Cəlilabad Rayon Məhkəməsi Qərar — İş №3(073)-494/2024

Azərbaycan Respublikası adından QƏRAR Cəlilabad rayonu İş № 3(073)-494/2024 11.06.2024 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Əliyev Elməddin Fizuli oğlunun katibliyi, inzibati xəta törədən şəxs Şəxs, Zərərçəkmiş şəxs iştirakı ilə, Şəxs – xx.xx.1987-ci ildə Cəlilabad şəhərində anadan olmuş, Azərbaycan Respublikasının vətəndaşı, evli, məhkum olunmamış, orta təhsilli, fərdi əməklə məşğul olan, Cəlilabad rayonu, Üçtəpə kəndində qeydiyyatda olan və yaşayan barəsində Cəlilabad rayon Polis Şöbəsindən daxil olmuş Azərbaycan Respublikası İXM-in 157-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq Müəyyən etdi: 11 iyun 2024-cü il tarixli, MN ******* saylı inzibati xəta haqqında protokoldan görünür ki, Şəxs 12 may 2024-cü il tarixdə Zərərçəkmiş şəxs döyərək ona dərəcəsi təyin edilməyən xəsarətlər yetirmişdir. Şəxs bu əməli inzibati xəta haqqında protokolla, özünün və zərərçəkmişin izahatı, eləcə də, işin digər materialları ilə tam təsdiq edilmişdir. Məhkəmə iclasında inzibati xəta törətmiş şəxs Şəxs izahtında bildirdi ki, onun xx.xx.2024-cü il tarixdə Cəlilabad rayon Üçtəpə kəndində yaşayan qaynının həyat yoldaşı Zərərçəkmiş şəxs ilə aralarında yaşadıqları evdə münaqişə yaranmışdır. Lakin o, Zərərçəkmiş şəxs döyməmiş, ona hər hansı bir xəsarət yetirməmişdir. Zərərçəkmiş şəxs onun barəsində dediklərinin yalan və böhtandır. Ona görə də məhkəmədən barəsində olan inzibati işin icraatına xitam verilməsini xahiş etdi. Məhkəmə iclasında zərərçəkən şəxs Zərərçəkmiş şəxs izahatında bildirdi ki, o, xx.xx.2024-cü il tarixdə Cəlilabad rayonu, Üçtəpə kəndində birliktə yaşadıqları evdə Şəxs ilə aralarında münaqişə yaranmışdır. Münaqişə zamanı Şəxs onun ünvanına şər və böhtan xarakterli ifadələr işlətmiş, həmçinin Dəstəgülün onun üzərinə hücum çəkərək sağ qolundan tutub sifət nahiyəsinə sillə ilə vurmuşdur. Məhkəmədən qanuni qərar qəbul edilməsini xahiş etdi. İşə əlavə edilmiş Cəlilabad MTE və PA şöbəsinin xx.xx.2024-cü il tarixli, 382 saylı rəyində göstərilir ki, Zərərçəkmiş şəxs üst dodağın selikli qişasında əzilmiş səthi yara, sağ said və sol bud nahiyyəsində qançir müəyyən olundu, müəyyən olunan xəsarət bərk küt əşyanın təsirindən törənmiş, törənmə müddəti qərarda qeyd olunan 12 may 2024-cü il tarixə uyğun gəlir və sağlamlığa zərər vurmayan xəsarətlər olduqları üçün dərəcələri təyin edilmir. İşdə olan Cəlilabad rayon X1 Bölməsinin xx.xx.2024-cü il tarixli qərarından görünür ki, Şəxs barəsində cinayət işinin başlanılması rədd edilərək, barəsində İXM-nin 157-ci maddəsi iləinzibati qaydada tədbir görülməsi üçün material üzrə qəbul edilmiş qərarın surəti Cəlilabad rayon X2 Təhlükəsizlik Bölməsinə göndərilmişdir. Məhkəmə işdə iştirak edən şəxslərin izahatlarını dinləyib, iş materiallarını nəzərdən keçirərək hesab edir ki, Şəxs əməlində Azərbaycan Respublikası İXM-in 157-ci maddəsində göstərilən inzibati xətanın tərkibi yoxdur. Azərbaycan Respublikası İnzibati Xətalar Məcəlləsinin 53.0.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikası İnzibati Xətalar Məcəlləsinin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Azərbaycan Respublikasıİnzibati Xətalar Məcəlləsinin 115.1.7-ci maddəsinə əsasən inzibati işüzrə qərarda iş üzrə icraata xitam verilməsi və ya dayandırılması üçün əsas olan bu Məcəllənin müvafiq maddəsi göstərilir. Qeyd olunanlara əsasən məhkəmə hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xəta hadisəsi olmadığından inzibati xəta haqqında iş üzrə icraata xitam verilməlidir. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-50, 85, 114 və 130-cu maddələrini rəhbər tutaraq, məhkəmə... Qərara aldı: Şəxs əməlində Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xəta hadisəsi olmadığından inzibati xəta haqqında iş üzrə icraata xitam verilsin. Qərarın surəti tərəflərə təqdim edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev