Şamaxı Rayon Məhkəməsi Qərar — İş №3(074)-388/2024

Azərbaycan Respublikası adından QƏRAR Şamaxı rayonu İş № 3(074)-388/2024 14.06.2024 ŞAMAXI RAYON MƏHKƏMƏSİ Şamaxı rayon Məhkəməsinin hakimi İsmayılov Natiq Əvəz oğlunun sədrliyi, Babayeva Günel Pərvin qızının katibliyi, Şikayət vermiş şəxs X1 iştirakı ilə, Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin MN ******* nömrəli, xx.xx.2023-cü il tarixli inzibati tənbeh vermə haqqında qərarından X2 tərəfindən verilmiş şikayətə açıq məhkəmə iclasında baxaraq, məhkəmə müəyyənetdi: X2 şikayətlə Şamaxı Rayon Məhkəməsinə müraciət edərək barəsində Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən qəbul edilmiş MN ******* nömrəli, xx.xx.2023-cü il tarixli inzibati tənbeh vermə haqqında qərarın ləğv edilməsini və iş üzrə icraata xitam verilməsini xahiş etmişdir. Şikayət onunla əsaslandırılmışdır ki, onun Xızı və Qobustan rayonları ilə həmsərhəd olan “Çəkil çayının” yuxarı dağlıq ərazisində qanunsuz olaraq ov fəaliyyəti ilə məşğul olmağını əsas gətirərək 4 saylı Rtegional Ekologiya və Təbii Sərvətlər İdarəsinin əməkdaşları tərəfindən barəsində Azərbaycan Respublikası İnzibati Xətalar Məcəlləsinin 272.3-cü maddəsinin tələblərinə əsasən xx.xx.2023-cü il tarixdə MN № ******* saylı inzibati tənbeh verilmə haqqında qərar qəbul edilmişdir. Barəsində qanunsuz tətbiq edilmiş həmin qərara əsasən o, 1200 manat məbləğində inzibati qaydada cərimə edilmişdir. Cərimə vaxtında ödənilmədiyi üçün ona əlavə olaraq 720 manat dəbbə pulu hesablanmışdır. Barəsində tərtib edilmiş xx.xx.2023-cü il tarixdə MN № ******* saylı inzibati tənbeh verilmə haqqında qərarın icrası ilə bağlı icra məmuru tərəfindən çağırılanda onun məlumatı olmuşdur. İnzibati Xətalar Məcəlləsinin 43-cü maddəsinin tələblərinə əsasən İXM-nin 272.3-cü maddəsi məhkəmə aidiyyatıdır. Ona görə də, göstərdiklərini nəzərə alaraq Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən qəbul edilmiş MN ******* nömrəli, xx.xx.2023-cü tarixli inzibati tənbeh vermə haqqında qərar ləğv edilməli və iş üzrə icraata xitam verilməlidir. Məhkəmə iclasında iştirak edən X2 şikayətin məzmununa uyğun izahat verərək şikayətin təmin edilərək Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən qəbul edilmiş MN ******* nömrəli, xx.xx.2023-cü il tarixli inzibati tənbeh vermə haqqında qərarının ləğv edilməsini inzibati xəta haqqında iş üzrə icraata xitam verilməsini xahiş etdi. Əlavə olaraq bildirdi ki, həmin vaxt o heç bir ov etməmiş, avtomobilində olan quşu isə başqa bir quş ovlamış və onun caynağının izləri olmuşdur. Silahı isə yatağa gedərkən ehtiyat üçün gəzdirmişdir. Məhkəmə iclasının vaxtı və yeri barədə barəsində lazımi qaydada xəbərdar olmasına baxmayaraq, inzibati xəta haqqında protokolu tərtib etmiş Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin nümayəndəsi məhkəmə iclasında iştirak etməmiş və məhkəmə iclasının təxirə salınması barədə onlardan vəsatət daxil olmamışdır. Bu səbəbdən məhkəmə, Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin nümayəndəsinin iştirakı olmadan inzibati xəta haqqında işə baxılmasını mümkün hesab etmişdir. Məhkəmə, proses iştirakçılarını dinləyib, şikayəti və iş materiallarını