Xaçmaz Rayon Məhkəməsi Qərar — İş №3(067)-783/2025

Azərbaycan Respublikası adından QƏRAR Xaçmaz şəhəri İş № 3(067)-783/2025 15.05.2025 XAÇMAZ RAYON MƏHKƏMƏSİ Hakim Bayramov Samir Zakir oğlunun sədrliyi, Məmmədova Ruxsalə Əmrah qızının katibliyi, Xaçmaz Rayon İcra və Probasiya Şöbəsinin icra məmuru X8, X1, X5, X6, Barəsində inzibati xəta haqqında icraat aparılan şəxs Şəxs Gülmürad oğlunun iştirakı ilə xx.xx.1973-cü ildə Xaçmaz rayonunda anadan olan, Azərbaycan Respublikası vətəndaşı, Xaçmaz rayonu, Şıxhaput kəndində qeydiyyatda olan Şəxs Gülmürad oğlunun barəsində Azərbaycan Respublikası İXM-nin 528.1-ci maddəsi üzrə tərtib edilmiş inzibati xətaya dair materiala baxaraq müəyyənetdi: Şəxs Gülmürad oğlu barəsində Azərbaycan Respublikası İXM-nin 528.1-ci maddəsi üzrə inzibati xəta haqqında material tərtib edilərək baxılması üçün Xaçmaz Rayon Məhkəməsinə göndərilmişdir ondan ötrü ki, Şəxs Gülmürad oğlundan Xaçmaz Rayon Məhkəməsinin 2(067)-1242/2020 saylı, xx.xx.2020-ci il tarixli icra sənədinə əsasən 160239 manat, 2(067)-845 saylı, xx.xx.2023-cü il tarixli icra sənədinə əsasən 2747 manat, 2(067)-1763 saylı, xx.xx.2024-cü il tarixli icra sənədinə əsasən 5435.40 manat pul vəsaitlərini tələbkarlara ödənilməsi təmin olunmalıdır. Qərarlar müvafiq qaydada icraya yönəldilmiş və tələbin könüllü icrasını təmin etmək üçün borcluya bildirişlər göndərilmişdir. İş üzrə borclu Şəxs Gülmürad oğluna dəfələrlə borcunun ödənilməsi və icra şöbəsinə gəlməsi barədə xəbərdarlıq olunsa da o, icra şöbəsinə gəlməmişdir. Məhkəmədə inzibati xəta haqqında protokolu tərtib etmiş şəxs protokolda qeyd olunanlar ilə eyni məzmunlu izahat verərək bildirmişdir ki, Şəxs Gülmürad oğlundan Xaçmaz Rayon Məhkəməsinin 2(067)-1242/2020 saylı, xx.xx.2020-ci il tarixli qərara əsasən 160239 manat, 2(067)-845 saylı, xx.xx.2023-cü il tarixli sənədə əsasən 2747 manat, 2(067)-1763 saylı, xx.xx.2024-cü il tarixli sənədə əsasən 5435.40 manat pul vəsaitlərini tələbkarlara ödənilməsi təmin olunmalıdır. Qərarlar müvafiq qaydada icraya yönəldilmiş və tələbin könüllü icrasını təmin etmək üçün borcluya bildiriş göndərilmişdir. İş üzrə borclu Şəxs Gülmürad oğluna dəfələrlə borcunun ödənilməsi və icra şöbəsinə gəlməsi barədə xəbərdarlıq olunsa da o, icra şöbəsinə gəlməmişdir. Məhkəmədə barəsində inzibati xəta haqqında icraat aparılan şəxs izahat verərək bildirmişdir ki, borclarını qismən etiraf edir. İsmayıl ona kağıza qol çəkdirib, lakin ona pul verməyib. Qalan borcları isə ödəməyə imkanı yoxdur, lakin ona vaxt verilərsə borclarını imkan olduqca ödəyəcək. Əlavə olaraq bildirmişdir ki, əlilliyi yoxdur. Məhkəmədə tələbkar X12 izahat verərək bildirmişdir ki, borclunun ona olan borcunu ödəməsini tələb edir. Məhkəmədə tələbkar X4 izahat verərək bildirmişdir ki, borclunun ona olan borcunu ödəməsini tələb edir. Məhkəmədə tələbkar X13 izahat verərək bildirmişdir ki, borclunun ona olan borcunu ödəməsini tələb edir. İş materiallarında olan və məhkəmə iclasında tədqiq edilmiş: - Xaçmaz Rayon Məhkəməsinin 2(067)-1242/2020 saylı, xx.xx.2020-ci il tarixli icra sənədinə əsasən Şəxs Gülmürad oğlundan 10 fevral 2016-cı il tarixdə bağlanmış 3M 177 reyestr kredit müqaviləsinə əsasən 60000 manat məbləğində əsas pul və 93 manat notariat xərсİəri, 08 iyun 