Cəlilabad Rayon Məhkəməsi Qərar — İş №3(073)-206/2023

Azərbaycan Respublikası adından QƏRAR Cəlilabad rayonu İş № 3(073)-206/2023 01.03.2023 CƏLİLABAD RAYON MƏHKƏMƏSİ Hakim Paşayev Qalib Hidayət oğlunun sədrliyi, Məhkəmə iclasının katibi X2, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1970-ci ildə Cəlilabad şəhərində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan 1 ünvanında qeydiyyada olan və yaşayan Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsinə dair inzibati xəta haqqında işə Cəlilabad Rayon Məhkəməsinin binasında, məhkəmə iclas zalında açıq məhkəmə iclasında baxaraq, müəyyən etdi: Cəlilabad Rayon Məhkəməsinə Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsinə dair inzibati xəta haqqında protokol daxil olmuşdur. İnzibati xəta haqqında protokola görə Şəxs xx.xx.2023-cü il tarixdə Cəlilabad şəhəri Azərbaycan küçəsi ev 41-də yaşayan Zərərçəkmiş şəxs2 Sarbala oğlunun evinin həyətindən 50 manat dəyərində 6 ədəd ev quşlarını, xx.xx.2023-cü il tarixdə Cəlilabad şəhəri Çələbixan küçəsində yaşayan Zərərçəkmiş şəxs3 həyətindəki hindən 70 manat dəyərində 14 ədəd toyuğu, xx.xx.2023-cü il tarixdə Cəlilabad şəhəri Çələbixan küçəsində yaşayan Zərərçəkmiş şəxs4 məxsus həyətdən 80 manat dəyərində 15 ədəd ördəyi, xx.xx.2023-cü il tarixdə Cəlilabad şəhəri B.Vahabzadə küçəsində yaşayan X5 həyətyanı sahəsindən yerləşən tövlədən 30 manat dəyərində 2 ədəd qazı və 2 ədəd toyuğu, xx.xx.2023 və xx.xx.2023-cü il tarixlərdə Cəlilabad şəhəri S.Vurğun küçəsində yaşayan X1 həyətində yerləşən hindən 180 manat dəyərində 20 ədəd toyuğu, xx.xx.2023-cü il tarixdə Cəlilabad şəhəri X.Şirvani küçəsində yaşayan X3 həyətindəki hindən 84 manat dəyərində 14 ədəd cücəni və xx.xx.2023-cü il tarixdə Cəlilabad şəhəri Cavadxan küçəsində yaşayan Zərərçəkmiş şəxs8 ooğlunun həyətindəki hindən 93 manat dəyərində 17 ədəd toyuğu oğurlamışdır. Şəxs həmin hərəkətləri ilə Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətmişdir. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs ona istinad olunan inzibati xətanı törətməsini etiraf edərək, maddi imkanı olmadığı üçün vurulmuş ziyanı ödəyə bilmədiyini göstərmiş və məhkəmədən qanuni qərar qəbul edilməsini xahiş etmişdir. Məhkəmə işə zərərçəkmiş şəxslərin iştirakları olmadan baxılmasını mümkün hesab etmişdir. Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulan inzibati xətanı törətməsi özünün etirafedici ifadəsi ilə yanaşı işdə olan sənədlərlə tam təsdiq edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, inzibati xətaya görə məsuliyyətini yüngülləşdirən və ağırlaşdıran halların olmamasını nəzərə alır və onun barəsində daha ciddi inzibati tənbeh tədbirinin tətbiq edilməsini məqsədə müvafiq hesab edir. Azərbaycan Respublikasının İnzibati Xətalar Məcəlləsinin 30.3-cü maddəsinə əsasən inzabit qaydada tutma müddəti inzibati həbs müddətinə daxil edilir. İşdə olan xx.xx.2023-cü il tarixli inzibati qaydada tutma protokolundan görünür ki, barəsində inzibati xəta haqqında iş üzrə icraat aparılan şəxs Şəxs xx.xx.2023-cü ildə, saat 22:30-da tutulmuşdur. Buna görə də Şəxs həbsdə saxlama müddətinin əvvəli tutulduğu vaxtdan, yəni xx.xx.2023-cü il, saat 22:30-dan hesablanmalıdır. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, qərara aldı: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib 1 (bir) ay müddətinə inzibati qaydada həbs edilsin. Şəxs həbsdə saxlama müddətinin əvvəli 27 fevral 2023-cü ildən, saat 22:30-dan hesblansın. Elan edilmiş qərarın surəti Şəxs təqdim edilsin. Qərarın surəti, təqdim edildiyi və ya alındığı gündən 10 gün müddətində Cəlilabad Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim: Qalib Paşayev