Xocalı Rayon Məhkəməsi Qərardad — İş №3(070)-16/2023

Azərbaycan Respublikası adından QƏRARDAD Goranboy rayonu Meşəli İş № 3(070)-16/2023 06.12.2023 qəsəbəsi XOCALI RAYON MƏHKƏMƏSİ Hakim Ələkbərov Tural Mehman oğlu, Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 334.1 və 342.5-ci maddələri ilə tənbeh tədbirinin tətbiq edilməsinə dair Naftalan ŞPŞ-dən daxil olmuş inzibati xəta haqqında materiala baxaraq, MÜƏYYƏN ETDİ: Naftalan ŞPŞ-dən Şəxs barəsində İXM-in 334.1 və 342.5-ci maddələri ilə İXP ******* nömrəli, 24 noyabr 2023-ci il tarixli inzibati xəta haqqında protokol tərtib edərək baxılması üçün Xocalı Rayon Məhkəməsinə göndərilmişdir. İş materiallarını araşdıraraq hesab edirəm ki, Şəxs barəsində İXM-in 334.1 və 342.5ci maddələri ilə tərtib olunmuş inzibati xəta haqqında protokol üzrə inzibati xəta haqqında iş aidiyyəti üzrə baxılması üçün Naftalan Şəhər Məhkəməsinə göndərilməlidir. Belə ki, inzibati xəta haqqında işin baxılmağa hazırlanması zamanı müəyyən olunmuşdur ki, inzibati xəta Naftalan şəhəri, Heydər Əliyev prospektində, yəni Naftalan şəhəri ərazisində törədilmişdir. İXM-in: 109.1 və 109.1.7-ci maddələrinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir; 110.1-ci maddəsinə əsasən inzibati xəta haqqında işə onun törədildiyi yerdə baxılır. Qeyd olunanlara əsasən hesab edirəm ki, Şəxs barəsində İXM-in 334.1 və 342.5-ci maddələri ilə İXP ******* nömrəli, 24 noyabr 2023-cü il tarixli inzibati xəta haqqında protokol aidiyyəti üzrə baxılması üçün Naftalan Şəhər Məhkəməsinə göndərilməlidir. Göstərilənlərə əsasən və İXM-in 109-cu maddəsini rəhbər tutaraq, QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 334.1 və 342.5-ci maddələri ilə tərtib olunmuş inzibati xəta haqqında protokol üzrə inzibati material aidiyyəti üzrə baxılması üçün Naftalan Şəhər Məhkəməsinə göndərilsin. Hakim Tural Ələkbərov