Şamaxı Rayon Məhkəməsi Qərar — İş №3(074)-422/2021

Azərbaycan Respublikası adından QƏRAR Şamaxı rayonu İş № 3(074)-422/2021 28.12.2021 ŞAMAXI RAYON MƏHKƏMƏSİ Şamaxı rayon Məhkəməsinin hakimi İsmayılov Natiq Əvəz oğlunun sədrliyi, Babayeva Günel Pərvin qızının katibliyi, İnzibati xəta haqqında protokolu tərtib etmiş şəxs Şamaxı rayon Polis Şöbəsinin İTBnin sahə rəisi X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1971-ci ildə Şamaxı şəhərində anadan olmuş, Azərbaycan Respublikası vətəndaşı, orta təhsilli, evli, Şamaxı rayonu, Şəhriyar qəsəbəsində qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 442-ci maddəsində nəzərdə tutulmuş inzibati xətanı törətməsinə dair Şamaxı rayon Polis Şöbəsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 442-ci maddəsində nəzərdə tutulmuş inzibati xətanı törətməsi ilə bağlı Şamaxı rayon Polis Şöbəsində tərtib olunmuş 28.12.2021-ci il tarixli, MN № ******* saylı inzibati xəta haqqında protokol baxılması üçün Şamaxı Rayon Məhkəməsinə göndərilmişdir. Məhkəmə iclasında inzibati xəta haqqında protokolu tərtib etmiş şəxs Şamaxı rayon Polis Şöbəsinin İTB-nin sahə rəisi X3 izahatında göstərdi ki, 27.12.2021-ci il tarixdə təxminən 17:00 radələrində polis əməkdaşları yeni il bayramı ilə əlaqədar marketlərdə keçirdikləri reyd zamanı Şamaxı rayonu, Şəhriyar qəsəbəsində yerləşən “Mini Market” adlı ərzaq mağazasında Şəxs tərəfindən protexniki vasitələrin satılmasını aşkar etmişlər. Buna görə də, Şəxs barəsində Azərbaycan Respublikası İnzibati Xətalar Məcəlləsinin 442-ci maddəsi ilə inzibati xəta haqqında protokol tərtib edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat verib bildirdi ki, 28.12.2021-ci il tarixdə Şamaxı rayon Polis Şöbəsinin əməkdaşları Şamaxı rayonu, Şəhriyar qəsəbəsində işlətdiyi “Mini Market” adlı ərzaq mağazasına gələrək protexniki malların satışının qadağan olunduğunu ona izah etmişlər və malları götürmüşlər. İnzibati xəta törədən həmçinin satdığı malların satışının qadağan olunduğunu bilmədiyini və əməlindən peşman olduğunu bildirdi. Məhkəmədən yüngül inzibati tənbeh tətbiq edilməsini xahiş edir. Məhkəmə iclasında şahid qismində dindirilmiş Şamaxı RPŞ-nin PPXB-nin bölük komandirinin müavini X4 izahat verib bildirdi ki, 27.12.2021-ci il tarixdə təxminən 17:00 radələrində Şamaxı RPŞ-nin PPXB-nin polis serjantı Fərman Tapdıqovla xidmətdə olan zaman yeni il bayramı ilə əlaqədar marketlərdə keçirdikləri reyd zamanı Şamaxı rayonu, Şəhriyar qəsəbəsində yerləşən “Mini Market” adlı ərzaq mağazasında protexniki vasitələrin satılmasını aşkar etmişlər, daha sonra adı onlara məlum olan Şəxs barəsində tədbir görülməsi üçün Şamaxı RPŞ-nə dəvət etmişlər. Məhkəmə iclasında şahid qismində dindirilmiş Şamaxı RPŞ-nin PPXB-nin polis serjantı X2 şahid X6 ilə eyni məzmunlu izahat verdi. İş materiallarında olan 27.12.2021-ci il tarixli raportdan görünür ki, 27.12.2021-ci il tarixdə təxminən 17:00 radələrində Şamaxı RPŞ-nin PPXB-nin bölük komandirinin müavini X4 ilə Şamaxı