Cəlilabad Rayon Məhkəməsi Qərar — İş №3(073)-280/2023

Azərbaycan Respublikası adından QƏRAR Cəlilabad rayonu İş № 3(073)-280/2023 11.04.2023 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclas katibi Əliyev Elməddin Fizuli oğlunun katibliyi ilə, İnzibati xətanı törətmiş şəxs X2, X8 İdarəsinin nümayəndəsi X3 iştirakı ilə, Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektini işlədən X2 barəsində Azərbaycan Respublikasının Dövlət X6 Regional Reklam İdarəsindən daxil olmuş Azərbaycan Respublikası İXM-in 428.7.1-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: 06 mart 2023-cü il tarixli, ******* saylı inzibati xəta haqqında protokoldan görünür ki, Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektində müvafiq icazə sənədi olmadan qanunsuz reklam yayımlanması aşkar olunmuşdur. Bununla da Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektini işlədən X4 Azərbaycan Respublikası İXM-in 428.7.1-ci maddəsində nəzərdə tutulan inzibati xətanı törətmişdir. Məhkəmə iclasında X8 İdarəsinin nümayəndəsi X5 izahat verərək bildirdi ki, Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektində müvafiq icazə sənədi olmadan qanunsuz reklam yayımlanması aşkar olunmuşdur. Reklamların qanunsuz yayımlanması faktı ilə bağlı fəaliyyət göstərən “X9” adlı obyektinin işlədicisinə dəfələrlə şifahi və yazılı xəbərdarlıqlar edilməsinə baxmayaraq, əlavə reklam yayımı üçün müvafiq icazə sənədinin alınmasından ötrü X8 İdarəsinə müraciət etməmişdir. Bunula da, “Reklam haqqında” Azərbaycan Respublikası Qanununun 26.2-ci maddəsinin, habelə Azərbaycan Respublikası İnzibati Xətalar Məcəlləsinin 428.7-ci maddəsinin tələblərini pozmuşdur. X8 İdarəsinin qanunla üzərinə qoyulan məsuliyyət və səlahiyyətlər çərçivəsində Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektini işlədən X2 barəsində müvafiq tədbir görülməsi üçün protokol tərtib olunaraq məhkəməyə müraciət olunmuşdur. Azərbaycan Respublikası İnzibati Xətalar Məcəlləsinin 17-ci maddəsinə əsasən X2 barəsində vəzifəli şəxs kimi protokol tərtib edilmişdir. Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektini işlədən X4 barəsində qanuni qərar qəbul edilməsini xahiş etdi. Məhkəmə iclasında İnzibati xətanı törətmiş şəxs X4 izahat verərək bildirdi ki, Cəlilabad rayonu, Göytəpə şəhəri, O. Eynullayev küçəsi ilə Qurtuluş küçəsində yerləşən “X9” adlı obyektini o, hal hazırda işlədir. Reklam işçiləri obyektə gələrək reklama görə müqavilə bağlamasını tələb etmişlər. Lakin onun şəxsi problemləri olduğu üçün gedib reklama görə müqavilə bağlamamışdır. Məhkəmədən barəsində qanunamüvafiq qərar qəbul edilməsini xahiş etdi. İnzibati xətanı törətmiş şəxs X2 bu əməli inzibati xəta haqqında protokolla və Azərbaycan Respublikasının Dövlət X6 Regional Reklam İdarəsinin nümayəndəsinin izahatı, eləcə də, işin digər materialları ilə tam təsdiq edilmişdir. İşə əlavə edilmiş Azərbaycan Respublikasının Dövlət X6 Regional Reklam İdarəsinin xx.xx.2022-ci il tarixli, 000792 saylı göstəriş məktubunun surətindən görünür ki, “Reklam haqqında” Azərbaycan Respublikası Qanunun 26-cı maddəsini və Azərbaycan Respublikası Prezidentinin 19 dekabr 2017-ci il tarixli, 1743 nömrəli fərmanı ilə təsdiq edilmiş “Açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi Qaydası”nın (bundan sonra-qayda) 3-cü bəndini rəhbər tutaraq qeyd olunan qanun pozuntularını 5 gün ərzində aradan qaldırılması X1 tələb olunmuş. Əks təqdirdə, açıq məkanda reklam haqqında qanunvericiliyin tələblərinin pozulmasına görə barələrində Azərbaycan Respublikası İnzibati Xətalar Məcəllləsinin 428.7-ci maddəsində və Qaydaların 3.5-ci bəndində nəzərdə tutulmuş məsuliyyət tədbirləri tətbiq olunacaqdır. İşdə olan ********** saylı VÖEN-nin surətindən görünür ki, X4 fərdi sahibkarlıq statusuna malikdir. Azərbaycan Respublikası İnibati Xətalar Məcəlləsinin 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin qeydində göstərilmişdir ki, dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyridövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Məhkəmə inzibati xəta törətmiş şəxs X2 barəsində inzibati tənbeh tədbiri görərkən vəzifəli şəxs olmasını və dəfələrlə xəbərdarlıqlar edilməsinə baxmayaraq müvafiq icazə sənədinin alınmamasını nəzərə alaraq Azərbaycan Respublikası İXM-in 428.7.1-ci maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Qeyd edilənlərə əsasən və Azərbaycan Respublikası İXM-in 40, 43, 48-51, 114- 117, 128-130-cı maddələrini rəhbər tutaraq, məhkəmə... Qərara aldı: İnzibati xəta törətmiş şəxs X4 Azərbaycan Respulikası İXM-in 428.7.1-ci maddəsi ilə təqsirli bilinib 1500 (bir min beş yüz) manat məbləğində cərimə edilsin. Qərarın surəti tərəflərə təqdim edilsin. Qərarın icrası Cəlilabad rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev