Şəki Rayon Məhkəməsi Qərardad — İş №3(075)-1002/2024

Azərbaycan Respublikası adından QƏRARDAD Şəki şəhəri İş № 3(075)-1002/2024 14.10.2024 ŞƏKİ RAYON MƏHKƏMƏSİ Hakim Musayev Kamran İbrahim oğlunun sədrliyi, Nəsirova Sayalı Elşad qızının katibliyi, X1 iştirakı ilə, X2 Şəki rayonu YPX inspektoru, polis serjantı X4 barəsində çıxardığı 18 sentyabr 2024-cü il tarixli TP ******* saylı inzibati tənbeh vermə haqqında qərardan verdiyi şikayətə açıq məhkəmə iclasında baxaraq, məhkəmə müəyyən etdi: X3 məhkəməyə şikayətlə müraciət edərək, barəsində qanunsuz olaraq tərtib edilmiş xx.xx.2024-cü il tarixli, TP ******* nömrəli inzibati tənbeh vermə haqqında qərarın ləğv edlməsi və cərimələr əsasında yaranmış ballara gör sürücülük hüququ üzrə olan məhdudiyyətin aradan qaldırılması barədə qərar qəbul edilməsini xahiş etmişdir. İş üzrə məhkəmə baxışı iclası xx.xx.2024-cü il tarixdə keçirilmiş, növbəti məhkəmə baxışı iclası bu günə, yəni xx.xx.2024-cü il tarixə, saat 15:20-ə təyin edilmişdir. Məhkəmə iclasında ərizəçi X3 məhkəməyə ərizə təqdim edərək şikayət ərizəsinin geri qaytarılmasını xahiş etdi. İnzibati xəta haqqında protokol tərtib edən Şəki rayonu DYP-nə məlumat verilməsinə baxmayaraq məhkəmə iclasında nümayəndəsinin iştirakını təmin etməmişdir. Məhkəmə İnzibati xəta haqqında protokol tərtib edən Şəki rayonu DYP-nin iştirakı olmadan işə baxılmasını mümkün hesab etmişdir. Məhkəmə, X3 tərəfindən hazırkı şikayətin baxılmadan geri qaytarılması barədə vəsatətini nəzərə alaraq hesab edir ki, bu vəsatət təmin edilməli və şikayət ona əlavə edilmiş sənədlərlə birlikdə şikayətçiyə geri qaytarılmalıdır. Azərbaycan Respublikası İnzibati Xətalar Məcəlləsinin 52.1-ci maddəsinə görə inzibati xətalar haqqında işlər üzrə icraatda iştirak edən şəxslər icraatında həmin işlər olan hakimə, səlahiyyətli orqana (vəzifəli şəxsə) baxılması məcburi sayılan vəsatət vermək hüququna malikdirlər. Yuxarırda qeyd edilənlərə əsasən və Azərbaycan Respublikası İnzibati Xətalar Məcəlləsinin 52 və 132-ci maddələrini rəhbər tutaraq məhkəmə qərara aldı: X3 barəsində tərtib edilmiş 18 sentyabr 2024-cü il tarixli TP ******* saylı saylı inzibati tənbeh vermə haqqında qərardan verdiyi şikayət geri qaytarılsın. Hakim: Kamran Musayev