araşdıraraq hesab edir ki, şikayət qismən təmin edilməlidir. Belə ki, iş materiallarında olan Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin MN ******* nömrəli, xx.xx.2023-cü il tarixli inzibati tənbeh vermə haqqında qərarının surətindən görünür ki, Xızı və Qobustan rayonları ilə həmsərhəd olan “Çəkil çayının” yuxarı dağlıq ərazisində qanunsuz olaraq öv fəaliyyəti ilə məşğul olmuşdur. Fiziki şəxs X2 Azərbaycan Respublikası İnzibati Xətalar Məcəlləsinin 272.3-cü maddəsi ilə təqsirli bilinərək, 1200 (min iki yüz) manat məbləğində cərimə edilmişdir. İş materiallarında olan xx.xx.2023-cü il tarixli aktın surətindən görünür ki, xx.xx.2023cü il tarixdə Xızı rayonunda Xızı və Qobustan rayonu ilə həmsərhəd olan Çəkilçay adlanan ərazinin yuxarı hissəsində qanunsuz ov və brokonyerliyə qarşı keçirilən reyd zamanı “Niva” markalı **-GS-*** dövlət nömrə nişanlı avtomobildən aşkar olunmuş və X2 tərəfindən qanunsuz ovlanmış 1(bir) ədəd boz kəklik quşu isti hava şəraiti ilə əlaqədar iy qoxu his olunduğu üçün, qidaya yararsız olduğundan ətrafda torpağa basdırılmışdır. İş materiallarında olan xx.xx.2023-cü il tarixdə X1 vermiş olduğu izahatının surətindən görünür ki, Xızı və Qobustan rayonları ilə həmsərhəd olan “Çəkil çayının” yuxarı hissəsində “Niva” markalı dövlət nömrə nişanlı **-GS-*** olan avtomobillə hərəkət edərkən saxlanılmışdır. (Ekologiya işçiləri tərəfindən) Avtomobildə ona məxsus 12 kalibrli, Ata-arms markalı 12/D09797 nömrəli ov silahı, 1 ədəd 12 çaph Ata-arms markalı 78- G22YT-000976 nömrəli silahı açıq vəziyyətdə yuvası patronla dolu şəkildə və bir ədəd boz kəklik quşu (onun tərəfindın ovlanmış) aşkar olunmuşdur. Bilmirmiş ki, bu ərazilərdə ov etmək qadağandır, nəzərə alınmasını xahiş etmişdir. İş materiallarında olan xx.xx.2023-cü il tarixli aktın surətindən görünür ki Xızı və Qobustan rayonu ilə həmsərhəd olan Çəkilçay adlanan ərazinin yuxarı hissəsindəki dağlıq ərazidə xx.xx.2023-cü il tarixdə brokonyerliyə və qanunsuz ov hallarının qarşısının alınması məqsədi ilə reyd keçirilmişdir. Reyd zamanı qanunsuz ov fəaliyyəti ilə məşğul olan şəxslərdən inzibati xətanın törədilməsində maddi sübut kimi götürülmüş 1 ədəd 12 kalibrli, Ata-arms markalı 12/D09797 nömrəli ov silahı, 1 ədəd 12 çaph Ata-arms markalı 78-G22YT- 000976 nömrəli ov silahı, 1 ədəd 12 çaph Benelii markalı BS015833K16/CS016139J16 nömrəli ov silahı, və 26 ədəd fabrik istehsalı olan plasmas patronlar və 2 ədəd patrondaş təhvil verilmişdir. Azərbaycan Respublikası İnzibati Xətalar Məcəlləsinin 272.3-cü maddəsinə əsasən ov qaydalarının kobud şəkildə pozulmasına (lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov edilməsinə), habelə digər ov qaydalarının müntəzəm pozulmasına görə-inzibati xətanın törədilməsində alət və ya inzibati xətanın bilavasitə obyekti olmuş predmetlər müsadirə edilməklə və ya müsadirə edilməməklə, min manatdan iki min manatadək məbləğdə cərimə edilir, yaxud altı aydan iki ilədək müddətə ov hüququ məhdudlaşdırılır. Məhkəmə ilk öncə qeyd edir ki, “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə Azərbaycan Respublikası Prezidentinin xx.xx.2016-cı il tarixli Fərmanının 5.23-cü bəndinə əsasən həmin