Cəlilabad Rayon Məhkəməsi Qərar — İş №3(073)-133/2025

Azərbaycan Respublikası adından QƏRAR Cəlilabad rayonu İş № 3(073)-133/2025 11.02.2025 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclasının katibi Əliyev Elməddin Fizuli oğlunun katibliyi, Cəlilabad rayon İcra və Probasiya Şöbəsinin icra məmuru X4, İnzibati xəta törətmiş şəxs Şəxs, onun nümayəndəsi və vəkili X1 iştirakları ilə Şəxs – xx.xx.1985-ci ildə Cəlilabad rayonu, Ocaqlı kəndində anadan olmuş, Azərbaycan Respublikasının vətəndaşı, orta təhsilli, fərdi əməklə məşğul olan, evli, Cəlilabad rayonu, Privolnoye kəndində qeydiyyatda olan və yaşayan barəsində Cəlilabad rayon İcra və Probasiya şöbəsindən daxil olmuş Azərbaycan Respublikası İXM-in 528.1-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: Cəlilabad rayon İcra və X2 Nicat Bilal oğlunun barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xətaya dair material məhkəməyə daxil olmuşdur. Məhkəmə iclasında Cəlilabad rayon İcra və Probasiya Şöbəsinin icra məmuru X7 izahatında göstərdi ki, Bakı Apellyasiya Məhkəməsinin 21 aprel 2014-cü il tarixli, 2(103)- 2221/2014 saylı icra vərəqəsinə əsasən borclu Şəxs iki uşağın yetkinlik yaşına catanadək saxlanılması üçün hər ay qazancının (başqa gəlirlərinin)1/3 hissəsi miqdarında və əlavə olaraq 28 manat sabit pul məbləğində alimentin borclu Şəxs alınıb tələbkar X3 verilməsi qət edilmişdir. İcra vərəqəsi üzrə borclu Şəxs qalıq borcunu ödəməkdən boyun qaçırmışdır. Borclu Şəxs hal-hazırda tələbkar X3 21950 manat aliment borcu vardır. Məhkəmədən qanuni qərar qəbul edilməsini xahiş etdi. Məhkəmə iclasında inzibati xəta törətmiş şəxs Şəxs izahatında göstərdi ki, Bakı Apellyasiya Məhkəməsinin 21 aprel 2014-cü il tarixli, 2(103)-2221/2014 saylı icra vərəqəsinə əsasən borclu Şəxs iki uşağın yetkinlik yaşına catanadək saxlanılması üçün hər ay qazancının (başqa gəlirlərinin)1/3 hissəsi miqdarında və əlavə olaraq 28 manat sabit pul məbləğində alimentin ondan alınıb tələbkar X3 verilməsi qət edilmişdir. İcra vərəqəsi üzrə borcunu ödəməkdən boyun qaçırmamışdır. O uzun müddətdir ki, “Obsessiv kompulsiv pozuntusu” xəstəliyindən əziyyət çəkir. Azərbaycan Respublikası Səhiyyə Nazirliyinin Respublika Psixiatirya Xəstəxanasında ayrı-ayrı illərdə (xx.xx.2017xx.xx.2017, xx.xx.2019-xx.xx.2019, xx.xx.2019-xx.xx.2019, xx.xx.2019-xx.xx.2020 və xx.xx.2024-xx.xx.2024) “Qarışıq dissosiativ-konversion pozuntusu. Anamnezində intihara cəhd” müalicə almışdır. O xəstəliydən əziyyət çəkdiyinə görə hərbi qulluqdan azad edilmişdir. Hazırda amulator müalicə alır İcbari İbbi Sığorta üzrə Dövlət Agentlinin 10 fevral 2025-ci il tarixli göndərişi ilə Salyan rayonlararası psixiatriya Mərkəsində Stasional müalicə alacaqdır. O heç bir yerdə işləyə bilmir ona görə də tələbkar X3 21950 manat aliment borcu yaranmışdır. Məhkəmədən işin icraatına xitam verilməsini xahiş etdi. Məhkəmə iclasında inzibati xəta törətmiş şəxs Şəxs nümayəndəsi və vəkili X5 izahatı ilə eyniməzmunlu izahat verərək məhkəmədən işin icraatına xitam verilməsini xahiş etdi. Məhkəmə izahatları dinləyib, iş materiallarını araşdırıb hesab edir ki, Şəxs barəsində olan inzibati xəta haqqında işin icraatına xitam verilməlidir. Belə ki, “İcra haqqında” Azərbaycan Respubliksının Qanununun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Müstəsna hallarda icra sənədində göstərilən tələblərin icra olunması icra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul etməlidir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Qanunverici “İcra haqqında” Qanunun Azərbaycan Respubliksının Qanununun 82-ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Azərbaycan Respubliksının Qanununun Qanunun 82.1-ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Həmçinin icra məmuru tərəfindən borcluya icra üçün yeni müddət təyin edilir. Məhkəmə iclasında icra məmurunun, borclunun izahatları və iş materialları ilə müəyyən edilmişdir ki, Bakı Apellyasiya Məhkəməsinin 21 aprel 2014-cü il tarixli, 2(103)- 2221/2014 saylı icra vərəqəsinə əsasən borclu Şəxs iki uşağın yetkinlik yaşına catanadək saxlanılması üçün hər ay qazancının (başqa gəlirlərinin)1/3 hissəsi miqdarında və əlavə olaraq 28 manat sabit pul məbləğində alimentin borcu Şəxs alınıb tələbkar X3 verilməsi qət edilmişdir. İcra vərəqəsi İcra Şöbəsinə daxil olduqdan sonra borclu Şəxsxəstəliyi ilə əlaqədar sonradan yaranmış aliment borclarının üzürsüz səbəbdən icra edilməməsi müəyyən edilmir. İş materiallarında olan Azərbaycan Respublikası Səhiyyə Nazirliyinin Respublika Psixatirya X6 Şəxsi Cəlilabad rayon İcra və Peobasiya Şöbəsinə ünvanladığı məktubun sürətindən görür ki, Şəxs ayrı-ayrı illərdə (xx.xx.2017-xx.xx.2017, xx.xx.2019-xx.xx.2019, xx.xx.2019-xx.xx.2019, xx.xx.2019-xx.xx.2020 və xx.xx.2024-xx.xx.2024) “Qarışıq dissosiativ-konversion pozuntusu. Anamnezində intihara cəhd” müalicə almışdır. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulur. Məhkəmə iclasında borclu Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməsi və icra sənədini üzrsüz səbəbdən icra etməməsi müəyyən edilməmişdir. Azərbaycan Respublikasının İnzibati Xətalar Məcəlləsinin 53.0.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə belə nəticəyə gəlir ki, Şəxs barəsində başlanılmış inzibati xəta haqqında iş üzrə icraata inzibati xəta hadisəsi olmadığından xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-117, 128-130, 528-ci maddələrini rəhbər tutaraq, məhkəmə... Qərara aldı: Cəlilabad rayon İcra və Probasiya Şöbəsinin 05 fevral 2025-ci il tarixli, MN ******* saylı inzibati xəta haqqında protokoluna əsasən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair Şəxs barəsində başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev