Şamaxı Rayon Məhkəməsi Qərar — İş №3(074)-168/2022

Azərbaycan Respublikası adından QƏRAR Şamaxı rayonu İş № 3(074)-168/2022 21.07.2022 ŞAMAXI RAYON MƏHKƏMƏSİ Şamaxı rayon Məhkəməsinin hakimi Hümbətov Etibar Zülfüqar oğlunun sədrliyi, Abdullayev Əsgər Yadigar oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, Şəxs Azərbaycan Respublikasının İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xətanı törətməsi barədə Azərbaycan Respublikası Dövlət X2 Regional Reklam İdarəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xətanı törətməsi ilə bağlı Azərbaycan Respublikası Dövlət X2 Regional Reklam İdarəsi tərəfindən tərtib olunmuş xx.xx.2022-ci il tarixli, MN ******* saylı inzibati xəta haqqında protokol baxılması üçün Şamaxı Rayon Məhkəməsinə göndərilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat izahat verib bildirdi ki, sahibkarlıq fəaliyyəti ilə məşğul olan şəxs kimi vergilərdə qeydiyyata alınmış, yəni VÖEN olmuş, lakin o işi 2022-ci ilin yanvar ayından Ömər adlı şəxsə təhvil vermiş və fəaliyyəti dayandırılmışdır. Qanunsuz reklam olan obyekt ona məxsus deyildir. Obyektin sahibi var və onunla heç bir hüquqi bağlılığı yoxdur. Porotokol tərtib edilərkən o, artıq həmin obyekti təhvil vermişdir. Eyni zamanda bildirdi ki, 3 ayBuna görə də barəsində olan inzibati xəta haqqında iş üzrə icraata xitam verilməsini məhkəmədən xahiş edir. Səlahiyyətli orqanın nümayəndəsi məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasına gəlməmiş və bunun səbəbləri barədə məhkəməyə məlumat verməmişdir. Buna görə də məhkəmə onun iştirakı olmadan işə baxılmasını mümkün hesab etmişdir. İş materiallarında olan Azərbaycan Respublikası Dövlət X2 Regional Reklam İdarəsi tərəfindən tərtib olunmuş xx.xx.2022-ci il tarixli, MN ******* saylı inzibati xəta haqqında protokolundan görünür ki, Şamaxı şəhəri M.Ə.Rəsulzadə küçəsində yerləşən “İnci” ticarət mərkəzi obyekti üzərində xx.xx.2022-ci il tarixdən bu günədək müvafiq icazə sənədi olmadan açıq məkanda qanunsuz reklam yerləşdirilmişdir. İş materiallarında olan Azərbaycan Respublikası Vergilər Nazirliyi İnternet Vergi İdarəsinin vergi uçotuna alınmış vergi ödəyiciləri barədə məlumatın verilməsinə dair çıxarışından görünür ki, Şəxs ********** VÖEN ilə vergi uçotu orqanında qeydiyyata alınmışdır. İş materiallarına əlavə edilmiş “vergi ödəyicisinin fəaliyyətinin dayandırılması barədə” çıxarışdan görünür ki, Şəxs fəaliyyətinin dayandırılması vergi orqanı tərəfindən təmin edilmişdir. İş materiallarında olan fiziki şəxsin vergi uçotu haqqında şəhadətnamənin surətindən görünür ki, fiziki şəxs X1 xx.xx.2022-ci il tarixdə ********** VÖEN ilə vergi uçotu orqanında qeydiyyata alınmışdır. İş materiallarında olan xx.xx.2021-ci il tarixli i**********0001, i**********0002, i**********0003 və i**********0004 saylı qeydiyyat nömrəli aşıq məkanda reklam yerləşdirilməsinə dair icazələrdən görünür ki, Şəxs xx.xx.2021-ci il tarixdən xx.xx.2022-ci il tarixədək ünvan 1 ünvanında icazədə göstərilmiş şərtlərlə açıq məkanda yerləşdirilməsinə icazə verilmişdir. İş materiallarında olan xx.xx.2021-ci il tarixli M**********0001 nömrəli bildirişin surətindən görünür ki, i**********0001, i**********0002, i**********0003 və i**********0004 saylı icazə sənədləri üzrə xx.xx.2021-xx.xx.2022-ci il tarixədək ödəniləcək məbləğ 50 manatdır. İş materiallarında olan xx.xx.2021-ci il tarixli M**********0001 nömrəli yayım haqqının ödənişi üçün hesab-fakturanın surətindən görünür ki, i**********0001, i**********0002, i**********0003 və i**********0004 saylı icazə sənədləri üzrə xx.xx.2021-xx.xx.2022-ci il tarixədək ödəniləcək məbləğ 177 manatdır. İş materiallarına olan “Asan” elektron ödəniş sistemi vasitəsilə ödənilmiş qəbzdən görünür ki, Şəxs tərəfindən Azərbaycan Respublikası Dövlət Reklam Agentliyinə xx.xx.2021-ci il tarixdə 29,5 manat ödənildiyi müəyyən edilmişdir. İş materiallarına olan “Asan” elektron ödəniş sistemi vasitəsilə ödənilmiş qəbzdən görünür ki, Şəxs tərəfindən Azərbaycan Respublikası Dövlət Reklam Agentliyinə xx.xx.2021-ci il tarixdə 50 manat ödənildiyi müəyyən edilmişdir. İş materiallarına olan “Asan” elektron ödəniş sistemi vasitəsilə ödənilmiş qəbzdən görünür ki, Şəxs tərəfindən Azərbaycan Respublikası Dövlət Reklam Agentliyinə xx.xx.2022-ci il tarixdə 29,5 manat ödənildiyi müəyyən edilmişdir. İş materiallarında olan vergi ödəyicisinin obyekti barədə verilməsinə dair çıxarışından görünür ki, Şamaxı şəhəri M.