Şəki Rayon Məhkəməsi Qərardad — İş №3(075)-593/2023

Azərbaycan Respublikası adından QƏRARDAD Şəki şəhəri İş № 3(075)-593/2023 10.07.2023 ŞƏKİ RAYON MƏHKƏMƏSİ Mən, Şəki Rayon Məhkəməsinin hakimi Vəliyev Elşən Yaşar oğlu, Şəxs Azərbaycan Respublikası İnzibati Xətalar Məcəlləsinin 192.1-ci maddəsi ilə nəzərdə tutulan inzibati xətanı törətməsi haqqında Azərbaycan Respublikası Prokurorluğu Zərdab Rayon Prokurorluğundan daxil olmuş materialı nəzərdən keçirib müəyyən etdim: Şəxs Azərbaycan Respublikası İnzibati Xətalar Məcəlləsinin 192.1-ci maddəsi ilə nəzərdə tutulan inzibati xətanı törətməsi haqqında Azərbaycan Respublikası Prokurorluğu Zərdab Rayon Prokurorluğunun prokuroru ədliyyə müşaviri X1 tərəfindən qəbul edilmiş qərar aidiyyəti üzrə baxılması üçün Şəki Rayon Məhkəməsinə göndərilmişdir. Qərarda "iya-E»X2 "Məhdud Məsuliyyətli Cəmiyyəti tərəfindən Azərbaycan Respublikası İnzibati Xətalar Məcəlləsinin tələbləri pozulmaqla qeyri rəsmi olaraq əmək müqaviləsi olmadan müəllim işə cəlb etdiyi qeyd olunmuşdur. Azərbaycan Respublikası İnzibati Xətalar Məcəlləsinin 110.1-ci maddəsinə əsasən İnzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikası İnzibati Xətalar Məcəlləsinin 76.1 və 76.2-ci maddələrinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 100.1, 100.1.1-100.1.8-ci maddələrinə əsasən bu Məcəllənin 54cü maddəsi istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda protokolun tərtib edildiyi tarix və yer; protokolu tərtib etmiş şəxsin vəzifəsi, soyadı, adı, atasının adı; barəsində inzibati xəta haqqında iş üzrə icraat aparılan şəxs haqqında məlumat; inzibati xətanın törədildiyi yer, vaxt və bu xətanın mahiyyəti; inzibati xətaya görə məsuliyyət nəzərdə tutan bu Məcəllənin müvafiq maddəsi; şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; inzibati xəta haqqında iş üzrə icraat üçün zəruri olan başqa məlumatlar göstərilir. Həmin Məcəllənin 106.0, 106.0.3 və 106.0.5-ci maddələrinə əsasən hakim inzibati xətalar haqqında işlərə baxarkən digər məsələlərlə yanaşı inzibati xəta haqqında protokolun və işin digər materiallarının bu Məcəllənin tələblərinə müvafiq olaraq tərtib edilib-edilməməsi, mahiyyəti üzrə baxılması üçün işdə kifayət qədər sübutların toplanılıbtoplanılmaması məsələsini həll edir. İnzibati xəta haqqında işin baxılmağa hazırlanması zamanı inzibati xəta haqqında protokolun İnzibati Xətalar Məcəlləsinin 100.1.4-cü maddələrinin tələbinə cavab vermədiyi, protokolda inzibati xətanın törədildiyi yerin və vaxtın, eləcə də barəsində icraat aparılan hüquqi şəxsin ünvanının göstərilmədiyi müəyyən edilmişdir. İnzibati xətanın törədilmə vaxtı inzibati məsuliyyətə cəlb etmə müddətinin keçib keçməməsinin müəyyən edilməsi üçün zəruridir. İXM-in 38-ci maddəsi ilə nəzərdə tutulmuş inzibati məsuliyyətə cəlb etmə müddətlərinin keçməsi inzibati xəta haqqında iş üzrə icraata xitam verilməsi üçün əsasdır. Hakim inzibati xəta haqqında işin baxılmağa hazırlanması zamanı İXM-in 53-cü maddəsində nəzərdə tutulmuş əsasların (inzibati xəta haqqında iş üzrə icraata xitam verilməsi əsaslarının) olub-olmamasını araşdırmağa borcludur. İnzibati xətanın törədilmə vaxtı göstərilmədiyindən İXM-in 38-ci maddəsi ilə nəzərdə tutulmuş müddətlərin keçibkeçmədiyini müəyyən etmək və beləliklə də İXM-in 53-cü maddəsi ilə nəzərdə tutulmuş əsasların olub-olmadığını yoxlamaq mümkün deyildir. Digər tərəfdən inzibati xətalara dair işlərə inzibati xətanın törədildiyi yerdə baxılmalıdır. İşi baxılmağa hazırlayarkən hakim işə baxılmasına səlahiyyətli olub-olmamasını da müəyyən etməlidir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Şərh olunanlara əsasən hesab edirəm ki, hazırki iş üzrə inzibati xəta Zərdab Rayon ərazisində törədildiyindən Şəxs barəsində Azərbaycan Respublikası İnzibati Xətalar Məcəlləsinin 192.1-ci maddəsi ilə nəzərdə tutulan inzibati xətanı törətməsi haqqında Azərbaycan Respublikası Prokurorluğu Zərdab Rayon Prokurorluğunun prokuroru ədliyyə müşaviri X1 tərəfindən tərtib edilmiş qərar geri qaytarılmalıdır. Yuxarıda göstərilənlərə əsasən və Azərbaycan Respublikasının İXM-nin 43, 106-111ci maddələrini rəhbər tutaraq, qərara aldım: "Ziya-E»X2" Məhdud Məsuliyyətli Cəmiyyətinin barəsində Azərbaycan Respublikası İnzibati Xətalar Məcəlləsinin 192.1-ci maddəsi ilə nəzərdə tutulan inzibati xətanı törətməsi haqqında Azərbaycan Respublikası Prokurorluğu Zərdab Rayon Prokurorluğundan daxil olmuş inzibati xəta haqqında materiallar geri qaytarılsın. Qərardaddan şikayət verilə bilməz. Hakim Elşən Vəliyev