Cəlilabad Rayon Məhkəməsi Qərar — İş №3(073)-1113/2025

Azərbaycan Respublikası adından QƏRAR Cəlilabad rayonu İş № 3(073)-1113/2025 28.08.2025 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Əliyev Elməddin Fizuli oğlunun katibliyi, inzibati xəta törədən şəxs Şəxs, Zərərçəkmiş şəxs Sahib oğlunun iştirakları ilə, Şəxs – xx xxxxx 1980-cl ildə Cəlilabad rayonu, Uzuntəpə kəndində anadan olmuş, Azərbaycan Respublikasının vətəndaşı, subay, orta təhsilli, fərdi əməklə məşğul olan, Cəlilabad rayonu, Uzuntəpə kəndində qeydiyyatda olan və yaşayan barəsində Cəlilabad rayon Polis Şöbəsindən daxil olmuş Azərbaycan Respublikası İXM-in 157-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: 28 avqust 2025-ci il tarixli, MN ******* saylı inzibati xəta haqqında protokoldan görünür ki, Şəxs 12 avqust 2025-ci il tarixdə, atası Zərərçəkmiş şəxs Sahib oğlunu yaşadığı evdə döyərək ona dərəcəsi təyin olunmayan xəsarətlər yetirmişdir. Şəxs bu əməli inzibati xəta haqqında protokolla, özünün və zərərçəkmişin izahatı, eləcə də, işin digər materialları ilə tam təsdiq edilmişdir. Məhkəmə iclasında inzibati xəta törətmiş şəxs Şəxs izahtında bildirdi ki, o, atası Kamal Mirzəyevlə bir evdə yaşayır, lakin atası onu evdən şıxarmaq istəyir, bu səbəbdən də aralarında bir neçə dəfə narazılıq yaranmışdır. 12 avqust 2025-ci il tarixdə Zərərçəkmiş şəxs onu evdən çıxartmaq istəməklə yanaşı anası ilə də mübahisə etdiyi üçün aralarında mübahisə yaranmış, lakin o, atasını döyməmiş və ona xəsarət yetirməmişdir. Hazırda Zərərçəkmiş şəxs Sahib oğlu ilə barışdığını və gələcəkdə belə hallara yol verməyəcəyini bildirərək inzibati işin icraatına xitam verilməsini xahiş etdi. Məhkəmə iclasında zərərçəkən şəxs Zərərçəkmiş şəxs Sahib oğlu izahatında bildirdi ki, o, oğlu Şəxsla birlikdə Cəlilabad rayonu, Uzuntəpə kəndində yaşayır, lakin oğlu Azad işləmir, spirtli içki qəbul edir. 12 avqust 2025-ci il tarixdə oğlu Azada içki içmə, get işlə, evdən çıx bizimlə qalma sözlərini demiş, bundan sonra aralarında mübahisə yaranmış və Şəxs onu döymüşdür. Hazırda Şəxs ilə barışdığını, ona qarşı heç bir şikayət və tələbinin olmadığını bildirərək inzibati işin icraatına xitam verilməsini xahiş etdi. İşə əlavə edilmiş Cəlilabad MTE və PA şöbəsinin 15 avqust 2025-ci il tarixli, 540 saylı rəyində göstərilir ki, Zərərçəkmiş şəxs Sahib oğlunda sol gözaltı-yanaq nahiyəsində şişkinlik və sol yanağın selikli qişasında qansızma müəyyən olundu, müəyyən olunan xəsarətlər bərk küt əşyanın təsirindən törənmişdir, törənmə müddəti qərardad qeyd olunan 12 avqust 2025-ci il tarixə uyğun gəlir və sağlamlığa zərər vurmayan xəsarətlər olduqları üçün dərəcələri təyin edilmir. İş materiallarına əlavə edilmiş Cəlilabad rayon X1 Bölməsinin 18 avqust 2025-ci il tarixli cinayət işi başlanmasının rədd edilməsi haqqında qərarın surətindən görünür ki, Şəxs törətdiyi əməlində cinayət məsuliyyətinə səbəb olmadığı üçün həmin xüsusat üzrə cinayət işi başlanılması rədd edilmiş və onun əməlində Azərbaycan Respublikası İXM-in 157-ci maddəsinin tərkibi olduğundan o, həmin maddə ilə inzibati məsuliyyətə cəlb olunmasından ötrü barəsində qəbul edilmiş qərar Cəlilabad rayon Polis Şöbəsinin İTB-yə göndərilmişdir. İzibati Xətalar Məcəlləsinin 39.1-ci maddəsinə görə həmin məcəllənin 157 və 158ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. İzibati Xətalar Məcəlləsinin 53.1.9-ci maddəsinə görə həmin məcəllənin 157 və 158ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda; Məhkəmə inzibati xəta törətmiş şəxslə Şəxs ilə Zərərçəkmiş şəxs Sahib oğlunun barışdıqlarını nəzərə alaraq məhkəmə hesab edir ki, inzibati xəta törətmiş Şəxs inzibati məsuliyyətindən azad edilməli və onun barəsində olan inzibati materialın icraatına xitam verilməlidir. Qeyd edilənlərə əsasən və Azərbaycan Respublikası İXM-in 40, 43, 48-51, 114- 117, 128-130-cı maddələrini rəhbər tutaraq, məhkəmə... Qərara aldı: İnzibati xəta törətmiş şəxs Şəxs Azərbaycan Respublikasının İXM-in 157-ci maddəsi ilə təqsirləndirildiyi inzibati material üzrə Zərərçəkmiş şəxs Sahib oğlu ilə barışdığı üçün barəsində olan inzibati materialın icraatına xitam verilsin və o, inzibati məsuliyyətdən azad edilsin. Qərarın surəti təqdim edildiyi və ya alındığı gündən 10 gün müddətinə Cəlilabad rayon məhkəməsi vasitəsi ilə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev