Şəki Rayon Məhkəməsi Qərar — İş №3(075)-485/2023

Azərbaycan Respublikası adından QƏRAR Şəki şəhəri İş № 3(075)-485/2023 19.05.2023 ŞƏKİ RAYON MƏHKƏMƏSİ Hakim Hacıyev Pərviz Vaqif oğlunun sədrliyi, Həmidov Məhəmməd Müşviq oğlunun katibliyi, Şəki ŞRPŞ-nin İTB-nin polis sahə rəisi, polis baş leytenantı X16 oğlunun, Barəsində inzibati xəta haqqında iş üzrə icraat aparılan şəxs Şəxs və onun müdafiəçisi Vəkil iştirakı ilə, 18 sentyabr 1989-cu il tarixdə Rusiya Federasiyasında anadan olmuş, Rusiya Federasiyasının vətəndaşı, əlilliyi olmayan, orta təhsilli, ailəli, işləməyən, Zaqatalı rayonu, Muğanlı kəndində müvəqqəti qeydiyyatda olmaqla yaşayan, Şəxs haqqında Azərbaycan Respublikası İnzibati Xətalar Məcəlləsinin 510 və 535.1ci maddələri ilə Şəki ŞRPŞ-dən daxil olmuş inzibati xətaya dair işə açıq məhkəmə iclasında baxaraq, məhkəmə Müəyyən etdi: Şəki ŞRPŞ-nin İTB-nin polis sahə rəisi, polis baş leytenantı X7 tərəfindən tərtib edilmiş 18 may 2023-cü il tarixli, MN ******* saylı inzibati xəta haqqında protokolda göstərilmişdir ki, Şəxs 18 may 2023-ci il tarixdə Şəki şəhəri, H.Əliyev prospektində yerləşən Əmlak Komitəsinin qarşısında ucadan nalayiq ifadələr işlədərək polis əməkdaşılarının qanuni tələblərinə qəsdən tabe olmamış və beləliklə də o, Azərbaycan Respublikası İXM-nin 510 və 535.1-ci maddələrində nəzərdə tutulan inzibati xətanı törətmişdir. Şəki ŞRPŞ-nin, polis sahə rəisi, polis baş leytenantı X7 məhkəmə iclasında verdiyi izahatında göstərmişdir ki, 18 may 2023-cü il tarixdə Şəki ŞRPŞ-nin PPXB-nin polis nəfəri polis kiçik serjantı Fərid Fəhradlı və Şəki ŞRPŞ-nin PPXB-nin polis nəfəri, polis serjantı Qədir Xəlilov birlikdə xidmətdə olduqları zaman onlara Şəki şəhəri, H.Əliyev prospektində yerləşən DƏDRX-nin 12 saylı Şəki ərazi İdarəsinin qarşısında keçirilən tədbirlə əlaqədar ictimai asayişi təmin etməkləri bidirilmişdir. Polis əməkdaşları həmin ünvana yaxınlaşan zaman ucadan səs-küy gəldiyini eşitmiş, dərhal həmin şəxsə yaxınlaşaraq özlərini təqdim etmişlər. Bu zaman iki nəfər şəxsin qazi və şəhid ailələrinin ünvanına qarşı nalayiq ifadələr işlətəməsini eşitmişlər. Polis əməkdaşları həmin şəxslərə nalayiq ifadələr işlətməməklərini, ictimai qaydalara, riayət etmələrini bildirib, nizam-iltizama dəvət etsələr də, həmin şəxslər öz əməllərini davam etdirərək polis əməkdaşlarına qarşı nalayiq ifadələr işlətmiş, polis əməkdaşlarının qanuni tələblərinə qəsdən tabe olmayaraq öz hərəkətlərini daha da aqresiv şəkildə davam etdirərək nümayəşkiranə şəkildə ətrafdakı şəxslərin diqqətini öz üzərilərinə çəkəməyə davam etmişlər. Polis əməkdaşları dərhal Şəki ŞRPŞ-nin Növbətçi Hissəsinə məlumat verərək həmin yerə avtopatrul dəvət etmişlər. Həmin şəxslər polis əməkdaşları tərəfindən polis şöbəsinə gətirilmişdir. Şəki ŞRPŞ-də həmin şəxslərin Zaqatala rayon sakini X1 və Zaqatala rayonunda yaşayan Şəxs olması müəyyən olundu. Protokolu müdafiə edir. Qanuna müvafiq qərar çıxarılmasını məhkəmədən xahiş etmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək göstərmişdir ki, o, 18 may 2023-cü il tarixdə dostu Şahinlə birlikdə ƏMDK yanında DƏDRX-nin 12 saylı Şəki ərazi idarəsinə torpaq müsabiqəsində iştirak etmək üçün getmişlər. Həmin binanın qarşısına çatan kimi tanımadığı bir qrup şəxs ona yaxınlaşmış, onu təhqir etməyə başlamışlar. O, nə baş verdiyi anlamağa çalışanda həmin şəxslər onu vurmuş, onun ünvanına nalayiq ifadələr işlətmiş, onu döymüşdülər. Sonradan adı ona məlum olan