2016-cı il tarixli №M-905 reyestrli kredit müqaviləsinə əsasən 100000 manat məbləğində əsas pul və 93 manat notariat xərcləri və 30 dekabr 2015-ci il tarixli 3m524 saylı “Birgə fəaliyyət” müqaviləsinə əsasən ödənilmiş 23 manat notariat xərcləri alınaraq X9 və Şəxs 30 manat məbləğində dövlət rüsumu tutularaq Azərbaycan Respublikasının dövlət büdcəsinə keçirilməsi təmin olunmalıdır. - Xaçmaz Rayon Məhkəməsinin 2(067)-845 saylı, xx.xx.2023-cü il tarixli icra sənədinə əsasən Şəxs Gülmürad oğlundan 2700 manat pul və 47 manat dövlət rüsumu alınaraq X10 verilməsi təmin olunmalıdır. - Xaçmaz Rayon Məhkəməsinin 2(067)-1763 saylı, xx.xx.2024-cü il tarixli icra sənədinə əsasən Şəxs Gülmürad oğlundan 5.400 manat borc ödənilmiş 35.40 manat məbləğində dövlət rüsumu alınaraq X3 verilməsi təmin olunmalıdır. - Barəsində inzibati xəta haqqında icraat aparılan şəxs tələbin könüllü icrası barədə bildirişi almış və izahatında borcunu maddi cəhətdən çətinliyi olduğu üçün ödəyə bilmədiyini göstərmişdir. - xx.xx.2024-cü tarixli xəbərdalıq məktubundan görünür ki, Şəxs Gülmürad oğlunun borcunun olması və ödənilməsinə dair xəbərdarlıq edilmişdir. İşin bütün hallarının məcmusuna hərtərəfli, tam, obyektiv şəkildə baxaraq, iş üzrə sübutları və işin hallarını nəzərə alaraq, məhkəmə hesab edir ki, Şəxs Gülmürad oğlu tərəfindən borcun ödənilməməsi üzrsüz səbəbdən olmuşdur. Belə ki, məhkəmə qətnamələri icraya yönəldiləndən sonra borclu borcun ödənilməsindən yayınmış, keçən müddət ərzində heç bir məbləğdə ödəniş etməmişdir. O, icra sənədlərindən məlumatı olsa da, ödəniş etməmişdir. Məhkəmə qətamələrinin icrasından hər hansı üzrlü bir səbəbdən yayınmasını göstərən hərəkət etməmişdir. Göründüyü kimi, onun əməlində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın tərkibi vardır. İş üzrə icraata xitam verilməsi üçün qanunda göstərilən əsaslar yoxdur. İşin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək, məhkəmə belə nəticəyə gəlir ki, Şəxs Gülmürad oğlu Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir və o, həmin maddənin sanksiyası həddində tənbeh edilməlidir. Belə ki, Azərbaycan Respublikasının Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra Haqqında» Azərbaycan Respublikasının Qanununun 3-cü maddəsindən görünür ki, məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini və təqsirinin dərəcəsini nəzərə alır. Məhkəmə göstərilənlərə əsasən hesab edir ki, Şəxs Gülmürad oğluna Azərbaycan Respublikasının İnzibati Xətalar Məcəlləsinin 528.1-ci maddəsinin sanksiyası həddində inzibati həbs növündə inzibati tənbeh tətbiq edilməlidir. Azərbaycan Respublikasının İnzibati Xətalar Məcəlləsinin 21-ci maddəsindən görünür ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və İXM-nin 43, 114,115 və 130-cu maddələrini rəhbər tutatarq, məhkəmə, qəraraaldı: Şəxs Gülmürad oğlu Azərbaycan Respublikası İXM-nin 528.1-ci maddəsi ilə təqsirli bilinib ona 12 (on iki) gün müddətinə həbs növündə inzibati tənbeh tətbiq edilsin. Həbsetmənin əvvəli 15 may 2025-ci il saat 12:55-dən hesablansın. Qərarın surəti icra edilməsi üçün Xaçmaz Rayon İcra və Probasiya Şöbəsinə və Xaçmaz rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Sumqayıt Apellyasiya məhkəməsinə şikayət və protest verilə bilər. Hakim Samir Bayramov