Cəlilabad Rayon Məhkəməsi Qərar — İş №3(073)-94/2025

Azərbaycan Respublikası adından QƏRAR Cəlilabad rayonu İş № 3(073)-94/2025 05.02.2025 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclasının katibi Əliyev Elməddin Fizuli oğlunun katibliyi, Cəlilabad rayon İcra və Probasiya Şöbəsinin icra məmuru X9, inzibati xəta törətmiş şəxs Şəxs iştirakı ilə, Şəxs – xx.xx.1980-cı ildə Cəlilabad rayonu, Sabirabad kəndində anadan olmuş, Azərbaycan Respublikasının vətəndaşı, orta təhsilli, fərdi əməklə məşğul olan, subay, Cəlilabad rayonu, Sabirabad kəndində qeydiyyatda olan və yaşayan barəsində Cəlilabad rayon İcra və Probasiya şöbəsindən daxil olmuş Azərbaycan Respublikası İXM-in 528.1-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: Cəlilabad rayon İcra və Probasiya şöbəsindən Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xətaya dair material məhkəməyə daxil olmuşdur. Cəlilabad rayon İcra və Probasiya Şöbəsinin icra məmuru X10 izahatında göstərdi ki, Cəlilabad rayon məhkəməsinin 14 dekabr 2023-cü il tarixli, 2(073)- 2524/2023 saylı icra vərəqəsinə əsasən borclu Şəxs bir uşağın saxlanılması üçün hər ay qazancının (başqa gəlirlərinin) dörddə bir hissəsi miqdarında alimentin alınıb tələbkar X6 və Cəlilabad rayon məhkəməsinin 16 avqust 2024-cü il tarixli, 2(073)- 1831/2024 saylı icra vərəqəsinə əsasən borclu Şəxs üç uşağın saxlanılması üçün hər ay hər uşaq üçün cəmi 510 manat sabit pul məbləğində alimentin alınıb tələbkar X2 verilməsi qət edilmişdir. İcra vərəqələri üzrə borclu Şəxs borcunu ödəməkdən boyun qaçırmışdır. Borclu Şəxs hal-hazırda tələbkarlar X6 və X3 aliment borcu yaranmışdır. Hazırda borclu Şəxs işləmir və aliment borclarını ödəməyə imkanı yoxdur. Ona görə də Şəxs inzibati qaydada cəza verilməsini xahiş edir. İnzibati xəta törətmiş şəxs Şəxs izahatında göstərdi ki, onun barəsində Cəlilabad rayon məhkəməsinin 14 dekabr 2023-cü il tarixli, 2(073)-2524/2023 saylı icra vərəqəsinə əsasən ondan bir uşağın saxlanılması üçün hər ay qazancının (başqa gəlirlərinin) dörddə bir hissəsi miqdarında alimentin alınıb tələbkar X6 və Cəlilabad rayon məhkəməsinin 16 avqust 2024-cü il tarixli, 2(073)-1831/2024 saylı icra vərəqəsinə əsasən isə üç uşağın saxlanılması üçün hər ay hər uşaq üçün cəmi 510 manat sabit pul məbləğində alimentin alınıb tələbkar X2 verilməsi qət edilmişdir. İcra vərəqəsi üzrə o, borcunu ödəməkdən boyun qaçırmamış, işləmədiyi və imkanı olmadığı üçün aliment borclarını ödəyə bilməmişdir. Hal-hazırda hər iki tələbkar ilə aliment barəsində aralarında razılaşdığını və hər iki tələbkarın onun barəsində şikayəti olmadığını bildirdi. Qeyd edilənlərin nəzərə alınaraq barəsində olan inzibati xəta haqqında işin icraatına xitam verilməsini xahiş etdi. Məhkəmə izahatları dinləyib, iş materiallarını araşdırıb hesab edir ki, Şəxs barəsində olan inzibati xəta haqqında işin icraatına xitam verilməlidir. Belə ki, “İcra haqqında” Azərbaycan Respubliksının Qanununun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Müstəsna hallarda icra sənədində göstərilən tələblərin icra olunması icra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul etməlidir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş - borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Qanunverici “İcra haqqında” Qanunun Azərbaycan Respubliksının Qanununun 82-ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Azərbaycan Respubliksının Qanununun Qanunun 82.1ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Həmçinin icra məmuru tərəfindən borcluya icra üçün yeni müddət təyin edilir. Məhkəmə iclasında icra məmurunun, borclunun izahatları və iş materialları ilə müəyyən edilmişdir ki, Cəlilabad rayon məhkəməsinin 14 dekabr 2023-cü il tarixli, 2(073)-2524/2023 saylı icra vərəqəsinə əsasən borclu Şəxs bir uşağın saxlanılması üçün hər ay qazancının (başqa gəlirlərinin) dörddə bir hissəsi miqdarında alimentin alınıb tələbkar X6 və Cəlilabad rayon məhkəməsinin 16 avqust 2024-cü il tarixli, 2(073)-1831/2024 saylı icra vərəqəsinə əsasən borclu Şəxs üç uşağın saxlanılması üçün hər ay hər uşaq üçün cəmi 510 manat sabit pul məbləğində alimentin alınıb tələbkar X2 verilməsi qət edilmişdir. Borclunun əmlak vəziyyəti barədə müxtəlif orqanlara sorğular verilmiş və borclunun işləməsi, həmçinin adına hər hansı əmlakın olduğu aşkar edilməmişdir. Lakin tələbkarlar X5 və X1 Cəlilabad rayon İcra və Probasiya şöbəsinə verdikləri yazılı ərizələrindən görünür ki, hər iki tələbkar borclu Şəxs ilə aralarında razılığa gəlmişlər və hər iki tələbkarın borcluya qarşı şikayət və tələbləri yoxdur. İş materiallarında olan xx.xx.2025-ci il tarixli X1 ərizəsindən görünür ki, borclu Şəxs tələbkar X3 olan borcundan 510 manat ödəmiş və tələbkar X4 borclu Şəxs məsluliyyətdən azad edilməsini xahiş etmişdir. İş materiallarında olan xx.xx.2025-ci il tarixli X5 ərizəsindən görünür ki, borclu Şəxs tələbkar X6 olan borcundan ödəniş etmiş, mart ayına qədər borcu qalmamışdır və tələbkar X4 borclu Şəxs məsluliyyətdən azad edilməsini xahiş etmişdir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulur. Məhkəmə iclasında borclu Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməsi və icra sənədini üzrsüz səbəbdən icra etməməsi müəyyən edilməmişdir. Azərbaycan Respublikasının İnzibati Xətalar Məcəlləsinin 53.0.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə belə nəticəyə gəlir ki, Şəxs barəsində başlanılmış inzibati xəta haqqında iş üzrə icraata inzibati xəta hadisəsi olmadığından xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-117, 128-130, 528-ci maddələrini rəhbər tutaraq, məhkəmə... Qərara aldı: Cəlilabad rayon İcra və Probasiya Şöbəsinin 31 yanvar 2025-ci il tarixli, MN ******* saylı inzibati xəta haqqında protokoluna əsasən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair Şəxs barəsində başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev