Cəlilabad Rayon Məhkəməsi Qərar — İş №3(073)-383/2023

Azərbaycan Respublikası adından QƏRAR Cəlilabad rayonu İş № 3(073)-383/2023 17.04.2023 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclasının katibi Əliyev Eıməddin Fizuli oğlunun katibliyi ilə, Cəlilabad Rayon İcra və Probasiya Şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, Şəxs, xx.xx.1969-cı ildə Cəlilabad rayonu, Buravar kəndində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, Cəlilabad rayonu, Buravar kəndində qeydiyyatda olan və yaşayan, Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair inzibati xəta haqqında işə Cəlilabad Rayon Məhkəməsinin binasında, məhkəmə iclas zalında açıq məhkəmə iclasında baxaraq, müəyyən etdi: Cəlilabad Rayon Məhkəməsinə Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair inzibati protokol daxil olmuşdur. İnzibati xəta haqqında protokola görə Niftiyev X3 rayon məhkəməsinin xx.xx.2019cu il tarixli, 2(073)-1785/2019 saylı icra sənədindəki tələbi üzrsüz səbəbdən icra məmuru tərəfindən müəyyən olunmuş müddətdə icra etməmişdir. Məhkəmə iclasında Cəlilabad Rayon İcra və Probasiya Şöbəsinin icra məmuru X4 verdiyi izahatında göstərdi ki, Cəlilabad rayon məhkəməsinin xx.xx.2019-cu il tarixli, 2(073)-1785/2019 saylı icra vərəqəsinə əsasən borclu Şəxs 1500 ABŞ dolları pul və 30 manat dövlət rüsumu alınıb tələbkar X2 verilməsi qət edilmişdir. İcra vərəqələri üzrə borclu Şəxs bu günə 2110 manat tələbkar X2 borcu qalmışdır. İcra şöbəsində borclu Şəxs borcunun ödənilməsi tələb olunsa da o, borcunu birdəfəlik ödəyə bilmədiyi üçün cavabdehlə razılığa gəldiyini və borcunu hissə-hissə ödəyəcəyini bildirmiş lakin ödəniş etməmişdir. Ona görə də Şəxs inzibati qaydada cəza verilməsini xahiş etdi. Məhkəmə iclasında inzibati xəta törətmiş şəxs Şəxs izahatında göstərdi ki, onun barəsində Cəlilabad rayon məhkəməsinin xx.xx.2019-cu il tarixli, 2(073)-1785/2019 saylı icra vərəqəsinə əsasən ondan 1500 ABŞ dolları pul və 30 manat dövlət rüsumu alınıb tələbkar X2 verilməsi qət edilmişdir. İcra vərəqələri üzrə onun bu günə 2110 manat tələbkar X2 borcu qalmışdır. Hazırda o, borcunu hissə-hissə may ayının sonunadək ödəyəcəyini bildirdi. Borcu ödəməməkdə hər hansı qəsti olmamışdır. İmkansızlıqdan borcu ödəməmişdir. Qeyd edilənlərin nəzərə alınaraq barəsində həbslə bağlı olmayan cəza verilməsini xahiş etdi. Beləliklə, barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi özünün və icra məmurunun izahatları ilə yanaşı işdə olan sənədlərlə tam təsdiq edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs məsuliyyətini ağırlaşdıran hallar müəyyən edilməmişdir. Məhkəmə inzibati xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, məsuliyyətini yüngülləşdirən halı, məsuliyyətini ağırlaşdıran halların olmadığını nəzərə alaraq hesab edir ki, Şəxs barəsində təqsirli bilindiyi Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş cərimə cəzasının tətbiq edilməsi məqsədə müvafiqdir. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə görə 500 (beş yüz) manat məbləğində cərimə edilsin. Elan edilmiş qərarın surəti tərəflərə təqdim edilsin Qərarın surəti, təqdim edildiyi və ya alındığı gündən 10 gün müddətində Cəlilabad Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim: Elxan Əmirəliyev