şəxs Məmmədov Paşa onu əsa ilə vurmaq istəmişdir. Digər şəxlər isə onu döymək istəmiş, təhqir etmişlər. Daha sonra əraziyə Şəki ŞRPŞ-nin PPXB-nin əməkdaşları yaxınlaşmış, onu qolundan tutaraq avtopatrula mindirmişdirlər. Bundan sonra onlar polis əməkdaşları tərəfindən Şəki ŞRPŞ-nə aparılmışlar. Bildirmişdir ki, onu təhqir edib döyən şəxslər ƏMDK yanında DƏDRX-nin 12 saylı Şəki ərazi idarəsinin inzibati binasının içərisində olmuşdurlar. O, Şahinlə həmin binanın qarşısına çatan kimi həmin şəxslərlə aralarında münaqişə baş vermişdir. O, hadisə zaman şəhid və qazi ailələrinin ünvanına hər hansı nalayiq ifadə işlətməmişdir. Şahidlər ona qarşı böhtan atıllar. Bu onların ziddiyətli ifadələrindən də görünür. Şahidlər onun bir qadını təhqir etdiyini bildirsələr də, həmin qadının əyin paltarlarının, yaşını deyə bilmir. Əslində onun şikayətçi olmalı halda, o, şikayət etməmişdir. Baş verən hadisə nəticəsində o, müsabiqədə iştirak edə bilməmiş və dövlətin ona verdiyi hüququndan məhrum olmuşdur. Onun barəsində qanuni qərar qəbul edilməsini məhkəmədən xahiş etmişdir. Barəsində inzibati xəta haqqında iş üzrə icraat aparılan şəxs Şəxs müdafiəçisi Vəkil məhkəmə iclasında izahat verərək bildirmişdir ki, barəsində inzibati xəta haqqında iş üzrə icraat aparılan şəxsin əməlində İXM-nin 510 və 535.1-ci maddələrinin tərkib əlamətləri yoxdur. Barəsində inzibati xəta haqqında iş üzrə icraat aparılan şəxs Şəxs əməlində İXMnin 510 və 535.1-ci maddələrinin tərkib əlamətləri olmadığından iş üzrə icraata xitam verilməsini məhkəmədən xahiş etdi. Məhkəmə iclasında şahid qismində dindirilmiş Şəki ŞRPŞ-nin PPXB-nin polis nəfəri polis serjantı X9 ifadəsində göstərmişdir ki, 18 may 2023-cü il tarixdə Şəki ŞRPŞ-nin PPXB-nin polis nəfəri polis kiçik serjantı Fərid Fəhradlı ilə xidmətdə olduqları zaman onlara Şəki şəhəri, H.Əliyev prospektində yerləşən DƏDRX-nin 12 saylı Şəki ərazi İdarəsinin qarşısında keçirilən tədbirlə əlaqədar ictimai asayişi təmin etmələri bidirilmişdir. Onlar həmin ünvana yaxınlaşan zaman ucadan səs-küy gəldiyini eşitmiş, dərhal həmin şəxsə yaxınlaşaraq özlərini təqdim etmişlər. Onlar həmin şəxslərə nalayiq ifadələr işlətməməklərini, ictimai qaydalara, riayət etmələrini bildirib, nizam-iltizama dəvət etsələr də, həmin şəxslər öz əməllərini davam etdirərək “şərəfsiz və s.” kimi nalayiq ifadələr işlətmiş, polis əməkdaşlarının qanuni tələblərinə qəsdən tabe olmayaraq öz hərəkətlərini davam etdirərək nümayəşkiranə şəkildə ətrafdakı şəxslərin diqqətini öz üzərilərinə çəkəməyə davam etmişlər. Bundan sonra onlar dərhal Şəki ŞRPŞ-nin Növbətçi Hissəsinə məlumat verərək həmin yerə avtopatrul dəvət etmişlər. Şəxs onlarla polis şöbəsinə getməyəcəyini bildirmişdir. O, kiminsə Şəxs vurmasını görməmişdir. Şəxs da onları və orada olan digər şəxləri vurmasını görməmişdir. Bundan Elmir polis şöbəsinə gətirilmişdir. Şəki ŞRPŞ-də həmin şəxsin Zaqatala rayonunda yaşayan Şəxs olması müəyyən olundu. Məhkəmə iclasında şahid qismində dindirilən zaman Şəki ŞRPŞ-nin PPXB-nin polis nəfəri polis kiçik serjantı X6 şahid X9 ilə oxşar məzmunda ifadə vermişdir. Həmçinin izahatında bildirmişdir ki, həmin şəxslər ucadan ünvansız küçə söyüşləri söyürdülər. “Şərəfsiz” kimi ifadələr işlətmişdirlər. Onlar həmin şəxsləri nizam-iltizama dəvət edən zaman, həmin şəxslər aqresiv şəkildə tabesizlik göstərmişdir. Həmin vaxt Şəki ŞRPŞ-nin PPXB-nin polis nəfəri polis serjantı X9 ondan 3-4 metr məsafədə olmuşdur. Onlar