Cəlilabad Rayon Məhkəməsi Qərar — İş №3(073)-546/2023

Azərbaycan Respublikası adından QƏRAR Cəlilabad rayonu İş № 3(073)-546/2023 13.06.2023 CƏLİLABAD RAYON MƏHKƏMƏSİ Hakim Paşayev Qalib Hidayət oğlunun sədrliyi, Feyzullazadə Əli Elşən oğlunun katibliyi ilə, Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməsinə dair inzibati xəta haqqında işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, müəyyən etdi: Cəlilabad Rayon Məhkəməsinə Şəxs barəsində Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməsinə dair inzibati xəta haqqında material daxil olmuşdur. İnzibati xəta haqqında protokola görə xx.xx.2023-cü il tarixdə, saat 22-də Cəlilabad rayonun Vənlik kənd sakini Şəxs idarə etdiyi Mersedes-Benz markalı **-LK-*** dövlət qeydiyyat nişanlı avtomaşınla Cəlilabad rayounun Göytəpə-Privolnoye avtomobil yolunda Göytəpə şəhəri istiqamətində “X7” Azərbaycan Respublikasının Qanunu ilə yaşayış zonasında nəzərdə tutlmuş 60 km. Sürət həddini aşmaqla saatda 100 km. Sürətlə hərəkət edərkən Cəlilabad rayonun Göytəpə şəhəri, F.bayramov küçəsində idarəetməni itirərək X2 yaşadığı evin bərabərliyində yolun sol ehtiyyat hissəsində əvvəcə dəmir elektrik dirəyə, sonra qaz borusuna, daha sonra yolun sol ehtiyyat hissəində əks-istiqamətdə dayanmış vəziyyətdə , sonuncuya məxsus VAZ- 2106 markalı **-HH-*** dövlət qeydiyyat niaşnlı avtomaşına çırpılaraq onun üstünə aşmış, nəticədə Merseses-Benz markalı **-LK-*** qeydiyyat nişanlı avtomaşının sürücüsü Şəxs “burun nahiyyəsində şişkinlik, hər iki ləin arxa səthində sıyrıq və 1-ci bel fəqərə cismin yerdəyişməyən sınığı”, avtomaşında olan sərnişinlər: X3 “başın sağ gicgah nahiyyəsində sıyrıq, 10-cu və 11-ci döş fəqərə cisminini yerdəyişməyən sınığı”, X4 “bel nahiyyəsinin küt travması, 1-ci bel fəqərəsinin cisminin yerini dəyişməyən sınığı” ilə nəticələnən az ağır dərəcəli, X1 “sol əlin arxa səthində sıyrıq” müəyyən edilməklə sağlamlığa zərər vurmayan dərəcəsi təyin edilməyən və Zərərçəkmiş şəxs1 “alt dodaq nahiyyəsində əzilmiş yara” ilə nəticələnən yüngül dərəcəli bədən xəsarətləri almışlar. İşə baxılmanın vaxtı və yeri haqqında lazımi qaydada məlumat verilməsinə baxmayaraq barəsində inzibati xəta haqqında iş üzrə icraat aparılan şəxs Şəxs məhkəmə iclasına gəlməmiş və gəlməməsinin səbəbləri barədə məlumat verməmişdir. Məhkəmə Azərbaycan Respublikasının İnzibati Xətalar Məcəlləsinin 61.3-cü maddəsinə əsasən işə Şəxs iştirakı olmadan baxılmasını mümkün hesab edir. Məhkəmə inzibati xəta haqqında protokolu və ona əlavə olunmuş sənədləri nəzərdən keçirərək hesab edir ki, Şəxs ona istinad olunan inzibati xətanı törətməsi tam sübuta yetirilir. İşdə olan cinayət təqibi üzrə icraata xitam verilməsi barədə 03 aprel 2023-cü il tarixli qərardan görünür ki, Şəxs əməlində cinayət tərkibi olmadığından, onun əməlində Azərbaycan Respublikasının İXM-nin 327.8-ci maddəsinin tərkibi olduğundan inzibati qaydada tədbir görülməsi qərara alınmışdır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə inzibati xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, məsuliyyətini yüngülləşdirən və ağırlaşdıran halların olmamasını nəzərə alaraq hesab edir ki Şəxs barəsində təqsirli bilindiyi Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş 200 (iki yüz) manat məbləğində cərimə cəzasının tətbiq edilməsi məqsədə müvafiqdir. Göstərilənlərə əsaslanaraq və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, qərara aldı: Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməsinə görə 200 (iki yüz) manat məbləğində cərimə edilsin. Qərarın surəti, təqdim edildiyi və ya alındığı gündən 10 gün müddətində Cəlilabad Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim: Qalib Paşayev