Şamaxı Rayon Məhkəməsi Qərar — İş №3(074)-382/2024

Azərbaycan Respublikası adından QƏRAR Şamaxı rayonu İş № 3(074)-382/2024 23.05.2024 ŞAMAXI RAYON MƏHKƏMƏSİ Şamaxı rayon Məhkəməsinin hakimi İsmayılov Natiq Əvəz oğlunun sədrliyi, Babayeva Günel Pərvin qızının katibliyi, İnzibati xəta haqqında protokolu tərtib etmiş Şamaxı rayon Polis Şöbəsinin İTB-nin sahə rəisi X2, Barəsində inzibati xəta haqqında iş üzrə icraat aparılan Şəxs iştirakları ilə, 12 sentyabr 1999-cu Şamaxı şəhərində anadan olmuş, Azərbaycan Respublikasının vətəndaşı, subay, orta təhsilli, ünvan 1 ünvanında qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətməsi barədə Şamaxı rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətməsi ilə bağlı Şamaxı rayon Polis Şöbəsində tərtib olunmuş xx.xx.2024-cü il tarixli, MN ******* saylı inzibati xəta haqqında protokol baxılması üçün Şamaxı Rayon Məhkəməsinə göndərilmişdir. Məhkəmə iclasında inzibati xəta haqqında protokolu tərtib etmiş şəxs Şamaxı rayon Polis Şöbəsinin İTB-nin sahə rəisi X4 izahatında göstərdi ki, Şəxs xx.xx.2024-cü il tarixdə Şamaxı şəhəri, M.Ə.Rəsulzadə küçəsində uca səslə nalayiq ifadələr işlədərək polis əməkdaşlarna müqavimət göstərmişdir. Buna görə də Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə inzibati xəta haqqında protokol tərtib edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat verib bildirdi ki, yaşadıqları binan qarşısında atası Namiq Zərbaliyev ilə polis əməkdaşlarının mübahisə etdiyini görmüş bu zaman oda əsəbləşərək polis əməkdaşları ilə mübahisə etmişdir. Buna səsəb isə polis əməkdaşlarının atasını polis şöbəsinə aparmaq üçün gəlsələr də ona da post-patrul avtomaşının arxa hissəsində oturmasını bildirmələri olmuşdur, o, isə avtomaşının salon hissəsində oturmağı xahiş etmişdir. O və polis əməkdaşlarının arasında mübahisə olmuş bundan sonra onu Şamaxı rayon Polis Şöbəsinə gətirmişlər. O, ümumiyyətlə polis əməkdaşlarının ünvanına nalayiq ifadələr işlətməmişdir. Odur ki, iş üzrə ədalətli qərar çıxarılmasını məhkəmədən xahiş etdi. Məhkəmə iclasında şahid qismində dindirilmiş Şamaxı rayon Polis şöbəsinin PPXB-nin polis serjantı X1 izahat verib bildirdi ki, xx.xx.2024-cü il tarixdə PPXB-nün polis nəfəri, polis serjantı Fərmanov Qalib və PPXB-nin manqa komandiri, polis baş serjantı Vüsal Ağacanov ilə birlikdə xidmətdə olan zaman RPŞ-nə daxil olmuş məlumata əsasən Şamaxı şəhəri, M.Ə.Rəsulzadə küçəsində baş verən hadisə ilə bağlı həmin küçəyə getmişlər, həmin vaxt hadisə ilə bağlı X3 RPŞnə gətirmək istəyən zaman oğlu Şəxs onlara mane olmuşdur. Həmin vaxt Pərvin onların qarşısına keçib Namiqi post-patrul maşınına mindirməyə mane olmuş və onlarla mübahisə etməyə başlamışdır. Onu nəqədər sakitləşdirməyə çalışsalar da Pərvin onların qanuni tələblərini pozub onlara müqavimət göstərmişdir. Daha sonra həmin şəxsi barəsində qanuni tədbir görülməsi üçün RPŞ-nə aparmışlar. Hadisə zamanı Şəxs onların ünvanına nalayiq ifadələr işlətməmişdir. Məhkəmə iclasında şahid qismində dindirilmiş Şamaxı rayon Polis şöbəsinin PPXB-nin polis serjantı X6 şahid Şamaxı rayon Polis şöbəsinin PPXB-nin polis serjantı X1 ilə eyni məzmunlu izahat verdi. İş materiallarında olan Şamaxı rayon Polis şöbəsinin PPXB-nin manqa komandiri, polis baş serjantı Vüsal Ağacanovun 22 may 2024-cü il tarixli raportundan görünür ki, xx.xx.2024-cü il tarixdə PPXB-nün polis nəfərləri, polis serjantları Fərmanov Qalib və İbrəhimxəlilov Xəlil ilə birlikdə xidmətdə olan zaman RPŞ-nə daxil olmuş məlumata əsasən Şamaxı şəhəri, M.Ə.Rəsulzadə küçəsində baş verən hadisə ilə bağlı həmin küçəyə getmişlər, həmin vaxt hadisə ilə bağlı X3 RPŞnə gətirmək istəyən zaman oğlu Şəxs onlara mane olaraq uca səslə nalayiq ifadələr işlədərək onların qanuni tələblərini pozub onlara müqavimət göstərmiş, onlar onu dəfələrlə nizam intizama dəvət etsəkdə vətəndaş qanuni tələblərinə tabe olmayaraq öz qanunsuz hərəkətlərinə davam etmişdir. Daha sonra həmin şəxs barəsində qanuni tədbir görülməsi üçün RPŞ-nə dəvət edilmişdir. İş materiallarında olan inzibati qaydada tutma haqqında 019688 nömrəli protokoldan görünür ki, Şəxs xx.xx.2024-cü il tarixdə saat 16:00-da inzibati qaydada tutulmuşdur. Beləliklə məhkəmə iş materiallarında olan sənədlərə və işdə iştirak edən şəxslərin izahatlarına məcmu halda qiymət verərək belə hesab edir ki, məhkəmə araşdırması zamanı Şəxs əməlində Azərbaycan Respublikası İXM-nin 510-cu maddəsində nəzərdə tutulan inzibati xəta tərkibinin olması sübuta yetirilməmişdir. Belə ki, məhkəmə iclasında barəsində inzibati xəta haqqında icraat aparılan şəxsin və şahidlərin izahatları ilə Şəxs ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər etməklə ictimai qaydanı pozması faktını təsdiqini tapmamışdır. Təqsirsizlik prezumpsiyasına müvafiq olaraq Şəxs təqsirliliyini sübuta yetirmək səlahiyyətli orqanın üzərinə düşdüyündən, lakin onun təqsirliliyini təsdiq edən hər hansı sübut məhkəməyə təqdim edilmədiyindən məhkəmə hesab edir ki, Şəxs Azərbaycan Respublikası İXMnin 510-cu maddəsi ilə nəzərdə tutulmuş inzibati xətanı törətməsi ilə əlaqədar inzibati məsuliyyətə cəlb edilməsi əsassızdır. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İşin təsvir edilmiş hallarını və onlara tətbiq ediləcək maddi hüquq normalarının tələblərini nəzərə alaraq məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə başlanmış inzibati xəta haqqında iş üzrə icraata xitam verilməlidir. Bununla yanaşı məhkəmə hesab edir ki, Şəxs polis işçisinin və ya hərbi qulluqçunun qanuni tələbinə qəsdən tabe olmamışdır. Azərbaycan Respublikası İnzibati Xətalar Məcəlləsinin 535.1-ci maddəsinə əsasən olis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs əməlində məsuliyyətini yüngülləşdirən və ağırlaşdıran hallar müəyyən edilmədi. İnzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə Şəxs inzibati tənbeh tətbiq edərkən törədilmiş inzibati xətanın xarakterini, təqsirinin dərəcəsini, məsuliyyətini yüngülləşdirən və ağırlaşdıran halların müəyyən edilməməsini nəzərə alaraq, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinməli və barəsində həmin maddənin sansiyasının hədləri daxilində inzibati həbs tənbeh növü tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 43, 114, 115, 129 və 130-cu maddələrini rəhbər tutaraq, məhkəmə qəraraaldı: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə başlanmış inzibati xəta haqqında iş üzrə icraata xitam verilsin. Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilsin və 8 (səkkiz) gün müddətinə inzibati həbs edilsin. İnzibati həbs etmənin əvvəli 22 may 2024-cü il tarix, saat 16:00-dan hesablansın. Şəxs inzibati həbs müddətində Azərbaycan Respublikası Daxili İşlər Nazirliyinin müəyyən etdiyi yerlərdə mühafizə altında saxlanılsın. Qərarın icrası Şamaxı rayon Polis Şöbəsinin inzibati həbs olunanların saxlanılma məntəqəsinə həvalə edilsin. Qərardan rəsmi qaydada verildiyi gündən 10 gün müddətində Şamaxı rayon Məhkəməsi vasitəsilə və ya birbaşa Sumqayıt Apelyasiya Məhkəməsinə şikayət və ya protest verilə bilər. Hakim: Natiq İsmayılov