Məcəllənin 272-ci maddəsində nəzərdə tutulmuş inzibati xətalar haqqında işlərə həmin işlər üzrə inzibati icraata başlamış Azərbaycan Respublikasının Daxili İşlər Nazirliyi və ya Azərbaycan Respublikasının Ekologiya və Təbii Sərvətlər Nazirliyi baxır. Azərbaycan Respublikası İnzibati Xətalar Məcəlləsinin 43.3-cü maddəsinə əsasən bu Məcəllənin 43.1-ci maddəsində göstərilən inzibati xətalar haqqında işlərə baxmaq hüququ müvafiq icra hakimiyyəti orqanı tərəfindən həmçinin səlahiyyətli orqanlara (vəzifəli şəxslərə) aid edildikdə, icraatında inzibati xətalar haqqında iş olan səlahiyyətli orqan (vəzifəli şəxs) inzibati xətanın xarakterini, inzibati xəta törədənin şəxsiyyətini, onun təqsirinin dərəcəsini, məsuliyyəti ağırlaşdıran halların və müsadirə olunmalı malların mövcudluğunu nəzərə alaraq, şəxs barəsində müvafiq maddənin sanksiyasında nəzərdə tutulan xəbərdarlıq və ya cərimə inzibati tənbeh tədbirlərindən daha ağır tənbeh tədbirinin tətbiqi üçün əsasların olması qənaətinə gəldikdə, inzibati xəta haqqında protokolu baxılmaq üçün məhkəməyə göndərir. Beləliklə iş materiallarını araşdıraraq məhkəmə hesab edir ki, X2 tərəfindən Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanın törədilməsi iş materialları ilə tam sübuta yetirilir. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini, inzibati xəta törədən şəxsin təqsirinin dərəcəsini və əmlak vəziyyətini nəzərə alaraq hesab edir ki, X1 təqsirli bilindiyi Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş aşağı həddə cərimə edilməsi qanunauyğun və ədalətlidir. Azərbaycan Respublikası İnzibati Xətalar Məcəlləsinin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Həmin Məcəllənin 134.1.2-ci maddəsinə əsasən inzibati xəta haqqında iş üzrə qərardan verilən şikayətə dair, Azərbaycan Respublikasının İXM-nin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında qərar çıxarılır. Azərbaycan Respublikasının İnzibati Xətalar Məcəlləsinin 135.1.5-ci maddəsinə əsasən tətbiq edilmiş tənbehin bu Məcəllənin 31–34-cü maddələrinin tələblərinə uyğun olmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Beləliklə məhkəmə işin araşdırılmış hallarına məcmu halında qiymət verərək hesab edir ki, şikayət qismən təmin edilməli, X1 barəsində Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən qəbul edilmiş xx.xx.2023-cü il tarixli, MN ******* nömrəli inzibati tənbeh vermə haqqında qərarı dəyişdirilməli və X2 Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanı törətdiyinə görə 1000 (min) manat məbləğində inzibati cərimə edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 133-137-ci maddələrini rəhbər tutaraq, məhkəmə q ə r a r a a l d ı: Şikayət qismən təmin edilsin. Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən qəbul edilmiş xx.xx.2023-cü il tarixli, MN ******* nömrəli inzibati tənbeh vermə haqqında qərar dəyişdirilsin. X2 Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanı törətdiyinə görə 1000 (min) manat məbləğində inzibati cərimə edilsin. Qərardan rəsmi qaydada verildiyi gündən 10 gün müddətində Şamaxı rayon Məhkəməsi vasitəsilə və ya bilavasitə Sumqayıt Apelyasiya Məhkəməsinə şikayət və ya protest verilə bilər. Hakim: Natiq İsmayılov