Ə.Rəsulzadə küçəsində yerləşən “İnci” ticarət mərkəzi obyekti xx.xx.2022-ci il tarixdə **********-84001 kod ilə vergi uçotu orqanında qeydiyyata alınmışdır. Məhkəmə, iş üzrə toplanmış və məhkəmədə tədqiq olunmuş sübutlara, məcmu halda qiymət verərək hesab edir ki, məhkəmə araşdırması zamanı Şəxs əməlində Azərbaycan Respublikası İXM-nin 428.7.1-cü maddəsində nəzərdə tutulan inzibati xəta tərkibinin olması sübuta yetirilməmişdir. Beləki, məhkəmə iclasında müəyyən olundu ki, həmin obyekdə Şəxs sahibkarlıq fəaliyyəti ilə məşğul olmur və digər şəxs X1 xx.xx.2022-ci il tarixdə ********** VÖEN ilə vergi uçotu orqanında qeydiyyata alınmışdır. Belə olan halda Şəxs inzibati xətanın subyekti deyildir. “Reklam haqqında” Azərbaycan Respublikası Qanununun 34.1-ci maddəsinə əsasən reklam fəaliyyətinə nəzarətin məqsədi reklam subyektlərinin maraqlarını və bu Qanunun tələblərinin yerinə yetirilməsini təmin etmək, o cümlədən bu Qanunun tələblərinə cavab verməyən reklamın yayımını dayandırmaq, reklam fəaliyyətinin subyektlərinə bu Qanunun tələbləri ilə bağlı icrası məcburi olan göstərişlər verməkdir. “Reklam haqqında” Qanunun qeyd olunan normasının tələbindən göründüyü kimi reklam subyekti tərəfindən həmin qanunun tələblərinə riayət edilməməsi reklam fəaliyyətinə nəzarət edən orqan tərəfindən müəyyən edildikdən sonra həmin Qanunun tələblərinin yerinə yetirilməsini təmin etmək üçün reklam fəaliyyətinə nəzarət edən orqan reklam fəaliyyətinin subyektlərinə bu Qanunun tələbləri ilə bağlı icrası məcburi olan göstərişlər verir. Həmçinin, Azərbaycan Respublikası Prezidentinin 19 dekabr 2017-ci il tarixli 1743 nömrəli Fərmanı ilə təsdiq edilmiş “Açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi Qaydası”nın 3.5-ci bəndinə əsasən müvafiq qurum açıq məkanda icazəsiz, həmçinin icazə müqaviləsi bağlanılmadan və ya müvafiq haqqı vaxtında ödəmədən reklam yayımı hallarını müəyyən etdikdə reklam yayıcısı məlum olduğu halda, pozuntu halı təsvir olunmaqla müvafiq akt tərtib edərək onu və bu Qaydanın 2-ci hissəsinə uyğun müvafiq hərəkətlərin 5 gün ərzində yerinə yetirilməsi üçün icrası məcburi olan yazılı göstərişi reklam yayıcısına təqdim edir (bu halda reklam yayıcısı reklamın yayımını dərhal dayandırmalıdır); yazılı göstərişdə müəyyən edilmiş tələblər vaxtında yerinə yetirilmədikdə və ya reklamın yayımı dərhal dayandırılmadıqda, həmçinin reklam yayıcısını müəyyən etmək mümkün olmadıqda, reklamın yayılmasının dayandırılması üçün zəruri tədbirlər görür. İş materiallarına əlavə edilmiş sənədlərdən görünür ki, fiziki şəxs Şəxs fəaliyyətini müvəqqəti dayandırmışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. 8.3-ci maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. 12.1.-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 53.0.2-ci maddəsinə əsasən inzibati xəta tərkibi olmadıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 114.2.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda inzibati xəta haqqında iş üzrə icraata xitam verilməsi haqqında qərar qəbul edilir. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsi ilə başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 43, 53, 114, 115, 129 və 130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 gün müddətində Şamaxı rayon Məhkəməsi vasitəsilə və ya birbaşa Sumqayıt Apelyasiya Məhkəməsinə şikayət və ya protest verilə bilər. Sədrlik edən Etibar Hümbətov