Şəki Rayon Məhkəməsi Qərar — İş №3(075)-459/2025

Azərbaycan Respublikası adından QƏRAR Şəki şəhəri İş № 3(075)-459/2025 29.07.2025 ŞƏKİ RAYON MƏHKƏMƏSİ Hakim Məmmədova Pərvanə Əziz qızının sədrliyi, X1 oğlunun katibliyi ilə, xx.xx.1991-ci il tarixdə Şəki rayonu, Baş Küngüt kəndində anadan olmuş, FİN: xxxxxxx Azərbaycan Respublikasının vətəndaşı, orta təhsilli, subay, işləməyən, Şəki rayonu, Baş Küngüt kəndində qeydiyyatda olmaqla, həmin ünvanda yaşayan Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsi ilə Şəki Şəhər-Rayon Polis Şöbəsindən daxil olmuş inzibati xətaya dair işə açıq məhkəmə iclasında baxaraq, məhkəmə müəyyən etdi: xx.xx.2025-ci il tarixli MN ******* nömrəli protokolda göstərilmişdir ki, Şəxs sənədsiz qanunsuz mülki ov silahını qanunsuz olaraq saxlamaqla inzibati qaydanı pozmuşdur. Qeyd edilən material üzrə Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsi ilə inzibati xəta haqqında protokol tərtib edilərək baxılması üçün Şəki ŞRPŞ-dən Şəki Rayon Məhkəməsinə göndərilmişdir. İnzibati xəta haqqında protokol tərtib edən Şəki ŞRPŞ və barəsində inzibati xəta haqqında icraat aparılan şəxs Şəxs məhkəmə iclasının vaxtı və yeri barədə məlumatlandırılmalarına baxmayaraq, məhkəmə iclasında iştirak etməmişlər. Məhkəmə onların iştirakı olmadan işə baxılmasını mümkün hesab etmişdir. Barəsində inzibati xəta haqqında icraat aparılan şəxs Şəxs Şəki ŞRPŞ-nə verdiyi izahatından görünür ki, əmisi vəfat edəndən sonra ona 01 ədəd ov tüfəngi qaldığını, onu yadigar kimi saxladığını, lakin həmin ov tüfənginin sənədlərinin olmadığını, özünün də ov tüfəngini sənədləşdirmədiyini, xx.xx.2025-ci il tarixdə kənddə olan zaman bir nəfər şəxsin ona yaxınlaşdığını, özünü təqdim etdiyini və onun polis əməkdaşı olduğunu başa düşdüyünü bildirmişdir. Evdə qanunsuz silah saxlayıb-saxlamadığını soruşduğunu, onu evdə atasından qalma İJ markalı, 28 kalibrli, И 87259 nömrəli, təklülə ov tüfəngi olduğunu etiraf etdiyini qeyd etmişdir. Birlikdə evə getdiklərini və qeyd etdiyi polis əməkdaşına təhvil verdiyini qeyd etmişdir. İş materiallarına əlavə edilmiş xx.xx.2025-ci il tarixli “cinayət işinin başlanmasının rədd edilməsi haqqında” qərardan görünür ki, HK-1/592 nömrəli material üzrə cinayət işinin başlanmasının rədd edilməsi, Şəxs əməlinə görə inzibati məsuliyyətə cəlb olunması üçün qəbul edilmiş qərarın surəti şöbənin aidiyyatı xidmət sahəsinə göndərilməsi, Şəxs özündə saxladığı 01 ədəd zavod üsulu ilə hazırlanmış, 28 kalibrli, patronluğunun uzunluğu 70 mm olan “İJ” modelli, И 87259 nömrəli, xarici çaxmaqlı, təklülə tügəng, yivsiz odlu ov silahı DİN-in X2 Baş İdarəsinə göndərilməsi üçün şöbənin aidiyyatı xidmət sahəsinə təhvil verilməsi onun əməlində Azərbaycan Respublikası İXM-in 590.2-ci maddəsinin tərkib əlamətləri olduğundan inzibati məsuliyyət tədbirlərinin həyata keçirilməsi üçün qəbul edilmiş qərarın surətinin şöbənin aidiyyəti xidmət sahəsinə göndərilməsi qərara alınmışdır. Azərbaycan Repsublikası Ədliyyə Nazirliyi Məhkəmə Ekspertizası X3 Bölməsinin 17/276 nömrəli, 09 aprel 2025-ci il tarixli ekspert rəyinin nəticəsindən görünür ki, tədqiqata təqdim edilmiş 1 (bir) ədəd silah zavod üsulu ilə istehsal edilmiş, “ИЖ” modelli, 01 ədəd 28 kalibrli, patronluğunun uzunluğu 70 mm olan, И 87259 nömrəli, xarici çaxmaqlı təklüləli yivsiz odlu ov tüfəngidir, saz vəziyyətdədir. MEM-in Şəki regional bölməsində müvafiq texniki şərait (tir) olmadığından ekspert qarşısında qoyulmuş “silahın atəşə yararlı olubolmaması müəyyən edilsin” sualını cavablandırmaq mümkün olmadı. Azərbaycan Respublikası İnzibati Xətalar Məcəlləsinin 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Beləliklə, Şəxs qeyd olunan hərəkətləri Şəki şəhər-rayon Polis Şöbəsindən daxil olmuş material və digər sənədlərlə təsdiq olundu. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hal müəyyən edilmədi. Məhkəmə yuxarıda sadalanan qanunvericliyin maddələrinə əsaslanaraq, Şəxs Azərbaycan Respublikası İXM-in 590.2-ci maddəsi ilə nəzərdə tutulmuş inzibati xətanı törətməsini, onun şəxsiyyətini, törətmiş olduğu xətanın xarakterini, inzibati tənbehin məqsədlərinə nail olmasını nəzərə alaraq ona maddənin sanksiyasında nəzərdə tutulmuş inzibati cərimə tətbiq etməyi və silahın müsadirə edilməsini qanuni, əsaslı və ədalətli hesab edir. Yuxarıda göstərilənlərə əsasən və Azərbaycan Respublikası İXM-in 40, 43, 48-51, 53, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İXM-in 590.2-ci maddəsi ilə təqsirli bilinib 80 (səksən) manat məbləğində inzibati cərimə edilsin. İş üzrə Şəki Şəhər-Rayon Polis Şöbəsində saxlanılan 01 ədəd 28 kalibrli, “ИЖ” modelli, patronluğunun uzunluğu 70 mm olan, И 87259 nömrəli, xarici çaxmaqlı, təklüləli yivsiz odlu ov tüfəngi dövlət nəfinə müsadirə edilsin. Qərardan rəsmi qaydada verildiyi gündən gündən 10 (on) gün müddətində Şəki Rayon Məhkəməsi vasitəsi ilə və ya birbaşa Şəki Apellyasiya Məhkəməsinə şikayət verilə bilər. Hakim: Pərvanə Məmmədova