RPŞ-nin PPXB-nin polis serjantı X5 rayonu, Şəhriyar qəsəbəsində xidmətdə olan zaman “Mini Market” adlı ərzaq mağazasında protexniki vasitələrin satışı olduğunu aşkar etmişlər. Mağazanın sahibi Şəxs polis əməkdaşları özlərini təqdim etdikdən sonra ona protexniki vasitələrin satışının qadağan olduğunu izah edərək RPŞ dəvət etmişlər. İş materiallarında olan 27.12.2021-ci il tarixli götürmə protokolundan görünür ki, iş üzrə maddi sübut olan 4 paçka protexniki məmulat, 25 paçka tezalışan maddə və 3 paçka yüksək səs yayıcı qabiliyyətinə malik olan partlayıcı vasitə götürülmüşdür. Məhkəmə, inzibati xəta haqqında tərtib edilmiş protokolu və ona əlavə edilmiş sənədləri tədqiq edib, proses iştirakçılarının izahatlarını dinləyərək hesab edir ki, toplanmış sübutlarla Şəxs Azərbaycan Respublikası İnzibati Xətalar Məcəlləsinin 442-ci maddəsində nəzərdə tutulan inzibati xətanı törətməkdə təqsiri tam sübuta yetirilir. Azərbaycan Respublikası İnzibati Xətalar Məcəlləsinin 442-ci maddəsinə əsasən istehsalı və ya satılması qadağan olunmuş malların istehsalına və ya satılmasına, yaxud qadağan olunmuş işlərin (xidmətlərin) yerinə yetirilməsinə (göstərilməsinə) görə -inzibati xətanın bilavasitə obyekti olmuş mallar müsadirə edilməklə, fiziki şəxslər üç yüz əlli manatdan beş yüz manatadək məbləğdə, vəzifəli şəxslər min altı yüz əlli manatdan iki min iki yüz manatadək məbləğdə, hüquqi şəxslər dörd min manatdan beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlindən peşman olmasını məsuiyyətini yüngülləşdirən hal kimi nəzərə alır. Məhkəmə iş üzrə toplanmış sübutları qiymətləndirərək belə qənaətə gəlir ki, Şəxs tərəfindən İXM-nin 442-ci maddəsində nəzərdə tutulmuş inzibati xətanın törədilməsi, özünün məhkəməyə verdiyi izahat, inzibati xəta haqqında protokol və işin araşdırılmış digər halları ilə tam sübuta yetirilir. Onun inzibati məsuliyyətini istisna edən və icraatı rədd edən hallar yoxdur. Beləliklə, məhkəmə Şəxs inzibati tənbeh tətbiq edərkən törədilmiş inzibati xətanın xarakterini, inzibati xətanı törətmiş şəxsin şəxsiyyətini, təqsirinin dərəcəsini, əmlak vəziyyətini, məsuliyyətini yüngülləşdirən hal kimi əməlindən peşman olmasını və ağırlaşdıran halların müəyyən olunmamasını nəzərə alıb, hesab edir ki, Şəxs barəsində Azərbaycan Respublikası İnzibati Xətalar Məcəlləsinin 442-ci maddəsinin sanksiyasında nəzərdə tutulmuş inzibati xətanın obyekti olmuş mallar müsadirə edilməklə, cərimə növündə cəza təyin olunmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 43, 114, 115, 129 və 130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 442-ci maddəsində nəzərdə tutulmuş inzibati xətanı törətməkdə təqsirli bilinərək, inzibati xətanın obyekti olmuş mallar müsadirə edilməklə 350 (üç yüz əlli) manat məbləğində cərimə edilsin. Qərardan rəsmi qaydada verildiyi gündən 10 gün müddətində Şamaxı rayon Məhkəməsi vasitəsilə və ya birbaşa Sumqayıt Apelyasiya Məhkəməsinə şikayət və ya protest verilə bilər. Sədrlik edən Natiq İsmayılov