Cəlilabad Rayon Məhkəməsi Qərar — İş №3(073)-145/2023

Azərbaycan Respublikası adından QƏRAR Cəlilabad rayonu İş № 3(073)-145/2023 27.02.2023 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclasının katibi Əliyev Elməddin Fizuli oğlunun katibliyi ilə, Şəxs – xx.xx.1965-ci il tarixdə Cəlilabad rayonu, Badamağacı kəndində anadan olmuş, Cəlilabad rayonu, Bəcrəvan kəndində qeydiyyatda olan və yaşayan barəsində Azərbaycan Respublikasının İnzibati Xətalar Məcəlləsinin 590.2-ci maddəsi ilə inzibati xəta törətməsinə dair Azərbaycan Respublikasının Daxili İşlər Nazirliyinin Cəlilabad rayon X2 Polis Bölməsindən daxil olmuş inzibati xəta haqqında materiala baxaraq, məhkəmə, Müəyyən etdi: 07 fevral 2023-cü il tarixli, MN ******* saylı inzibati xəta haqqında protokoldan görünür ki, Şəxs 18 yanvar 2023-ci il tarixdə Cəlilabad rayonu, Bəcrəvan kəndində sənədsiz saxladığı mülki silahı açıq şəkildə gəzdirərək daşınması qaydasını pozmuşdur. Bununla da X1 Azərbaycan Respublikasının İXM-in 590.2-ci maddəsində nəzərdə tutulan inzibati xətanı törətmişdir. Şəxs məhkəmə iclasının yeri və vaxtı barədə məlumat verilməsinə baxmayaraq o, məhkəmə iclasına gəlməmişdir. Məhkəmə işə onun iştirakı olmadan baxılmasını mümkün hesab edir. Azərbaycan Respublikası İnzibati Xətalar Məcəlləsinin 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə cərimə edilir. Məhkəmə inzibati xəta törədən Şəxs barəsində inzibati tənbeh tədbiri görərkən törədilmiş inzibati xətanın ictimai təhlükəlilik dərəcəsini nəzərə alaraq Azərbaycan Respublikasının İXM-in 590.2-ci maddəsinin sanksiyasında nəzərdə tutulan mülki silah və döyüş sursatı dövlət xeyrinə müsadirə edilməklə cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-117, 128-130-cı maddələrini rəhbər tutaraq, məhkəmə... Qərara aldı: İnzibati xəta törətmiş şəxs Şəxs Azərbaycan Respublikasının İnzibati Xətalar Məcəlləsinin 590.2-ci maddəsi ilə təqsirli bilinib 1 (bir) ədəd yivsiz, qoşalülə 16 kalibirli “TOZ” markalı, 1684 nömrəli ov tüfəngi və 2 (iki) ədəd 16 kalibirli patron dövlət xeyrinə müsadirə edilməklə 80 (səksən) manat cərimə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev