Hacıqabul Rayon Məhkəməsi Qərar — İş №3(071)-112/2023

Azərbaycan Respublikası adından QƏRAR Hacıqabul rayonu İş № 3(071)-112/2023 19.04.2023 HACIQABUL RAYON MƏHKƏMƏSİ X3 Nazim oğlunun sədrliyi, Səlimova Günel Rauf qızının katibliyi ilə, Şəxs Azərbaycan Respublikası İnzibati Xətalar Məcəlləsinin 262.2.3-cü maddəsi ilə inzibati məsuliyyətə cəlb edilməsinə dair Azərbaycan Respublikası Ekologiya və Təbii Sərvətlər Nazirliyinin 3 saylı Regional Ekologiya və Təbii Sərvətlər İdarəsindən daxil olmuş inzibati xəta haqqında işə açıq məhkəmə iclasında baxaraq, müəyyənetdi: Azərbaycan Respublikası Ekologiya və Təbii Sərvətlər Nazirliyinin 3 saylı Regional Ekologiya və Təbii Sərvətlər İdarəsi tərəfindən xx.xx.2023-cü il tarixdə Hacıqabul rayonu Muğan qəsəbəsi ərazisində Şəxs idarə etdiyi “Kamaz” markalı **-JK-*** dövlət qeydiyyat nişanlı assenizasiya avtomaşınından çirkab suları ətraf mühitə axıdılması aşkar olunmuş və bu barədə akt tərtib edilmiş, fotoşəkillər çəkilmişdir. Bu səbəbdən Şəxs Azərbaycan Respublikası İXM-in 262.2.3-cü maddəsi ilə inzibati məsuliyyətə cəlb edilməsinə dair xx.xx.2023-cü il tarixli MN ******* nömrəli inzibati xəta haqqında protokol tərtib olunmuş və baxılması üçün məhkəməyə göndərilmişdir. Azərbaycan Respublikasının Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsinə və Şəxs məhkəmə iclasının yeri və vaxtı barədə məhkəmə bildirişi göndərilsə də, Azərbaycan Respublikasının Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsinin nümayəndəsi və Şəxs məhkəməyə gəlməmişlər və gəlməmələrinin üzürlü səbəbləri barədə məlumat verməmişdir. Məhkəmə İnzibati Xətalar Məcəlləsinin 112.1.4-cü maddəsinin tələbinə uyğun olaraq tərəflərin iştirakı olmadan işə baxılmasını mümkün hesab edir. Azərbaycan Respublikası İXM-in 262.2.3-cü maddəsinə əsasən içməli məişət, texniki və tullantı sularının kənara (çöllərə, küçələrə, rabitə və enerji kommunikasiya şəbəkələrinə) təyinatsız axıdılmasına görə - fiziki şəxslər yüz manatdan yüz əlli manatadək məbləğdə, vəzifəli şəxslər səkkiz yüz manatdan min manatadək məbləğdə, hüquqi şəxslər iki min manatdan üç min manatadək məbləğdə cərimə edilir. Azərbaycan Respublikası İXM-in 76.1-ci maddəsinə əsasən inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İş materiallarına əlavə edilmiş "xxxx" MMC-nin 64 saylı Muğan YDM-nin direktoru Elnur Əliyev tərəfindən verilmiş xx.xx.2023-cü il tarixli izahatdan görünür ki, "xxxx" MMCyə məxsus “Kamaz” markalı, **-JK-*** dövlət qeydiyyat nişanlı assenizasiyalı avtomaşının sürücüsü Şəxs özbaşına olaraq həmin avtomaşından çirkab suları ətraf mühitə axıtmışdır. Onun bu hərəkətinə yalnız özü cavabdehdir. İş materiallarına əlavə edilmiş Hacıqabul rayonu Muğan Bələdiyyəsinin sədri X1 tərəfindən verilmiş xx.xx.2023-cü il tarixli izahatdan görünür ki, Hacıqabul rayonu, Muğan qəsəbəsi ərazisində “Kamaz” markalı, **-JK-*** dövlət qeydiyyat nişanlı avtomaşından ətraf mühitə çirkab sularının axıdılmasını görmüşdür. Avtomaşının sürücüsü özünü Şəxs kimi təqdim etmişdir. O, bildirdi ki, maşında nasazlıq olduğu üçün məcbur olub çırkab suları çölə axıtmışdır. İş materiallarına əlavə edilmiş 3 saylı Regional Ekologiya və Təbii Sərvətlər İdarəsinin əməkdaşları tərəfindən tərtib edilmiş xx.xx.2023-cü il tarixli, 77708 nömrəli aktdan görünür ki, Hacıqabul rayonu, Muğan qəsəbəsi ərazisində xx.xx.2023-cü il tarixdə “Kamaz” markalı, **-JK-*** dövlət qeydiyyat nişanlı avtomaşından çirkab suların ətraf mühitə axıdılması aşkar olunmuşdur. Araşdırma zamanı müəyyən olundu ki, “Kamaz” markalı, **-JK-*** dövlət qeydiyyat nişanlı avtomaşını idarə edən şəxs Şəxsdur. O, "xxxx" MMC-də sürücü işlədiyini, avtomobilində həmin həmin şirkətə məxsus olduğunu, avtomobildə nasazlıq olduğu üçün məcbur olub çırkab suyu axıtdığını bildirmişdir. İş materiallarına əlavə edilmiş fotoşəkillərdən görünür ki, Şəxs idarə etdiyi “Kamaz” markalı avtomobildən çirkab suları ətraf mühitə axıdılmışdır. Beləliklə məhkəmə hesab edir ki, Şəxs Azərbaycan Respublikası İXM-in 262.2.3-cü maddəsində nəzərdə tutulmuş inzibati xətanı törətməsi, onun barəsində tərtib olunmuş yuxarıda qeyd edilən inzibati xəta haqqında protokol, izahatlar, akt, fotoşəkillər ilə tamamilə sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati tənbehin məqsədlərindən bəhs edilən Azərbaycan Respublikası İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati cərimə növündə inzibati tənbeh verilməsilə inzibati tənbehin məqsədlərinə nail oluna bilər. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 114, 115 və 130-cu maddərini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 262.2.3-cü maddəsində nəzərdə tutulmuş inzibati xətanı törətməkdə təqsirli bilinərək, 100 (yüz) manat inzibati cərimə edilsin. Qərardan rəsmi qaydada verildiyi vaxtdan 10 (on) gün müddətində Hacıqabul rayon Məhkəməsi vasitəsilə və ya birbaşa Şirvan Apellyasiya Məhkəməsinə apellyasiya şikayəti verilə bilər. X4