Hacıqabul Rayon Məhkəməsi Qərar — İş №3(071)-79/2022

Azərbaycan Respublikası adından QƏRAR Hacıqabul rayonu İş № 3(071)-79/2022 31.03.2022 HACIQABUL RAYON MƏHKƏMƏSİ Hacıqabul rayon Məhkəməsinin hakimi və sədri vəzifəsini müvəqqəti icra edən Hacıyev Vahid Məcid oğlunun sədrliyi, katib Zeynalov Ələkbər Şakir oğlunun katibliyi ilə, İnzibati xəta haqqında protokolu tərtib edən Hacıqabul RPŞ-nin İTB-nin polis sahə rəisi, polis mayoru X7 oğlunun, Barəsində inzibati xəta haqqında iş üzrə icraat aparılan şəxs Şəxs oğlunun və zərərçəkmiş şəxs X3 iştirakı ilə, xx.xx.1969-cu ildə Şamaxı rayonu 1-ci Udullu kəndində doğulmuş, Azərbaycan Respublikasının vətəndaşı, subay, işsiz, Hacıqabul rayon 1-ci Udullu kəndində yaşayan, Şəxs oğlunun barəsində Azərbaycan Respublikası İnzibati Xətalar Məcəlləsinin 510-cu maddəsi ilə Hacıqabul rayon Polis Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs 22.03.2022-ci il tarixdə Hacıqabul rayon Udullu kəndində ünvansız olaraq nalayiq ifadələr işlədərək keçmiş qaynanası X1 təhqir etməklə, xırda xuliqanlıq etmişdir. Bununla da, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətmişdir. Şəxs oğlunun barəsində Hacıqabul rayon Polis Şöbəsinin polis sahə rəisi X4 tərəfindən 31.03.2022-ci il tarixli MN ******* nömrəli inzibati xəta haqqında protokol tərtib olunmuş və qanuni tədbir görülməsi üçün məhkəməyə gətirilmişdir. İnzibati xəta haqqında protokol tərtib etmiş Hacıqabul rayon Polis Şöbəsinin polis sahə rəisi X4 məhkəmə iclasında protokolu müdafiə etdi və Şəxs barəsində qanuni tədbirlər tətbiq edilməsini xahiş etdi. Barəsində inzibati xəta haqqında iş üzrə icraat aparılan şəxs Şəxs oğlu məhkəmə iclasında Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməsini etiraf etməyərək bildirdi ki, X6 onun keçmiş qaynanasıdır. Oğlu Şakir keçmiş arvadı Gülşənlə birlikdə Bakı şəhərində yaşayır. 21.03.2022-ci il tarixdə oğlu Şakir onun yanıvna gələrək evlənmək istədiyini bildirmişdir. O, 21.03.2022-ci il tarixdə elçiliyə getmiş və qız evi ilə razılaşmışdır ki, 22.03.2022-ci il tarixdə üzük aparsınlar. 22.03.2022-ci il tarixdə heyvanlarını otarmağa aparmış, sonra görüşərək qız evinə getməyə razılaşmışdır. 22.03.2022-ci il tarixdə öyrənmişdir ki, xonçalar onun keçmiş bacanığı Pənahın evində Paşalı kəndindədir. Bu səbəbdən o, oğluna bildirmişdir ki, elçiliyə getməyəcəkdir. Əgər xonçalar onun evindən gedərsə, elçiləyə getməyə razı olar. Bir az keçəndən sonra hirsi soyumuş və yenidən zəng etmişdir ki, gəlsinlər birlikdə elçiliyə getməyə razıdır. Lakin ona bildirmişlər ki, artıq elçiliyə getmirlər və Bakı şəhərinə qayıdırlar. 2-3 gün sonra yenidən elçiləyə getmişlər, lakin onun iştirakı olmadığına görə qızı verməmişlər. 22.03.2022-ci il tarixdə keçmiş qaynanası X3 evinə getməmiş, onun söyüb təhqir etməmişdir. Keçmiş həyat yoldaşı Gülşəni və oğlu Şükürü də söyüb təhqir etməmişdir. O, heyvan otarır və hər axşam evə gələndə 250-300 qram araq içir. Barəsində ədalətli qərar qəbul edilməsini xahiş edir. Zərərçəkmiş şəxs X6 məhkəmə iclasında bildirdi ki, Şəxs onun keçmiş kürəkənidir. Şəxs mütəmadi olaraq spirtli içki qəbul edərək onlaran yaşadığı ünvana gəlir, qızının boşanmasında onu günahlandıraraq, onu söyüb təhqir edir. 22.03.2022-ci il tarixdə də yenidən Şəxs içkili vəziyyətdə onun yaşadığı ünvana gələrək, onu nəlayiq küçəs söyüşləri ilə söyərək təhqir etmiş, sonra oğlu Şükürə zəng vuraraq, ona ailə qurmağına imkan verməyəcəyini bildirərək, hədə-qorxu gəlib, söyüb təhqir etmişdir. Bu hərəkətlərinə son qoymadığına görə məcbur olub 29.03.2022-ci il tarixdə polisə şikayət etmişdir. Ona görə də Şəxs barəsində tədbir görülməsini xahiş edir. Azərbaycan Respublikası İXM-in 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-in 76.1-ci maddəsinə əsasən inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Şəxs Azərbaycan Respublikası İXM-in 510-cu maddəsində nəzərdə tutulmuş inzibati xətaları törətməsi, onun barəsində tərtib olunmuş yuxarıda qeyd edilən inzibati xəta haqqında protokol, protokol tərtib etmiş şəxsin, zərərçəkmiş şəxsin izahatları ilə tamamilə sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikası İXM-in 31.2-ci maddəsinin tələblərini nəzərə alıb, həmçinin inzibati xətanın törədildiyi yeri, vaxtı nəzərə alaraq hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilməz. Belə ki, inzibati tənbehin məqsədlərindən bəhs edilən Azərbaycan Respublikası İXM-in 21ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər, ona görə də həmin növündə inzibati tənbeh verilməsini məqsədə müvafiq hesab edir. Həmçinin məhkəmə inzibati xəta törətmiş şəxsin şəxsiyyətini nəzərə alaraq, inzibati həbsin müddətini müəyyən edir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 66, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinərək, 10 (on) gün müddətinə inzibati həbs edilsin. Həbs etmənin əvvəli 31.03.2022-ci il tarixdən saat 14:30-dan hesablansın. Qərar dərhal icra edilsin. Şəxs inzibati həbsin icrası yerinə çatdırılması Hacıqabul rayon Polis Şöbəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Hacıqabul Rayon Məhkəməsi vasitəsilə və ya birbaşa Şirvan Apellyasiya Məhkəməsinə apellyasiya şikayəti və ya protesti verilə bilər. Hacıqabul rayon Məhkəməsinin hakimi və sədri vəzifəsini müvəqqəti icra edən: Vahid Hacıyev