Cəlilabad Rayon Məhkəməsi Qərar — İş №3(073)-975/2024

Azərbaycan Respublikası adından QƏRAR Cəlilabad rayonu İş № 3(073)-975/2024 22.11.2024 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Məhkəmə iclasının katibi X1, Cəlilabad rayon İcra və Probasiya Şöbəsinin icra məmuru X2, İnzibati xəta törətmiş şəxs Şəxs Cəfər oğlunun iştirakı ilə, Şəxs Cəfər oğlu – xx.xx.1985-ci ildə Cəlilabad rayonu, Sabirabad kəndində anadan olmuş, Azərbaycan Respublikasının vətəndaşı, orta təhsilli, fərdi əməklə məşğul olan, evli, Cəlilabad rayonu, Sabirabad kəndində qeydiyyatda olan və yaşayan barəsində Cəlilabad rayon İcra və Probasiya şöbəsindən daxil olmuş Azərbaycan Respublikası İXM-in 528.1-ci maddəsi ilə inzibati məsuliyyətə cəlb olunması barədə inzibati xəta haqqında materiala baxaraq, Müəyyən etdi: Cəlilabad rayon İcra və Probasiya şöbəsindən Şəxs Cəfər oğlunun barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xətaya dair material məhkəməyə daxil olmuşdur. Məhkəmə iclasında Cəlilabad rayon İcra və Probasiya Şöbəsinin icra məmuru X4 izahatında göstərdi ki, Abşeron rayon məhkəməsinin 13 dekabr 2022-ci il tarixli, 2(012)-5937/2022 saylı icra vərəqəsinə əsasən borclu Şəxs Cəfər oğlundan üç uşağın yetkinlik yaşına çatanadək saxlanması üçün hər ay üç uşaq üçün cəmi 420 manat sabit pul məbləğində aliment alınıb tələbkar X3 verilməlidir. Borclu Şəxs Cəfər oğlu borcunu ödəməməsi, 540 manat borcunun olması ilə təsdiq olunur. İcra vərəqəsi üzrə borclu Şəxs Cəfər oğlunun bu günə 540 manat borcu qalmışdır. İcra şöbəsində borclu Şəxs Cəfər oğlundan borcunun ödənilməsi tələb olunsa da, borcunu birdəfəlik ödəyə bilməyəcəyini bildirmişdir. Ona görə də Şəxs Cəfər oğluna inzibati qaydada cəza verilməsini xahiş etdi. Məhkəmə iclasında inzibati xəta törətmiş şəxs Şəxs Cəfər oğlu izahatında göstərdi ki, onun barəsində Abşeron rayon məhkəməsinin 13 dekabr 2022-ci il tarixli, 2(012)-5937/2022 saylı icra vərəqəsinə əsasən ondan üç uşağın yetkinlik yaşına çatanadək saxlanması üçün hər ay üç uşaq üçün cəmi 420 manat sabit pul məbləğində aliment alınıb tələbkar X3 verilməlidir. O, borcunu ödəməməsi, onun 540 manat borcunun olması ilə təsdiq olunur. O, maddi imkanı zəif olduğu üçün borcunu indiyədək birdəfəlik ödəyə bilməmişdir. Hazırda isə o, borcundan 300 manat ödəmişdir, qalan borcunu da yaxın müddətdə ödəyəcəkdir. Qeyd edilənlərin nəzərə alınaraq barəsində olan inzibati xəta haqqında işin icraatına xitam verilməsini xahiş etdi. Məhkəmə izahatları dinləyib, iş materiallarını araşdırıb hesab edir ki, Şəxs Cəfər oğlunun barəsində olan inzibati xəta haqqında işin icraatına xitam verilməlidir. Belə ki, işdə olan 22 noyabr 2024-cü il tarixli ödəniş qəbzindən görünür ki, borclu Şəxs Cəfər oğlu icra sənədi üzrə yaranan 540 manat borcundan 300 manat ödəmişdir. “İcra haqqında” Azərbaycan Respubliksının Qanununun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Müstəsna hallarda icra sənədində göstərilən tələblərin icra olunması icra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul etməlidir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş - borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Qanunverici “İcra haqqında” Qanunun Azərbaycan Respubliksının Qanununun 82-ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Azərbaycan Respubliksının Qanununun Qanunun 82.1ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Həmçinin icra məmuru tərəfindən borcluya icra üçün yeni müddət təyin edilir. Məhkəmə iclasında icra məmurunun və borclunun izahatları və iş materialları ilə müəyyən edilmişdir ki, Abşeron rayon məhkəməsinin 13 dekabr 2022-ci il tarixli, 2(012)-5937/2022 saylı icra vərəqəsinə əsasən borclu Şəxs Cəfər oğlundan üç uşağın yetkinlik yaşına çatanadək saxlanması üçün hər ay üç uşaq üçün cəmi 420 manat sabit pul məbləğində aliment alınıb tələbkar X3 verilməsi qət edilmişdir. Borclu Şəxs Cəfər oğlu borcunu ödəməməsi, onun 540 manat borcunun yığılması ilə təsdiq olunmuşdur. İcra vərəqəsi İcra Şöbəsinə daxil olduqdan sonra borclu Şəxs Cəfər oğlu borcunun ödənilməsi istiqamətində real icra hərəkətləri etmişdir və icra sənədinin üzürsüz səbəbdən icra edilməməsi müəyyən edilmir. Borclu Şəxs Cəfər oğlu halhazırda isə borcundan 300 manat ödəmişdir. Halbuki, Azərbaycan Respublikasının İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulur. Məhkəmə iclasında borclu Şəxs Cəfər oğlunun məhkəmə qərarının icrası ilə əlaqədar icra məmurunun qanuni tələblərini yerinə yetirməməsi və icra sənədini üzrsüz səbəbdən icra etməməsi müəyyən edilməmişdir. Azərbaycan Respublikasının İnzibati Xətalar Məcəlləsinin 53.1.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə belə nəticəyə gəlir ki, Şəxs Cəfər oğlunun barəsində başlanılmış inzibati xəta haqqında iş üzrə icraata inzibati xəta hadisəsi olmadığından xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-117, 128-130, 528-ci maddələrini rəhbər tutaraq, məhkəmə... Qərara aldı: Cəlilabad rayon İcra və Probasiya Şöbəsinin 15 noyabr 2024-cü il tarixli, MN ******* saylı inzibati xəta haqqında protokoluna əsasən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsinə dair Şəxs Cəfər oğlunun barəsində başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətinə Azərbaycan Respublikası Şirvan Apellyasiya məhkəməsinə şikayət və ya protest verilə bilər. Hakim: Elxan Əmirəliyev