Şəki Rayon Məhkəməsi Qərardad — İş №3(075)-487/2022

Azərbaycan Respublikası adından QƏRARDAD Şəki şəhəri İş № 3(075)-487/2022 25.07.2022 ŞƏKİ RAYON MƏHKƏMƏSİ Hakim Hacıyev Pərviz Vaqif oğlunun sədrliyi ilə, xx xxxxxx 1979-cu il tarixdə Cəbrayıl rayonu Alıkeyxalı kəndində anadan olmuş, Azərbaycan Respublikası vətəndaşı, orta təhsilli, subay, il ərzində inzibati məsuliyyətə cəlb edilməmiş, Cəbrayıl rayonu Alıkeyxalı kəndində qeydiyyatda olmaqla Şəki rayonu İkinci Biləcik kəndində yaşayan, Şəxs haqqında Azərbaycan Respublikası İnzibati Xətalar Məcəlləsinin 528.1-ci maddəsi ilə Şəki rayonu üzrə İcra və Probasiya Şöbəsindən daxil olmuş inzibati xətaya dair işə açıq məhkəmə iclasında baxaraq, məhkəmə Müəyyən etdi: Şəki rayonu üzrə İcra və Probasiya Şöbəsinin icra məmuru X3 tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmişdir. İnzibati xəta barədə Protokolda göstərilir ki, Cəbrayıl Rayon Məhkəməsinin 2(072)- 035/2022 nömrəli, xx.xx.2022-ci il tarixli icra sənədinə əsasən borclu Şəxs xx.xx.2021-ci il tarixindən hesablanmaqla hər ay sabit pul məbləğində 175 manat məbləğində aliment alınaraq tələbkar X2 xeyrinə ödənilməlidir. Belə ki, Azərbaycan Respublikası İXM-nin 12.1-ci maddəsinə əsasən Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Məhkəmənin icraatına Şəki rayonu üzrə İcra və Probasiya Şöbəsindən daxil olmuş iş materiallarında olan Şəxs barəsində 25 iyul 2022-ci il tarixdə tərtib edilmiş inzibati xəta haqqında protokolda göstərilir ki, o Cəbrayıl Rayon Məhkəməsinin 2(072)-035/2022 nömrəli, xx.xx.2022-ci il tarixli icra sənədinin icrası üzrə icra məmurunun qanuni tələblərinə əməl etməkdən qərəzli şəkildə boyun qaçıraraq Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. İş materialında olan Cəbrayıl Rayon Məhkəməsinin 2(072)-035/2022 nömrəli, xx.xx.2022-ci il tarixli icra sənədinə əsasən borclu Şəxs xx.xx.2021-ci il tarixindən hesablanmaqla hər ay sabit pul məbləğində 175 manat məbləğində aliment alınaraq tələbkar X1 xeyrinə ödənilməlidir. Məhkəmə aşağıdakılara görə hesab edir ki, inzibati xəta üzrə iş onu vermiş orqana geri qaytarılmalıdır. Belə ki, iş materialına Şəxs adına banklarda və digər kredit təşkilatlarında pul vəsaiti və qızıl-zinyət əşyalarının olub-olmaması barədə "xxxx" ASC-nin Şəki filialına, "xxxx" QSCnin Şəki filialına, "xxxx" ASC-nin Şəki filialına sorğu verilsə də, digər banklar olan "xxxx" KB ASC-nə, "xxxx" ASC-nə, "xxxx" ASC-nə, “Azərbaycan Beynəlxalq Bankı”nın Şəki filialına, X5 Mərkəzinə, “Ləğv Prosesində olan "xxxx" ASC-nə və "xxxx" ASC-nin ləğvedicisi Əmanətlərin Sığortalanması Fonduna, həmçinin respublikada olan digər banklara və BOKT-na sorğu verilməmiş, bu barədə müvafiq cavablar alınaraq iş materialına əlavə edilməmişdir. Bundan başqa yaşadığı yer üzrə əmlakına baxış keçirilməmişdir. Göründüyü kimi, Şəki rayonu üzrə İcra və Probasiya Şöbəsindən baxılması üçün Şəki rayon Məhkəməsinə təqdim edilmiş materiallar natamamdır və işə baxılarkən onların tamamlanması qeyri-mümkündür. Məhkəmə hesab edir ki, Şəxs barəsində inzibati xəta haqqında iş İnzibati Xətalar Məcəlləsinin 109.1.6-cı maddəsi rəhbər tutularaq onu verən orqana geri qaytarılmalıdır. Qeyd edilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq, məhkəmə Qərara aldı: Şəxs barəsində tərtib olunmuş inzibati xəta haqqında iş Şəki rayonu üzrə İcra və Probasiya Şöbəsinə geri qaytarılsın. Hakim Pərviz Hacıyev