Cəlilabad Rayon Məhkəməsi Qərar — İş №3(073)-145/2025

Azərbaycan Respublikası adından QƏRAR Cəlilabad rayonu İş № 3(073)-145/2025 06.02.2025 CƏLİLABAD RAYON MƏHKƏMƏSİ Hakim Vəliyev Osman Akif oğlunun sədrliyi, Məhkəmənin iclas katibi Abbasbəyli Abbas Mehdi oğlunun katibliyi, Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.1963-cü ildə Cəlilabad rayonunun Aqqaşlar kəndində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan ünvanında qeydiyyatda olan, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair inzibati xəta haqqında işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, məhkəmə MÜƏYYƏN ETDİ: Cəlilabad Rayon Məhkəməsinə Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair inzibati protokol daxil olmuşdur. İnzibati xəta haqqında protokola görə Şəxs 18 yanvar 2025-ci il tarixdə Cəlilabad rayonu, Göytəpə şəhəri, Qurtuluş küçəsində yerləşən binanın həyətində kərpici Zərərçəkmiş şəxs atıb sol bazu nahiyyəsində qançırla nəticələnən dərəcəsi təyin edilməyən xəsarət yetirmişdir. Barəsində inzibati xəta haqqında iş üzrə icraat aparılan şəxs Şəxs həmin hərəkətləri ilə Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətmişdir. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs ona istinad olunan inzibati xətanı törətməsini etiraf etməyərək, heç bir inzibati xəta törətmədiyini, heç kimi vurmadığını və ya döymədiyini bildirmişdir. Bildirmişdir ki, zərərçəkmiş şəxs ilə qonşudurlar, zərərçəkmiş şəxs onun həyətinə borunun keçdiyini və həmin borunun aradan qaldırılmasını tələb etmişdir, bununla bağlı da aralarında mübahisə olmuşdur. Zərərçəkmiş şəxs, həmçinin onun şəhid oğlunu təhqir etmişdir ki, bu da onda aqressivlik yaratmışdır, lakin zərərçəkmiş şəxsi vurmamışdır. Mübahisə baş verən zaman yanlarında şəhər icra nümayəndəsi Elnur da olmuşdur. Qeyd edilənlərin nəzərə alınaraq məhkəmədən barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında Zərərçəkmiş şəxs barəsində inzibati xəta haqqında iş üzrə icraat aparılan şəxs Şəxs şikayətçi olduğunu göstərərək, onun barəsində daha ciddi inzibati tənbeh tədbiri tətbiq edilməsini xahiş etmişdir. Bildirmişdir ki, Şəxs onun qonşusudur. Şəxs öz evindən boru çəkmiş və həmin boru onun (zərərçəkmişin) həyətinə keçmişdir, onun aradan qaldırılmasını tələb etdikdə isə aralarında mübahisə olmuşdur, bu zaman Şəxs ona kərpic atmış, həmçinin əl-qol hərəkətləri edərək onu vurmuşdur. Aralarındakı mübahisənin uzunmüddətli olması, həmçinin Şəxs zərərçəkmiş şəxsin atası və uşağı barəsində nalayiq ifadələr işlətməsinə görə onunla barışmaq niyyəti yoxdur, məhkəmədən şəxs barəsində ağır tənbeh növünün seçilməsini xahiş etmişdir. Məhkəmə izahatları dinləyib, inzibati xəta haqqında protokolu və ona əlavə olunmuş sənədləri nəzərdən keçirərək hesab edir ki, Şəxs ona istinad olunan inzibati xətanı törətməsi sübuta yetirilir. Belə ki, işdə olan “Cinayət işinin başlanmasının rədd edilməsi haqqında” xx.xx.2025-ci il tarixli qərardan görünür ki, Şəxs barəsində cinayət işinin başlanması rədd edilmiş və barəsində Azərbaycan Respublikası İnzibati Xətalar Məcəlləsinin 157-ci maddəsi ilə inzibati qaydada tədbir görülməsi üçün qərarın surətinin Cəlilabad RPŞ-in İTB-yə göndərilməsi qərara alınmışdır. İşə əlavə edilmiş cinayət işinin başlanılmasının rədd edilməsi haqqında xx.xx.2025-ci il tarixli qərarda qeyd edilmiş ekspert rəyinə əsasən, müayinə zamanı Zərərçəkmiş şəxs sol bazu nahiyəsinin qançırı, boyun nahiyyəsində sıyrıqlar müəyyən olundu, müəyyən olunan xəsarət bərk küt əşyanın təsirindən törənmişdir, törənmə müddəti qərarda qeyd olunan xx.xx.2025-ci il tarixə uyğun gəlir və sağlamlığa zərər vurmayan xəsarət olduğu üçün dərəcəsi təyin edilmir. Məhkəmə iclasında telefon vasitəsilə Cəlilabad şəhər icra nümayəndəsi Elnur adlı şəxslə əlaqə saxlanılmışdır. Bildirmişdir ki, həqiqətən də tərəflər arasında qonşuluq münasibətləri ilə bağlı mübahisə olmuşdur, lakin kiminsə kimisə vurmasının şahidi olmamışdır. Beləliklə, məhkəmə iclasında tədqiq olunmuş sübutlarla Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməsi tam təsdiq edilmişdir. Müəyyən edilmişdir ki, tərəflər arasında qonşuluq münasibətləri ilə bağlımübahisə baş vermişdir və nəticədə Şəxs Zərərçəkmiş şəxs dərəcəsi müəyyən edilməyən xəsarət yetirmişdir. Məhkəmə Şəxs ona istinad olunan inzibati xətanı törətməməsi ilə bağlı verdiyi izahatını işin digər hallarına istinad etməklə özünü müdafiə kimi qiymətləndirir və nəzərə alır. Şəxs məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə inzibati xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, məsuliyyətini yüngülləşdirən və ağırlaşdıran halların olmamasını və digər əhəmiyyətli halları nəzərə alaraq hesab edir ki, Şəxs barəsində təqsirli bilindiyi Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş cərimə cəzasının aşağı həddə tətbiq edilməsi məqsədə müvafiqdir. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməkdə təqsirli bilinsin və 300 (üç yüz) manat məbləğində cərimə edilsin. Elan edilmiş qərarın surəti tərəflərə təqdim edilsin. Qərardan, surəti təqdim edildiyi və ya alındığı gündən 10 gün müddətində Cəlilabad Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət verilə bilər. Hakim: Osman Vəliyev