Şamaxı Rayon Məhkəməsi Qərar — İş №3(074)-170/2022

Azərbaycan Respublikası adından QƏRAR Şamaxı rayonu İş № 3(074)-170/2022 05.07.2022 ŞAMAXI RAYON MƏHKƏMƏSİ Şamaxı rayon Məhkəməsinin hakimi Hümbətov Etibar Zülfüqar oğlunun sədrliyi, Babayeva Günel Pərvin qızının katibliyi, Barəsində inzibati xəta haqqında iş üzrə icraat aparılan şəxs Muxtarova (Rzayeva) Nərgiz Fuad qızının iştirakı ilə, xx.xx.1992-ci ildə Bakı şəhərində anadan olmuş, Azərbaycan Respublikası vətəndaşı, orta-ixtisas təhsilli, işsiz, evli, Şamaxı şəhəri, S.Vurğun küçəsi-3 ünvanda qeydiyyatda olan Muxtarova (Rzayeva) Nərgiz Fuad qızı barəsində Azərbaycan Respublikasının İnzibati Xətalar Məcəlləsinin 529.1-ci maddəsi ilə Şamaxı rayon İcra və Probasiya Şöbəsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Muxtarova (Rzayeva) Nərgiz Fuad qızı barəsində Azərbaycan Respublikasının İnzibati Xətalar Məcəlləsinin 529.1-ci maddəsi ilə Şamaxı rayon İcra və Probasiya Şöbəsinin böyük icra məmuru X1 tərəfindən MN № ******* saylı inzibati xəta haqqında protokol tərtib olunmuşdur. Ona görə ki, Şəxs Azərbaycan Respublikası Əmək və Əhalinin Sosial Müdafiəsi Nazirliyi yanında X4 X2 Ərazi Şöbəsinin MN ******* saylı, xx.xx.2020-ci il tarixli qərarının icrasından yayınmışdır. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Muxtarova (Rzayeva) Nərgiz Fuad qızı izahat verib bildirdi ki, maddi imkansızlıqdan ödəniş edə bilməmişdir. Hal-hazırda işsizdir, onun barəsində tətbiq edilmiş cəriməni ödəyəmə maddi imkanı yoxdur. Məhkəmə iclasında şahid qismində dindirilmiş Şamaxı rayon İcra və Probasiya Şöbəsinin böyük icra məmuru X1 izahat verib bildirdi ki, Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin İsmayıllı Regional Ərazi Şöbəsinin MN ******* saylı, xx.xx.2020-ci il tarixli qərarına əsasən borclu Muxtarova (Rzayeva) Nərgiz Cəlil qızı Azərbaycan Respublikası İnzibati Xətalar Məcəlləsinin 192.3cü maddəsi ilə təqsirli bilinib, 1000 (bir min) manat inzibati qaydada cərimə edilməlidir. Tətbiq edilmiş cəriməni ödəməsi barədə Muxtarova (Rzayeva) Nərgiz Cəlil qızına bildiriş göndərilmiş, ona yazılı və şifahi formada xəbərdarlıq edilsə də, o, barəsində tətbiq edilmiş cərimə borcunu ödəməmişdir. İş materiallarında olan Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin İsmayıllı Regional Ərazi Şöbəsinin MN ******* saylı, xx.xx.2020-ci il tarixli qərarının surətindən görünür ki, borclu Muxtarova (Rzayeva) Nərgiz Cəlil qızı Azərbaycan Respublikası İnzibati Xətalar Məcəlləsinin 192.3-cü maddəsi ilə təqsirli bilinib, 1000 (bir min) manat inzibati qaydada cərimə edilməsi qərara alınmışdır. İş materiallarında olan xx.xx.2020-ci il tarixli icraata başlama haqqında qərarın surətindən görünür ki, Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin İsmayıllı Regional Ərazi Şöbəsinin MN ******* saylı, xx.xx.2020-ci il tarixli qərarı əsasında Şamaxı rayon İcra və Probasiya Şöbəsində icra işi başlanılmış, borcluya 10 gün müddətində icranı könüllü təmin etməsinin təklif olunması qərara alınmışdır. İş materiallarında olan xx.xx.2020-ci il tarixli bildirişin surətindən görünür ki, Muxtarova (Rzayeva) Nərgiz Cəlil qızına Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin İsmayıllı Regional Ərazi Şöbəsinin MN ******* saylı, xx.xx.2020-ci il tarixli qərarı üzrə borcunu könüllü təmin etməsi təklif olunmuşdur. İş materiallarında olan icra işi üzrə şəxsi kartoçkadan görünür ki, borclu Muxtarova (Rzayeva) Nərgiz Fuad qızının adına tələbin yönəldilə biləcəyi əmlak aşkar edilməmişdir. Muxtarova (Rzayeva) Nərgiz Fuad qızı tərəfindən törədilmiş bu inzibati xəta onun və şahidin məhkəmə iclasında vermiş olduğu izahatla, iş materiallarında olan inzibati xəta haqqında protokolla və işin araşdırılmış digər halları ilə tam sübut olundu. Ona görə də məhkəmə hesab edir ki, Muxtarova (Rzayeva) Nərgiz Fuad qızı Azərbaycan Respublikasının İnzibati Xətalar Məcəlləsinin 529.1-ci maddəsi ilə inzibati qaydada məsuliyyətə cəlb edilərək, barəsində inzibati tənbeh tədbiri görülməlidir. Məhkəmə barəsində inzibati xəta haqqında iş üzrə icraat aparılan şəxsin ailəli və himayəsində uşağının olmasını onun məsuliyyətini yüngülləşdirən hal kimi müəyyən etdi. İş üzrə məsuliyyəti ağırlaşdıran hallar müəyyən olunmadı. Məhkəmə Muxtarova (Rzayeva) Nərgiz Fuad qızı barəsində inzibati tənbeh tətbiq edərkən xətanın xarakterini, məsuliyyətinin yüngülləşdirən halı, məsuliyyətini ağırlaşdıran halların olmamasını, təqsirinin dərəcəsini, əmlak vəziyyətini nəzərə alaraq hesab edir ki, ona Azərbaycan Respublikasının İnzibati Xətalar Məcəlləsinin 529.1-ci maddəsinin sanksiyasında nəzərdə tutulan cəzalardan ictimai işlər növündə cəza təyin olunmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40.0.1,43, 114, 115, 129 və 130-cu maddələrini rəhbər tutaraq, məhkəmə QƏRARA ALDİ: Muxtarova (Rzayeva) Nərgiz Fuad qızı Azərbaycan Respublikasının İnzibati Xətalar Məcəlləsinin 529.1-ci maddəsi ilə təqsirli bilinsin və ona 160 saat ictimai işlər cəzası təyin edilsin. Cəzasını müvafiq icra hakimiyyəti orqanının müəyyən etdiyi yerlərdə çəksin. Qərarın surəti təqdim edildiyi və ya alındığı gündən 10 gün müddətində Sumqayıt Apellyasiya məhkəməsinə apellyasiya şikayəti və ya protest verilə bilər. SƏDRLİK EDƏN ETİBAR HÜMBƏTOV