Cəlilabad Rayon Məhkəməsi Qərar — İş №3(073)-724/2023

Azərbaycan Respublikası adından QƏRAR Cəlilabad rayonu İş № 3(073)-724/2023 13.07.2023 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclas katibi Əliyev Elməddin Fizuli oğlunun katibliyi ilə, inzibati xəta törədən şəxs Şəxs və zərərçəkmiş şəxs X2 iştirakı ilə, Şəxs – xx.xx.1994-cü ildə Cəlilabad rayonu, Sabirabad kəndində anadan olmuş, Azərbaycan Respublikasının vətəndaşı, məhkum olunmamış, orta təhsilli, 3-cü dərəcəli əlil, Cəlilabad rayonu, Sabirabad kəndində qeydiyyatda olan və yaşayan barəsində Cəlilabad rayon Polis Şöbəsindən daxil olmuş Azərbaycan Respublikası İXM-in 157-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: 13 iyul 2023-cü il tarixli, MN ******* saylı protokoldan görünür ki, Şəxs xx.xx.2023-cü il tarixdə, saat 18 radələrində Cəlilabad rayonu, Sabirabad kəndində həmkəndilis X3 döyərək ona dərəcəsi müəyyən olunmayan xəsarət yetirmişdir. Bununla da Şəxs Azərbaycan Respublikası İXM-in 157-ci maddəsində nəzərdə tutulan inzibati xətanı törətmişdir. Şəxsnın bu əməli inzibati xəta haqqında protokolla, özünün və zərərçəkmişin izahatı, eləcə də, işin digər materialları ilə tam təsdiq edilmişdir. Məhkəmə iclasında inzibati xəta törətmiş şəxs Şəxs izahtında bildirdi ki, o, xx.xx.2023-cü il tarixdə, saat 18 radələrində Cəlilabad rayonu, Sabirabad kəndində idarə etdiyi “KİA-Optinal” markalı **-FP-*** dövlət qeydiyyat nişanlı avtomaşınla yol ayrıcında həmkəndilisi X4 “VAZ-2106” markalı **-BV-*** dövlət qeydiyyat nişanlı avtomaşınla qəflətən onun yoluna çıxmış, bu zəmində aralarında mübahisə yaranmış, o özunu qorumaq üşün sağ əlinin yumruğu ilə onun sol qaşının üstündən bir dəfə vurmuş, hazırda etdiyi əmələ görə özünü təqsirli bilir, əməlindən səmimi peşmandır. X4 ilə barışdığını, ona dəymiş ziyanı tam ödədiyini və gələcəkdə belə hallara yol verməyəcəyini bildirərək inzibati işin icraatına xitam verilməsini xahiş etdi. Məhkəmə iclasında zərərçəkən şəxs X4 izahatında bildirdi ki, xx.xx.2023-cü il tarixdə, saat 18 radələrində Cəlilabad rayonu, Sabirabad kəndində idarə etdiyi “VAZ- 2106” markalı **-BV-*** dövlət qeydiyyat nişanlı avtomaşınla yol ayrıçına çxaraq öz yoluna davam etmişdir. Bu zaman arxadan gələn “KİA-Optinal” markalı **-FP-*** dövlət qeydiyyat nişanlı avtomaşın onun yoluna çıxması barədə iradını bildirmiş, o da öz yoldunda hərəkət etdiyini demiş bu zəmində aralarında mübahisə yaranmış, mübahisə zamanı Şəxs sağ əlinin yumruğu ilə onun sol qaşının üstündən bir dəfə vurmuş, o da 102 xidmət zəng mərkəzi sisteminə məlumat vermişdir. Hazırda Şəxs ilə barışdığını, ona qarşı heç bir şikayət və tələbinin olmadığını bildirərək inzibati işin icraatına xitam verilməsini xahiş etdi. İşə əlavə edilmiş Cəlilabad MTE və PA şöbəsinin xx.xx.2023-cü il tarixli, 568 saylı rəyində göstərilir ki, X1 sağ və sol göz qapağı nahiyyəsində qançır müəyyən olundu, müəyyən olunan xəsarət bərk küt əşyaların təsirindən törənmişdir, törəmənin müddəti qərarda qeyd olunan xx.xx.2023-cü il tarixə uyğun gəlir və sağlamlığa zərər vurmayan xəsarət olduğu üçün dərəcəsi təyin olunmur. İş materiallarına əlavə edilmiş Cəlilabad rayon prokurorluğunun 07 iyul 2023-cü il tarixli cinayət işi başlanmasının rədd edilməsi haqqında qərarın surətindən görünür ki, Şəxs törətdiyi əməlində cinayət məsuliyyətinə səbəb olmadığı üçün həmin xüsusat üzrə cinayət işi başlanılması rədd edilmiş və onun əməlində Azərbaycan Respublikası İXM-in 157-ci maddəsinin tərkibi olduğundan o, həmin maddə ilə inzibati məsuliyyətə cəlb olunmasından ötrü barəsində qəbul edilmiş qərar Cəlilabad rayon məhkəməsinə göndərilmişdir. Azərbaycan Respublikasının İXM-in 157-ci maddəsinin qeydinin 3-cü bəndində göstərilmişdir ki, bu maddədə nəzərdə tutulmuş inzibati xətanı törətmiş şəxs zərərçəkmiş şəxslə barışdıqda inzibati xəta haqqında iş üzrə icraata xitam verilir. Məhkəmə inzibati xəta törətmiş şəxslə Şəxs ilə zərərçəkmiş şəxs X2 barışdıqlarını nəzərə alaraq məhkəmə hesab edir ki, inzibati xəta törətmiş Şəxs inzibati məsuliyyətindən azad edilməli və onun barəsində olan inzibati materialın icraatına xitam verilməlidir. Qeyd edilənlərə əsasən və Azərbaycan Respublikası İXM-in 40, 43, 48-51, 114- 117, 128-130-cı maddələrini rəhbər tutaraq, məhkəmə... Qərara aldı: İnzibati xəta törətmiş şəxs Şəxs Azərbaycan Respublikasının İXM-in 157-ci maddəsi ilə təqsirləndirildiyi inzibati material üzrə zərərçəkmiş şəxs X5 ilə barışdığı üçün barəsində olan inzibati materialın icraatına xitam verilsin və o, inzibati məsuliyyətdən azad edilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev