Şəki Rayon Məhkəməsi Qərar — İş №3(075)-361/2024

Azərbaycan Respublikası adından QƏRAR Şəki şəhəri İş № 3(075)-361/2024 17.05.2024 ŞƏKİ RAYON MƏHKƏMƏSİ Hakim Musayev Kamran İbrahim oğlunun sədrliyi, Həmidov Məhəmməd Müşviq oğlunun katibliyi, İnzibati xəta haqqında protokol tərtib edən şəxs Şəki rayonu üzrə İcra və Probasiya Şöbəsinin icra məmuru İİİ dərəcəli ədliyyə qulluqçusu X2, Barəsində inzibati xəta haqqında iş üzrə icraat aparılan şəxs Şəxs, onun müdafiəçisi Şəki Regional Vəkil Bürosunun vəkili X5 iştirakları ilə, xx xxxx 1977-ci il tarixdə Şəki, Baş Göynük kəndində anadan olmuş, Azərbaycan Respublikasının vətəndaşı, FİN xxxxxxx olan, orta təhsilli, evli, işləməyən, əlilliyi olmayan, ünvan 1 ünvanında qeydiyyatda olmaqla, Bakı şəhəri, Buzovna qəsəbəsində yaşayan, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında protokola əsasən Şəki rayonu üzrə İcra və Probasiya Şöbəsindən daxil olmuş inzibati xətaya dair işə açıq məhkəmə iclasında baxaraq, məhkəmə müəyyən etdi: Şəxs Azərbaycan Respublikası İXM-in 528.1-ci maddəsində nəzərdə tutulmuş inzibati xətanı törətməsi ilə bağlı Şəki rayonu üzrə İcra və Probasiya Şöbəsində tərtib edilmiş inzibati xəta haqqında protokol və ona əlavə edilmiş sənədlər 17 may 2024-cü il tarixdə baxılması üçün Şəki Rayon Məhkəməsinə göndərilmişdir. İnzibati xəta haqqında protokol tərtib edən şəxs Şəki rayonu üzrə İcra və Probasiya Şöbəsinin icra məmuru X6 məhkəmə iclasında verdiyi izahatında göstərdi ki, Şəki Rayon Məhkəməsinin e-2(075)-633/2023 saylı, xx.xx.2023-cü il tarixli icra sənədinə əsasən Şəxs X3 xeyrinə 1243 manat pul vəsaiti ödənilməlidir. Şəki Rayon Məhkəməsinin e-2(075)- 302/2022 saylı, xx.xx.2022-ci il tarixli icra sənədinə əsasən 1000 manat əsas, 254,96 manat faiz, 8,36 manat cərimə borcu olmaqla, cəmi 1263,32 manat məbləğində pul vəsaiti və iş üzrə ödənilmiş 30,04 manat dövlət rüsumu Şəxs tutularaq "xxxx" KB ASC-yə ödənilməlidir. Şəki Rayon Məhkəməsinin e-2(075)-719/2022 saylı xx.xx.2022-ci il tarixli icra sənədinə əsasən 300 manat əsas borc, 92,49 manat faiz borcu və 5,41 manat cərimə borcu və 6 manat komisyon haqqı olmaqla, cəmi 403,90 manat borc və 30,40 manat dövlət rüsumu borclu Şəxs tutularaq "xxxx" KB ASC-nin hesabına ödənilməlidir. Şəki Kommersiya Məhkəməsinin e-2-2(117)-689/2022 saylı, xx.xx.2022 il tarixli icra sənədinə əsasən Şəxs 100 manat dövlət rüsumu dövlət nəfinə ödənilməlidir. Şəki regional “ASAN xidmət” mərkəzində notariat ofisinin 81-1865 saylı, xx.xx.2023-cü il tarixli icra sənədinə əsasən Şəxs 353 manat məbləğində pul vəsaiti tutularaq tələbkar "xxxx" MMC-nin xeyrinə ödənilməlidir. Şəki Rayon Məhkəməsinin e-2(075)-467/2022-004 saylı, xx.xx.2022-ci il tarixli icra sənədinə əsasən borclu Şəxs 2190.9 manat məbləğində pul vəsaiti və 42 manat dövlət rüsumu tutularaq tələbkar "xxxx" MMC-nin xeyrinə ödənilməlidir. Bakı şəhəri 54 saylı Notariat Kontorunun 8İ-25240 saylı, xx.xx.2024-cü il tarixli icra sənədinə əsasən borclu X1 cəmi 135 manat məbləğində pul vəsaiti tutularaq tələbkar Bank Olmayan Kredit Təşkilatı "xxxx" MMC-nin xeymə ödənilməlidir. Hal-hazırkı tarixədək icra sənədləri üzrə borclu X4 icra sənədləri üzrə ödənilməli olan borcdan heç bir ödəniş etməmişdir və Şəki Rayon Məhkəməsinin e-2(075)-633/2023 saylı, xx.xx.2023-cü il tarixli icra sənədi üzrə 1243 manat, Şəki Rayon Məhkəməsinin e-2(075)-302/2022 saylı, xx.xx.2022-ci il tarixli icra sənədi üzrə 1293.36 manat, Şəki Rayon Məhkəməsinin e-2(075)-719/2022 saylı, xx.xx.2022-ci il tarixli icra sənədi üzrə 434.30 manat, Şəki Rayon Məhkəməsinin e-2(075)- 719/2022 saylı xx.xx.2022-ci il tarixli icra sənədi üzrə 100 manat, Şəki regional “ASAN xidmət” mərkəzində notariat ofisinin 8i-1865 saylı, xx.xx.2023-cü il tarixli icra sənədi üzrə 353 manat, Şəki Rayon Məhloməsinin e-2(075)-467/2022-004 saylı, xx.xx.2022-ci il tarixli icra sənədi üzrə 2232.90 manat, Bakı şəhəri 54 saylı Notariat Kontorunun 8İ-25240 saylı, xx.xx.2024-cü il tarixli icra sənədi üzrə 135 manat olmaqla, cəmi 5791,56 manat məbləğində borcu mövcuddur. Qeyd olunan icra sənədləri üzrə müvafiq olaraq xx.xx.2023cü il tarixli, xx.xx.2022-ci il tarixli, xx.xx.2022-ci il tarixli, xx.xx.2022-ci il tarixli, xx.xx.2022-ci il tarixli, xx.xx.2022-ci il tarixli və xx.xx.2024-cü il tarixli icraata başlamaq haqqında qərar qəbul edilərək tələbin könüllü icrası üçün borclu Şəxs 10 gün müddətində vaxt verilmiş, həmin müddət ərzində icra sənədləri üzrə tələb borclu tərəfindən icra edilmədiyi üçün Şəxs dəfələrlə xəbərdarlıqlar edilmişdir. Lakin icra sənədləri üzrə tələbin icrası təmin edilməmişdir. Borclu Şəxs olduğu yeri müəyyən etmək mümkün olmadığı üçün xx.xx.2023cü il tarixində borclunun axtarılması barədə qərar qəbul edilərək icra edilməsi üçün Şəki şəhər-rayon Polis Şöbəsinə göndərilmişdir. xx.xx.2024-cü il tarixində polis əməkdaşları tərəfindən məcburi qaydada Şəki rayonu üzrə İcra və Probasiya Şöbəsinə gətirilən borclu Şəxs verdiyi izahatında hal-hazırda borc məbləğini ödəyə bilməyəcəyini bildirmişdir. Göstərilənlərə əsasən borclu Şəxs icra sənədi üzrə ödənilməli borc məbləğlərini qanunla müəyyən edilmiş müddətdə qanunla müəyyən edilmiş əsaslar olmadan ödəmədiyindən Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xəta törətmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək bildirdi ki, o, pandemiya dövrünə kimi işləmiş, icra sənədində göstərilən borclarından müəyyən məbləğlərdə ödəniş etmişdir. Lakin pandimeya ilə əlaqədar işləri dayanmış, heç yerdə işləmədiyi üçün borclarından ödəniş edə bilməmişdir. Ödənişləri məhkəmə qərarlarına qədər etmişdir. Bildirmişdir ki, ailəlidir, himayəsində 