Hacıqabul Rayon Məhkəməsi Qərar — İş №3(071)-111/2023

Azərbaycan Respublikası adından QƏRAR Hacıqabul rayonu İş № 3(071)-111/2023 19.04.2023 HACIQABUL RAYON MƏHKƏMƏSİ X6 Nazim oğlunun sədrliyi, Səlimova Günel Rauf qızının katibliyi ilə, Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə inzibati məsuliyyətə cəlb edilməsi barədə Hacıqabul rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə inzibati məsuliyyətə cəlb edilməsi ilə bağlı Hacıqabul rayon Polis Şöbəsində tərtib edilmiş inzibati xəta haqqında protokol və ona əlavə edilmiş sənədlər baxılması üçün Hacıqabul Rayon Məhkəməsinə göndərilmişdir. Materiala əlavə edilmiş xx.xx.2023-cü il tarixli MN ******* nömrəli inzibati xəta haqqında protokol və ona əlavə edilmiş sənədlərdə göstərilmişdir ki, Şəxs bir ədəd “İJ” markalı” 16 kalibrli, üzərində A 14373 nömrəsi olan tək lüləli ov silahını müvafiq icra hakimiyyəti orqanının icazəsi olmadan əldə edib saxlamışdır. Səlahiyyətli orqanın nümayəndəsinə və Şəxs məhkəmə iclasının yeri və vaxtı barədə məhkəmə bildirişi göndərilsə də, onlar məhkəmə iclasına gəlməmiş və gəlməməsinin səbəbləri barədə məlumat verməmişlər. Məhkəmə, İnzibati Xətalar Məcəlləsinin 112.1.4-cü maddəsinin tələbinə uyğun olaraq tərəflərin iştirakı olmadan işə baxılmasını mümkün hesab edir. İş materiallarında olan Hacıqabul RPŞ TB-nin təhqiqatçısı polis polkovnil-leytenantı X3 tərəfindən HK-1/114 nömrəli material üzrə qəbul edilmiş xx.xx.2023-cü il tarixli cinayət işinin başlamasının rədd edilməsi haqqında qərardan görünür ki, xx.xx.2023-cü il tarixdə saat 12:30 radələrində Hacıqabul rayonu, Ələtli kəndində yaşayan Şəxs sənədləri olmayan 1 ədəd tək lüləli, “İj” markalı, 16 kalibrli üzərində A 14371 nömrəli yazısı olan ov silahında patron qaytaran olmadığı üçün lülədə olan gülləni bıçaqla çıxaran zaman güllə açılaraq sol ayağına xəsarət yetirmişdir. Toplanmış material üzrə Şəxs əməlində cinayət tərkibi olmadığından, cinayət işinin başlanması rədd edilmiş, onun barəsində İXM-in 590.2-ci maddəsi ilə tədbir görülməsi üçün qərarın surəti Hacıqabul RPŞ-nin İTB-yə göndərilmişdir. İş materiallarında olan “Baxış keçirilməsi və götürmə aparılması haqqında” xx.xx.2023-cü il tarixli protokoldan görünür ki, 1 ədəd tək lüləli, “İj” markalı, 16 kalibrli üzərində A 14371 nömrəli yazısı olan ov silahı Şəxs arvadı X1 tərəfindən təqdim edərək həmin silahın sənədinin olmadığını, Cahandar lülənin içərisində olan gülləni çıxaran zaman güllənin açılaraq ayağına xəsarət yetirdiyini bildirmişdir. İş materiallarında olan Şəxs Hacıqabul rayon Polis Şöbəsində verdiyi izahatından görünür ki, mərhum babası X2 qalmış ov tüfəngini xx.xx.2023-cü il tarixdə Şirvan şəhərindən ata evindən Hacıqabul rayonu, Kolanı kəndində yerləşən fermaya aparmışdır. xx.xx.2023-cü il tarixdə saat 11:30 radələrində Hacıqabul rayonu, Kolanı kəndində fermada evin qarşısında eyvanda 16 kalibrli İj markalı tək lüləli A 14373 nömrəli ov tüfənginin patronu qaytaran olmadığı üçün lülədə olan gülləni bıçaqla çıxaran zaman güllə açılaraq sol ayağına xəsarət yetirmişdir. Səsə həyat yoldaşı X1 eyvana çıxdıqda sol ayağının qan içində olduğunu görmüşdür. Beləliklə, məhkəmə araşdırması zamanı tədqiq edilmiş sübutlarla müəyyən olundu ki, Şəxs müvafiq icazə almadan 1 ədəd tək lüləli, “İj” markalı, 16 kalibrli üzərində A14373 nömrəli yazısı olan ov silahını əldə etmiş və saxlamışdır. Həmin ov silahı onun yaşadığı evdən aşkar edilərək götürülmüş və Hacıqabul Rayon Polis Şöbəsində saxlanılır. Azərbaycan Respublikası İXM-in 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə - silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Beləliklə məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməsi məhkəmə iclasında tədqiq edilmiş sübutlarla tam sübuta yetirilir. Onun inzibati məsuliyyətdən azad edilməsi üçün əsaslar mövcud deyildir. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs məsuliyyətini yüngülləşdirən və ağırlaşdıran halları müəyyən etmir. İnzibati tənbehin məqsədlərindən bəhs edilən Azərbaycan Respublikası İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə hesab edir ki, Şəxs götürülmüş bir ədəd “İJ” markalı” 16 kalibrli, üzərində A 14373 nömrəsi olan tək lüləli ov silahı müsadirə edilməklə Şəxs inzibati qaydada cərimə edilməlidir. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 114, 115, 128-130-cu maddərini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməkdə təqsirli bilinərək, Hacıqabul rayon Polis Şöbəsində saxlanılan - bir ədəd “İJ” markalı” 16 kalibrli, üzərində A 14373 nömrəsi olan tək lüləli ov silahı müsadirə edilməklə, ona 80 (səksən) manat cərimə tənbehi tətbiq edilsin. Qərardan rəsmi qaydada verildiyi vaxtdan 10 (on) gün müddətində Hacıqabul Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət verilə bilər. X7