Xaçmaz Rayon Məhkəməsi Qərar — İş №3(067)-862/2020

Azərbaycan Respublikası adından QƏRAR Xaçmaz şəhəri İş № 3(067)-862/2020 22.09.2020 XAÇMAZ RAYON MƏHKƏMƏSİ Hakim Xəlilov İlkin Ələkbər oğlunun sədrliyi, Tağıyev Natiq Əkbər oğlunun katibliyi ilə, xx.xx.1999-cu ildə Xaçmaz rayonunun, Bayoba kəndində anadan olmuş, Azərbaycan Respublikasının vətəndaşı, orta təhsilli, subay, işləməyən, Xaçmaz şəhəri S.Qurbanov küçəsi ev 40, mənzil 3-də yaşayan Şəxs haqqında Azərbaycan Respublikası İXM-nin 332.4-cü maddəsi ilə Xaçmaz rayon Polis Şöbəsindən daxil olmuş inzibati materiala baxaraq MÜƏYYƏN ETDİ : Şəxs xx xxxxxxxx 2020-ci il tarixdə saat 15:40 radələrində idarə etdiyi «VAZ- 21070» markalı, 27 BH540 dövlət qeydiyyat nişanlı avtomaşınla Xaçmaz şəhəri, N.Nərimanov küçəsi ilə hərəkətdə olarkən qarşıdan hərəkətdə olan «Mercedes» markalı, ** BH *** dövlət qeydiyyat nişanlı avtomaşınla toqquşmuş, araşdırma zamanı müəyyən edilmişdir ki, o,sürücülük hüququ olmadan avtomaşını idarə etmişdir. Məhkəmədə izahat verən barəsində inzibati xəta haqqənda iş üzrə icraat aparılan şəxs Şəxs göstərmişdir ki, xx xxxxxxxx 2020-ci il tarixdə saat 15:40 radələrində idarə etdiyi «VAZ-21070» markalı, ** BH *** dövlət qeydiyyat nişanlı avtomaşınla, xəzər marketin qarşısından, Xaçmaz şəhəri, N.Nərimanov küçəsi ilə hərəkətdə olarkən qarşıdan hərəkətdə olan zaman, onunla üzbə-üz gələn «Mercedes» markalı, ** BH *** dövlət qeydiyyat nişanlı avtomaşınla toqquşmuşdur. O, avtomaşını sürücülük hüququ olmadan idarə etmişdir. Törətdiyi əməldən peşman olduğunu bildirmişdir. Məhkəmə hesab edir ki, HacıbalayevVüsalŞahbabaoğlu oğlunun AR İXM-nin 332.4-cü maddəsində nəzərdə tutulan inzibati xətaya yol verməsi tərtib edilmiş İXP ******* saylı protokolla tam sübuta yetirilir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir; 9.1-ci maddəsinə əsasən, İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə Şəxs ilk dəfə inzibati xəta törətməsini, törətdiyi əməldən peşiman olmasını, onun məsuliyyətini yüngülləşdirən hallar kimi nəzərə alaraq, eləcə də məsuliyyətini ağırlaşdıran halların olmadığını əsas götürərək, onun barəsində cərimə inzibati tənbeh növü tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 357, 360, 362- 365, 425, 430-432-ci maddələrini rəhbər tutaraq, məhkəmə QƏRAR VERDİ : Şəxs Azərbaycan Respublikası İXM-nin 332.4-cü maddəsi ilə təqsirlibilinsin və ona 400 (dörd yüz) manat məbləğində cərimə inzibati tənbeh təyin edilsin. Qərarın surəti təqdim edildiyi və ya alındığı gündən 10 gün müddətinə Sumqayıt Apellyasiya məhkəməsinə şikayət və protest verilə bilər. Hakim: İlkin Xəlilov.