Cəlilabad Rayon Məhkəməsi Qərar — İş №3(073)-1084/2024

Azərbaycan Respublikası adından QƏRAR Cəlilabad rayonu İş № 3(073)-1084/2024 16.12.2024 CƏLİLABAD RAYON MƏHKƏMƏSİ Cəlilabad rayon məhkəməsinin hakimi Əmirəliyev Elxan Əli oğlunun sədrliyi, Əliyev Elməddin Fizuli oğlunun katibliyi, İnzibati xəta törətmiş şəxs X1 iştirakı ilə, X3 – xx.xx.1989-cu il tarixdə Cəlilabad rayonu Göytəpə şəhərində anadan olmuş, Azərbaycan Respublikasının vətəndaşı, evli, fərdi əməklə məşğul olan, ünvan 1 ünvanında qeydiyyatda olan və yaşayan barəsində Cəlilabad rayon Polis Şöbəsindən daxil olmuş Azərbaycan Respublikasının İXM-in 510 və 535.1-ci maddələri ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: Cəlilabad Rayon Məhkəməsinə X1 barəsində Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətməsinə dair inzibati xəta haqqında protokol daxil olmuşdur. xx.xx.2024-cü il tarixli, MN ******* saylı inzibati xəta haqqında protokola görə X3 xx.xx.2024-cü il tarixdə, saat 20:05-də Cəlilabad rayonu Göytəpə şəhəri Babək küçəsində ucadan nalayiq ifadələr işlədərək ictimai asaişi pozmuş və polis əməkdaşlarının qanuni tələblərinə tabe olmamışdır. X3 həmin hərəkətləri ilə Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətmişdir. Məhkəmə iclasında inzibati xəta törətmiş şəxs X3 izahatında göstərdi ki, o, xx.xx.2024-cü il tarixdə içkili halda Cəlilabad rayonu, Göytəpə şəhəri, Qurtuluş küçəsində yerləşən evə getmiş, atasından pul istəmiş, lakin atası ona pul verməmişdir. Bu səbəbdəndə atası ilə mübahisə etmişdir. Daha sonra oradan uzaqlaşıb Cəlilabad rayonu, Göytəpə şəhəri, Babək küçəsinə tərəf hərəkət etmişdir. Yol boyu ucadan nalayiq söyüşlər söymüşdür. Həmin zaman iki nəfər polis əməkdaşı ona yaxınlaşıb özlərini təqdim etmiş və onu nizam-intizama dəvət etmişlər. O isə polis əməkdaşlarına məhəl qoymayıb öz hərəkətlərinə davam etmişdir. Polis əməkdaşları onu maşına mindirirərək X6 gətirmişlər. Sonda isə ona istinad olunan inzibati xətanı törətməsini etiraf edərək, əməlindən səmimi peşman olduğunu göstərmiş və məhkəmədən qanuni qərar qəbul edilməsini xahiş etdi. Məhkəmə iclasında şahid qismində dindirilmiş X4 izahatında göstərdi ki, o, xx.xx.2024-cü il tarixdə Göytəpə şəhəri Babək küçəsində hərəkətdə olarkən yolun kənarında adını sonradan bildiyi X1 ucadan nalayiq ifadələr işlədərək küçədə hərəkət etdiyini görmüşdür. Həmin anda o, Elvin Şalıyevə yaxınlaşmış, özünü təqdim etmiş və Elvini nizam-intizama dəvət etmişdir. X5 dəvətinə məhəl qoymayıb ictimai qaydanı pozmağa davam etmişdir. Bu zaman X2 birdaha nizam-intizama dəvət etmiş və X6 gətirmişlər. X1 Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətməsi özünün və şahidin izahatı ilə yanaşı işdə olan sənədlərlə tam təsdiq edilmişdir. X1 törətdiyi əməlində məsuliyyətini yüngülləşdirən və ağırlaşdıran hal müəyyən edilmədi. Azərbaycan Respublikasının İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə hesab edir ki, X3 eyni vaxtda öz hərəkətləri ilə bir neçə inzibati xəta törətdiyindən, o daha ciddi xəta olan Azərbaycan Respublikasının İnzibati Xətalar Məcəlləsinin 535.1-ci maddəsi ilə müəyyən edilmiş sanksiya çərçivəsində tənbeh edilməlidir. Məhkəmə inzibati tənbeh tədbiri görərkən törədilmiş inzibati xətanın ictimai təhlükəlilik dərəcəsini nəzərə alaraq Azərbaycan Respublikası İXM-in 535.1-ci maddəsinin sanksiyasında nəzərdə tutulan inzibati həbs tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-117, 128-130-cı maddələrini rəhbər tutaraq, məhkəmə... Qərara aldı: İnzibati xəta törətmiş şəxs X3 Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib 10 (on) gün müddətində inzibati qaydada həbs edilsin. İnzibati həbsetmənin əvvəli 15 dekabr 2024-cü il tarixdən, saat 21:35-dən hesablansın. Qərarın icrası Cəlilabad rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev