Şəmkir Rayon Məhkəməsi Qərar — İş №3(076)-1042/2023

Azərbaycan Respublikası adından QƏRAR Şəmkir rayon İş № 3(076)-1042/2023 20.07.2023 ŞƏMKİR RAYON MƏHKƏMƏSİ Hakim Məhəmmədi Həvayət Kəmaləddin qızının sədrliyi, Heydarov Cəmil Elxan oğlunun katibliyi ilə, İnzibati xəta haqqında protokolu tərtib etmiş şəxs X4, barəsində inzibati xəta haqqında icraat aparılan şəxs Şəxs və Zərərçəkmiş şəxs iştirakları ilə, xx.xx.1975-ci il tarixdə Şəmkir rayonu, Dəllər-Cəyir kəndində doğulmuş, Azərbaycan Respublikasının vətəndaşı, subay, orta təhsilli, işləməyən, Şəmkir rayonu, Dəllər-Daşbulaq kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Şəmkir Rayon İcra və Probasiya Şöbəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikası İXM-in 528.1-ci maddəsi ilə inzibati məsuliyyətə cəlb edilməsi ilə bağlı Şəmkir Rayon İcra və Probasiya Şöbəsində tərtib edilmiş inzibati xəta haqqında protokol və ona əlavə edilmiş sənədlər baxılması üçün 20 iyul 2023-cü il tarixdə Şəmkir Rayon Məhkəməsinə göndərilmişdir. Materiala əlavə edilmiş 20 iyul 2023-cü il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəmkir Rayon Məhkəməsinin 24 may 2019-cu il tarixli 2(076)-2031/2019 saylı qətnaməsi ilə (sədrlik edən M.Mustafayev) iddia qismən təmin edilmiş, 29 noyabr 2005-ci ildə doğulmuş Əfsanə, 01 noyabr 2007-ci ildə doğulmuş Fidan və 29 fevral 2012-ci ildə doğulmuş Elşad adlı uşaqların yetkinlik yaşına çatana kimi saxlanması üçün Şəmkir Rayon Məhkəməsinin 25 may 2018-ci il tarixli qətnaməsi ilə hər ay hər uşaq üçün müəyyən edilmiş 70 (yetmiş) manat sabit pul məbləğində alimentin məbləğinin artırılaraq hər ay hər uşağa görə 160 (bir yüz altmış) manat məbləğində müəyyən edilməsi, qətnamə qanuni qüvvəyə mindiyi tarixdən başlayaraq 29 noyabr 2005-ci ildə doğulmuş Əfsanə, 01 noyabr 2007-ci ildə doğulmuş Fidan və 29 fevral 2012-ci ildə doğulmuş Elşad adlı uşaqların yetkinlik yaşma çatana kimi saxlanması üçün cavabdeh Şəxs hər ay hər uşağa görə 160 (bir yüz altmış) manat sabit pul məbləğində alimentin tutularaq iddiaçı Zərərçəkmiş şəxs qızma verilməsi, iddianın qalan hissədə əsassız olduğundan təmin edilməməsi, cavabdeh Şəxs 15 (on beş) manat məbləğində dövlət rüsumunun tutularaq dövlət büdcəsinə ödənilməsi, qətnamənin qanuni qüvvəyə mindiyi vaxtdan icra edilməsi qət edilmişdir. Gəncə Apelyasiya Məhkəməsi cavabdeh Şəxs apelyasiya şikayətini qismən təmin etmişdir. Şəmkir Rayon Məhkəməsinin 24 may 2019-cu il tarixli 2(076)-2031/2019 saylı qətnaməsi dəyişdirilmişdir. xx.xx.2005-ci il təvəllüdlü X3, xx.xx.2007-ci il təvəllüdlü X5 və xx.xx.2012-ci il təvəllüdlü X1 yetkinlik yaşına çatanadək saxlanılması üçün məhkəmə qətnaməsinin qanuni qüvvəyə mindiyi gündən başlayaraq cavabdeh Şəxs hər uşağa görə 150 manat olmaqla cəmi 300 (üç yüz) manat sabit pul məbləğində alimentin tutularaq iddiaçı X2 verilməsi qət edilmişdir. İcra sənədinin icrasını təmin etmək məqsədi ilə borclu Şəxs tələbi könüllü icra etməsi üçün bildiriş və inzibati məsuliyyətə cəlb ediləcəyi barədə xəbərdarlıq məktubları təqdim edilmişdir. Bundan əlavə borclu ilə dəfələrlə telefon vasitəsi ilə əlaqə saxlanılmış və borcun ödənilməsi tələb edilmişdir. Lakin borclu Şəxs bugünkü tarixədək tələbkar Zərərçəkmiş şəxs xeyrinə heç bir ödəniş etməmiş və hazırda 1800 manat borcu yaranmışdır. Borclu Şəxs sonuncu izahatında borcunu hazırda işləmədiyi üçün ödəmək imkanı olmadığını, bildirmişdir. Belə ki, borclu Şəxs icra sənədi üzrə icra məmurunun qanuni tələblərini yerinə yetirmir. İcra sənədi üzrə zəruri icra tədbirləri görülmüş və bununla da borclu borcunu qanunla müəyyən edilmiş müddətdə ödəməkdən boyun qaçırmaqla təqsirlidir. Məhkəmə iclasında Şəmkir Rayon İcra və Probasiya Şöbəsinin icra məmuru X6 izahatında bildirdi ki, icra sənədinin icrasını təmin etmək məqsədi ilə borcluya tələbin könüllü icrası barədə bildiriş və inzibati məsuliyyətə cəlb olunacağı barədə xəbərdarlıq təqdim edilmiş, borclu ilə dəfələrlə telefon vasitəsi ilə əlaqə saxlanılmış və borcun ödənilməsi tələb edilmiş, lakin borclu icra sənədinə əsasən heç bir ödəniş etməmişdir. Onun tələbkara bu gunki günə 1800 manat aliment borcu yaranmışdır. xx.xx.2023-cü il tarixdə növbəti ayın aliment ödənişi çatacağından xx.xx.2023-cü il tarixdə borc 2000 manat olacaqdır. Borclunun əməli Azərbaycan Respublikası İnzibati Xətalar Məcəlləsində 528.1-ci maddəsi ilə nəzərdə tutulan inzibati məsuliyyət yaratdığından, onun barəsində müvafiq protokol tərtib edilərək baxılması üçün məhkəməyə göndərilmişdir. Məhkəmə iclasında barəsində inzibati xəta haqqında icraat aparılan Şəxs izahatında bildirdi ki, məhkəmə qətnaməsi ilə alimentin məbləği çox müəyyən olunub. Belə ki, hazırda heç bir yerdə işləmir. Heç bir rəsmi gəliri yoxdur. Bu səbəbdən də heç bir ödəniş edə bilmir. Hazırda işləmədiyi üçün həmin məbləğdən heç bir məbləğ ödəniş etməyə imkanı yoxdur. Qeyd edilənləri nəzərə alaraq, onun barəsində başlanmış inzibati xəta haqqında icraata xitam verilməsini xahiş edir. Məhkəmə iclasında zərər çəkmiş şəxs Zərərçəkmiş şəxs izahatında bildirdi ki, Şəxs ona olan borcunu ödəməkdən qəsdən yayınır. Şəxs hazırki aliment borcundan bir qədər ödəniş etsəydi bəlkə də şikayətçi olmazdı. Bundan başqa borucluya məxsus əmlakı satıb yarısını ona versə alimentdən imtina edəcəkdir. Uşaqları təkbaşına böyüdür, heç bir köməyi yoxdur. Odur ki, hər hansı məbləği ödəsə də razılaşardı. Qeyd olunanları nəzərə alaraq onun barəsində inzibati həbs növündə tənbeh tətbiq edilməsini xahiş edir. İş materiallarına əlavə edilmiş Gəncə Apelyasiya Məhkəməsinin xx.xx.2019-cü il tarixli, 2(104)-4272/2019 saylı icra sənədindən görünür ki, xx.xx.2005-ci il təvəllüdlü X3, xx.xx.2007ci il təvəllüdlü X5 və xx.xx.2012-ci il təvəllüdlü X1 yetkinlik yaşına çatanadək saxlanılması üçün məhkəmə qətnaməsinin qanuni qüvvəyə mindiyi gündən başlayaraq cavabdeh Şəxs hər uşağa görə 100 manat olmaqla cəmi 300 (üç yüz) manat sabit pul məbləğində alimentin tutularaq iddiaçı X2 verilməsi qət edilmişdir, alimentin tutulma müddətinin əvvəli xx.xx.2020-ci il tarixdən hesablanmışdır. İş materiallarına əlavə edilmiş tələbin könüllü icrası haqqında bildirişlərdən görünür ki, Gəncə Apelyasiya Məhkəməsinin xx.xx.2019-cü il tarixli, 2(104)-4272/2019 saylı icra sənədini könüllü icra etməsi üçün borclu Şəxs xəbərdarlıq edilmişdir. İş materiallarından görünür ki, borclunun adına tələbin yönəldilə biləcəyi əmlakının, bankda pul vəsaitinin olub olmaması barədə müvafiq orqanlara sorğular edilmiş, lakin borclunun adına tələbin yönəldilə biləcəyi əmlakı, bankda pul vəsaiti aşkar edilməmişdir. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra məmurunun, zərər çəkmiş şəxsin və barəsində inzibati xəta haqqında icraat aparılan şəxsin izahatları, habelə inzibati materialda olan digər sənədlərlə sübuta yetirilmişdir ki, Şəxs məhkəmə qərarının icrası ilə bağlı icra məmurunun qanuni tələblərini üzrsüz səbəbdən yerinə yetirməyərək, icra məmuru tərəfindən müəyyən olunmuş müddətdə icra sənədinin icrasını təmin etməmişdir. Zərərçəkən Zərərçəkmiş şəxs aliment borcundan az bir miqdarda ödənişi qarşılığında şikayət etməyəcəyi təkilifini qəbul etməməsi də həmçinin məhkəmə qərarını üzrsüz səbəbdən icra etməməsini göstərir. Hal-hazıradək edilmiş xəbərdarlıqlara baxmayaraq, onun tərəfindən yaranmış borcun lazımi qaydada ödənilməsinə laqeydlik göstərilmiş və icra sənədinin icrasına səhlənkar yanaşılmış, tələbin könüllü icrası barədə bildirişin təqdim edildiyi vaxtdan bugünədək heç bir ödəniş etməmişdir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, törədilmiş inzibati xətanın xarakterini, inzibati xətanı törətmiş şəxsin şəxsiyyətini, onun məsuliyyətini yüngülləşdirən və ağırlaşdıran halların müəyyən edilməməsini, ödənilməmiş aliment borcunun ödənilməmə müddətini və məhkəmə qərarı ilə müəyyən edilmiş alimentdən heç bir məbləğ ödənilməməsini nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və barəsində həmin maddənin sanksiyasının hədləri daxilində inzibati həbs tənbeh növü tətbiq edilməlidir. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək, 20 (iyirmi) gün müddətinə inzibati həbs edilsin. Həbsetmənin əvvəli 20 iyul 2023-cü il tarix, saat 17:15-dən hesablansın. Qərarın icrası Şəmkir Rayon Polis Şöbəsinə həvalə olunsun. Qərardan rəsmi qaydada verildiyi vaxtdan 10 gün müddətində Şəmkir Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Hakim: Həvayət Məhəmmədi