Şamaxı Rayon Məhkəməsi Qərar — İş №3(074)-356/2020

Azərbaycan Respublikası adından QƏRAR Şamaxı rayonu İş № 3(074)-356/2020 27.10.2020 ŞAMAXI RAYON MƏHKƏMƏSİ Şamaxı rayon Məhkəməsinin hakimi Hümbətov Etibar Zülfüqar oğlunun sədrliyi, Babayeva Günel Pərvin qızının katibliyi, Zərərçəkmiş şəxs və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1995-ci ildə Şamaxı şəhərində anadan olmuş, Azərbaycan Respublikası vətəndaşı, orta təhsilli, işsiz, Şamaxı rayonu, Mədrəsə qəsəbəsində qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Şamaxı rayon İcra və Probasiya Şöbəsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Şamaxı rayon İcra və Probasiya Şöbəsinin icra məmuru X2 tərəfindən MN № ******* saylı inzibati xəta haqqında protokol tərtib olunmuşdur, ona görə ki, Şəxs Şamaxı rayon Məhkəməsinin xx.xx.2019-cu il tarixli 2(074)-685/2019 saylı icra sənədi üzrə 10500 manat məbləğində borcun icrasından yayınmış və icra məmurunun qanuni tələblərini yerinə yetirməmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat verib bildirdi ki, onun həqiqətən də hal-hazırda Zərərçəkmiş şəxs 10500 manat məbləğində borcu vardır. Lakin maddi imkanı olmadığı üçün borcunu ödəyə bilməmişdir. Məhkəmə iclasında zərərçəkmiş şəxs qismində dindirilmiş Zərərçəkmiş şəxs izahat verib bildirdi ki, barəsində inzibati xəta haqqında iş üzrə icraat aparılan şəxs Şəxs ona hal-hazırda 10500 manat məbləğində borcu mövcuddur. Onun barəsində axtarış elan olunmasına və xədərdarlıq edilməsinə baxmayaraq borcunu ödəməmişdir. Odur ki, Şəxs şikayətçi olduğunu bildirdi. Məhkəmə iclasında şahid qismində dindirilmiş icra məmuru X2 izahat verib bildirdi ki, Şamaxı rayon Məhkəməsinin xx.xx.2019-cu il tarixli 2(074)-685/2019 saylı icra sənədinə əsasən Şəxs Zərərçəkmiş şəxs xeyrinə 10500 manat məbləğində pul və 20 manat məbləğində dövlət rüsumu tutulmalıdır. Lakin Şəxs borcunu ödəməmiş, borclunun əmlak və gəlirlərinin axtarışları heç bir nəticə verməmiş, barəsində axtarış elan edilmiş və ölkədən getmə hüququ müvəqqəti olaraq məhdudlaşdırılmışdır. Şəxs izahat verərək maddi imkanının olmadığını bildirmişdir. Beləliklə də o, icra məmurunun qanuni tələblərini yerinə yetirməyərək icra sənədinin icrasından yayınmışdır. Hazırda barəsində inzibati xəta haqqında iş üzrə icraat aparılan şəxs Şəxs icra sənədi üzrə 10500 manat borcu vardır. Məhkəmə proses iştirakçılarını dinləyib və inzibati xəta haqqında protokolu, ona əlavə edilmiş sənədləri araşdıraraq hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş cəzalardan inzibati həbs növündə inzibati tənbeh tədbiri tətbiq edilməlidir. İş materiallarında olan Şamaxı rayon Məhkəməsinin xx.xx.2019-cu il tarixli 2(074)-685/2019 saylı icra sənədinin surətindən görünür ki, Şəxs Zərərçəkmiş şəxs xeyrinə 10500 manat məbləğində pul və 20 manat məbləğində dövlət rüsumu tutulmalıdır. İş materiallarında olan icraata başlamaq haqqında xx.xx.2019-cu il tarixli qərardan görünür ki, Şəxs icranı könüllü təmin etməsinin təklif edilməsi qərara alınmışdır. İş materiallarında olan xx.xx.2019-cu il tarixli bildirişin surətindən görünür ki, Şəxs barəsində olan borcun icrasını könüllü təmin etməsi təklif edilmişdir. İş materiallarında olan borclunun axtarılması barədə xx.xx.2020-ci il tarixli qərarın surətindən görünür ki, Şəxs barəsində axtarış elan edilmişdir. İş materiallarında olan Şəxs izahatından görünür ki, Şəxs icra sənədini icra etməkdən qərəzli olaraq boyun qaçırdığı halda Azərbaycan Respublikasının İnzibati Xətalar Məcəlləsinin 528.1-ci maddəsi ilə məsuliyyətə cəlb olunacağı izah olunmuşdur. Məhkəmə iclasında müəyyən olundu ki, Şəxs icra məmurunun qanuni tələblərini yerinə yetirməmiş və icra sənədinin icrasını təmin etməyərək icranı həyata keçirməmişdir. Beləliklə də, Şəxs tərəfindən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın törədilməsi inzibati xəta haqqında işə baxılan zaman proses iştirakçılarının izahatları, iş materialları, inzibati xəta haqqında protokolla və işin araşdırılmış digər halları ilə tam sübut olundu. Ona görə də məhkəmə hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati qaydada məsuliyyətə cəlb edilərək, barəsində inzibati tənbeh tədbiri görülməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40.0.1, 43, 114, 128, 129 və 130-cu maddələrini rəhbər tutaraq, məhkəmə QƏRARA ALDİ : Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinib, 10 ( on ) gün müddətinə inzibati həbs edilsin. İnzibati həbs etmənin əvvəli xx xxxxxxx 2020-ci il tarixdən hesablansın. Şəxs inzibati həbs müddətində Azərbaycan Respublikası Daxili İşlər Nazirliyinin müəyyən etdiyi yerlərdə mühafizə altında saxlanılsın. Qərarın icrası Şamaxı rayon Polis Şöbəsinin inzibati həbs olunanların saxlanılma məntəqəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apellyasiya məhkəməsinə apellyasiya şikayəti və ya protest verilə bilər. SƏDRLİK EDƏN: ETİBAR HÜMBƏTOV