5 və 7 yaşlı iki övladı vardır. Əməlindən peşmandır. İş üzrə icraata xitam verilməsini xahiş etdi. X8 Vəkil Bürosunun vəkili X9 barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsinin tərkibi olmadığından iş üzrə icraata xitam verilməsini məhkəmədən xahiş etdi. Barəsində inzibati xəta haqqında iş üzrə icraat aparılan şəxs Şəxs qeyd olunan hərəkətləri özünün, icra məmurunun izahatları və Şəki rayonu üzrə İcra və Probasiya Şöbəsindən daxil olmuş material və digər sənədlərlə təsdiq olundu. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə iclasında tədqiq edilmiş inzibati xəta haqqında protokol, icra məmurunun, zərərçəkmiş şəxsin və barəsində inzibati xəta haqqında icraat aparılan şəxsin izahatları, habelə inzibati materialda olan digər sənədlərlə sübuta yetirilmişdir ki, Şəxs icra sənədlərinin icrası ilə bağlı icra məmurunun qanuni tələblərini üzrsüz səbəbdən yerinə yetirməyərək, icra məmuru tərəfindən müəyyən olunmuş müddətdə icra sənədlərinin icrasını təmin etməmişdir. Hal-hazıradək edilmiş xəbərdarlıqlara baxmayaraq, onun tərəfindən yaranmış borcun ödənilməsinə laqeydlik göstərilmiş və icra sənədlərinin icrasına səhlənkar yanaşılmışdır. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin məcəllənin 31.4-cü maddəsinə əsasən, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Şəxs və icra məmurunun izahatları nəticəsində aydın oldu ki, Şəxs 17 may 2024-cü il tarixdə, saat 11:00-da Şəki rayonu üzrə İcra və Probasiya şöbəsinin inzibati binasına gətirilmiş və bundan sonra icra məmuru tərəfindən müəyyən prosessual hərəkətlər həyata keçirilərək, saat 17:00-da məhkəməyə aparılmışdır. Bu baxımdan məhkəmə hesab edir ki, Şəxs sərbəst hərəkət etmək imkanı 17 may 2024-cü il tarixdən, saat 11:00-dan məhdudlaşdırıldığından, Şəxs həbsə alınmasının əvvəli onun sərbəst hərəkət etmək imkanının məhdudlaşdırıldığı vaxtdan, yəni 17 may 2024-cü il tarixdən, saat 11:00-dan hesablanmalıdır. Məhkəmə, törədilmiş inzibati xətanın xarakterini, inzibati xətanı törətmiş şəxsin şəxsiyyətini, ailə vəziyyətini, onun məsuliyyətini yüngülləşdirən və ağırlaşdıran halların müəyyən edilməməsini, ödənilməmiş borcunun məbləğini, məhkəmə qətnaməsi qüvvəyə mindiyi tarixdən bu günə qədər hər hansı ödəniş etməməsini nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və İXM-nin 31.4-cü maddəsi nəzərə alınmaqla barəsində inzibati həbs tənbeh növü tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 08 (səkkiz) gün müddətinə inzibati həbs edilsin. Həbs etmənin əvvəli 17 may 2024-cü il tarixdən, saat 11:00-dan hesablansın. Qərarın icrası Şəki Şəhər-Rayon Polis Şöbəsinə həvalə olunsun. Qərardan surəti təqdim edildiyi və ya alındığı gündən 10 (on) gün müddətində Şəki Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət verilə bilər. Hakim: Kamran Musayev