həmin şəxsləri polis şöbəsinə dəvət edəndə Şəxs getməyəcəklərini bildirmişdir. O, həmin şəxsləri avtopatrulla polis şöbəsinə aparmaq üçün Şahinə yaxınlaşmış, Şəki ŞRPŞ-nin PPXB-nin polis nəfəri polis serjantı X9 isə Elmirə yaxınlaşmışdır. Bundan sonra həmin şəxsləri Şəki ŞRPŞ-nə aparmışlar. O, hadisə zamanı hansısa şəxsin Elmiri vurmasını və ya Elmirin kiminsə vurmasını görməmişdir. Məhkəmə iclasında şahid qismində dindirilmiş X5 ifadəsində göstərmişdir ki, 18 may 2023-cü il tarixdə saat 15:00 radələrində X4 sədri Mehman Yusifov və digər veteran əlillərlə birlikdə Şəki şəhəri H.Əliyev prospektində yerləşən evlər idarəsi adlanan yerdə tanımadığı iki nəfər şəxsin şəhid ailələrinin ünvanına “bizdən ötəri vuruşmayıblar ki” kimi ifadələr işlətdiyini eşitmişdir. O və vetran yoldaşları həmin şəxsləri sakitləşdirməyə və susdurmağa çalışmışlar. Bu zaman həmin iki nəfər şəxs onların da ünvanına nalayiq ifadələr işlətmişdir. Həmin şəxslər səs-küy salan zaman polis əməkdaşları həmin əraziyə yaxınlaşmışlar. Bundan sonra polis əməkdaşlarının gəlməsinə baxmayaraq həmin şəxlər polis əməkdaşlarının qanuni tələblərinə məhəl qoymayaraq öz hərəkətlərini davam etdirmişdilər. Daha sonra polis əməkdaşları həmin şəxləri Şəki ŞRPŞ-nə aparmışlar. Məhkəmə iclasında şahid qismində dindirilən zaman X8, X2, X3 və X10 şahid X5 ilə oxşar məzmunda ifadə vermişdir. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə-əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamasına görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Şəxs tərəfindən Azərbaycan Respublikası İnzibati Xətalar Məcəlləsinin 510 və 535.1ci maddələrində nəzərdə tutulan inzibati xətanın törədilməsi inzibati xəta haqqında protokolu tərtib etmiş şəxsin və şahidlərin izahatları ilə təsdiq edildi. Məhkəmə hesab edir ki, Şəxs ünvansız nalayiq ifadələr işlətməklə, polis əməkdaşlarının qanuni tələblərinə qəsdən tabe olmamış, səs-küy salmış, ətrafdakıların diqqətini özünə cəlb etmişdir. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Ona görə də Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası çərçivəsində tənbeh edilməlidir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 33.1.5-ci maddəsinə əsasən inzibati xətanın bir qrup şəxs tərəfindən törədilməsi məsuliyyəti ağırlaşdıran hal kimi nəzərə alınmalıdır. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən hal müəyyən edilmədi. Məhkəmə barəsində inzibati xəta haqqında iş üzrə icraat aparılan şəxs Şəxs şəxsiyyətini, əmlak vəziyyətini, digər halları nəzərə alaraq, ona Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulmuş inzibati həbs növündə inzibati tənbeh tədbirinin tətbiqini qanuni, əsaslı və ədalətli hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ : Şəxs Azərbaycan Respublikasının İXM-nin 510 və 535.1-ci maddələri ilə təqsirli bilinib Azərbaycan Respublikasının İXM-nin 535.1-ci maddəsinin sanksiyası çərçivəsində 15 (on beş) gün müddətinə inzibati həbs edilsin. Şəxs xx.xx.2023-cü il tarixdə saat 15:20-dən saat 13:00-dək tutulması nəzərə alınaraq, təyin edilmiş inzibati həbs müddətindən 01 (bir) gün çıxılsın və Şəxs üzərində 14 (on dörd) gün müddətinə inzibati həbs saxlanılsın. İnzibati həbsə alınmanın əvvəli 19 may 2023-cü il saat 15:00-dan hesab edilsin. Qərardan surəti rəsmi qaydada verildiyi gündən 10 (on) gün müddətində Azərbaycan Respublikası Şəki Apellyasiya Məhkəməsinə şikayət və ya protest verilə bilər. Sədrlik edən Pərviz Hacıyev