Şamaxı Rayon Məhkəməsi Qərar — İş №3(074)-262/2022

Azərbaycan Respublikası adından QƏRAR Şamaxı rayonu İş № 3(074)-262/2022 18.10.2022 ŞAMAXI RAYON MƏHKƏMƏSİ Şamaxı rayon Məhkəməsinin hakimi İsmayılov Natiq Əvəz oğlunun sədrliyi, Babayeva Günel Pərvin qızının katibliyi, İnzibati xəta haqqında protokolu tərtib etmiş Şamaxı rayon Polis Şöbəsinin İTB-nin sahə rəisi X1, Zərərçəkmiş şəxs, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1961-ci ildə Ermənistan Respublikası Kalinino rayonunda anadan olmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan 1 ünvanında qeydiyyatda olan və Şamaxı rayonu, Kərkənc kəndində yaşayan Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə inzibati məsuliyyətə cəlb edilməsinə dair Şamaxı rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə inzibati məsuliyyətə cəlb edilməsinə dair Şamaxı rayon Polis Şöbəsində tərtib olunmuş xx.xx.2022-ci il tarixli, MN ******* saylı inzibati xəta haqqında protokol baxılması üçün Şamaxı Rayon Məhkəməsinə göndərilmişdir. Məhkəmə iclasında inzibati xəta haqqında protokolu tərtib etmiş Şamaxı rayon Polis Şöbəsinin İTB-nin sahə rəisi X3 izahatında göstərdi ki, xx.xx.2022-ci il tarixdə Şamaxı rayonu, Kərkənc kəndində yerləşən küçədə sərxoş halda Şəxs Zərərçəkmiş şəxs ünvanına nalayiq ifadələr işlətmişdir. Buna görə də, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə inzibati xəta haqqında protokol tərtib edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan Şəxs izahat verib bildirdi ki, xx.xx.2022-ci il tarixdə o, torpaq sahəsinin yaxınlığında boş yerdə zibil yandıran zaman göürmüşdür ki, kimsə onun yandırdığı odun üstünə iplə dolu torbalar atıb, tüstü ətrafa yayılıb. Sonra görmüşdür ki, Zərərçəkmiş şəxs bunu edib, o ona demiş ki, zibilini aparıb öz həyətində yandırsın. Zərərçəkmiş şəxs onu söyüdüyü üçün oda onu söymüşdür. O, etdiyi əmələ görə çox peşmandır. Barəsində yüngül tənbeh tədbiri tətbiq edilməsini xahiş etdi. Məhkəmə iclasında iştirak edən Zərərçəkmiş şəxs izahat verib bildirdi ki, xx.xx.2022ci il tarixdə o, həyat yoldaşı ilə birlikdə torpaq sahəsinin yaxınlığında boş yerdə yanan ocağa ot bağlamaların iplərini torbaya yığıb həmin ocaqla yanan odun içinə atmışlar ki, yansın. Lakin sonra görmüşlər ki, iplə dolu torbaları kimsə gətirib atıb onların həyətlərinə və qoymayıb ki, yansın. Fanarla həmin ocağa baxmışlar ki, görsinlər od yanır yoxsa yanmır. Bu zaman kənd sakini Şəxs uca səslə onların ünvanına nalayiq söyüşlər söyərək demiş ki, bu ocaqda yandırmasınlar, aparsınlar başqa yerdə yandırsınlar. Halbuki ocaq onun torpaq sahəsindən xeyli uzaqda yerləşir. O, ona bildirmişdir ki, ocaq onun torpağından kənardadır, lakin Alıxan sakitləşməmiş və təkrar-təkrar onu söyüb təhqir etmişdir. Yenə də o, çalışmışdır ki, Alıxanı nizam intizama dəvət etsin, lakin Alıxan birgə yaşayış qaydalarını kobud surətdə pozaraq camaat eşidə-eşidə uca səslə söyüb təhqir etməyə davam etmiş, söyə-söyə ona hücum etməyə cəhd göstərmiş və kənddə stadion adlana yerə vuruşmağa çağırmışdır. Odur ki, onun barəsində qanuni tədbir tətbiq edilməsini xahiş etdi. İş materiallarında olan Şamaxı Şamaxı RPŞ-nin məsul növbətçisi, polis mayoru F.Niftalıyev tərəfindən tərtib edilmiş xx.xx.2022-ci il tarixli, HK2№2064 saylı raportdan görünür ki, xx.xx.2022-ci il tarixdə saat 19:04 nradələrində DİN 102 xidmətinə vətəndaş Zərərçəkmiş şəxs ***-***-**-** nömrədən zəng edərək qonşusu Şəxs onunla münaqişə yaratması barədə məlumat vermişdir. İş materiallarında olan Şamaxı rayon Məhkəməsinin 3(074)-186/2022 saylı 27 iyul 2022-ci il tarixli qərarın surətindən görünür ki, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinərək 50 (əlli) manat məbləğində cərimə edilmişdir. Məhkəmə, inzibati xəta haqqında tərtib edilmiş protokolu və ona əlavə edilmiş sənədləri tədqiq edib, proses iştirakçılarının izahatlarını dinləyərək hesab edir ki, toplanmış sübutlarla Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulan inzibati xətanı törətməkdə təqsiri tam sübuta yetirilir. Belə ki, Şəxs ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər etməklə ictimai qaydanı pozmuşdur. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xəta törətmiş şəxsin səmimi peşmançılığını İXM-nin 32.1.1-ci maddəsinə əsasən onun məsuliyyətini yüngülləşdirən hal hesab edir. Məhkəmə Şəxs eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsini onun məsuliyyətini ağırlaşdıran hal kimi nəzərə alır. Beləliklə, məhkəmə Şəxs inzibati tənbeh tətbiq edərkən inzibati xətanın xarakterini, təqsirinin dərəcəsini, əmlak vəziyyətini, yaşını, məsuliyyətini yüngülləşdirən və ağırlaşdıran halları nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinərək, onun həmin maddənin sansiyasında nəzərədə tutulmuş cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 43, 114, 115, 129 və 130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinərək 70 (yetmiş) manat məbləğində cərimə edilsin. Qərardan rəsmi qaydada verildiyi gündən 10 gün müddətində Şamaxı rayon Məhkəməsi vasitəsilə və ya birbaşa Sumqayıt Apelyasiya Məhkəməsinə şikayət və ya protest verilə bilər. Hakim Natiq İsmayılov