələrini rəhbər tutaraq, məhkəmə qəraraaldı: xx.xx.1975-ci ildə Xaçmaz rayonunda anadan olan Şəxs Azərbaycan Respublikası İXM-nin 552-ci maddəsi ilə təqsirli bilinsin və barəsində 50 (əlli) manat məbləğində inzibati cərimə növündə təyin edilsin. Qərarın surəti rəsmi qaydada verildiyi vaxtdan 10 gün müddətinə Sumqayıt Apellyasiya məhkəməsinə şikayət verilə bilər. Hakim Vüsalə Qasımova