Şəmkir Rayon Məhkəməsi Qərar — İş №3(076)-1137/2024

Azərbaycan Respublikası adından QƏRAR Şəmkir rayon İş № 3(076)-1137/2024 10.10.2024 ŞƏMKİR RAYON MƏHKƏMƏSİ Hakim Məhəmmədi Həvayət Kamaləddin qızının sədrliyi, X1 iclas katibliyi, Şəmkir RPŞ-nin İTB-nin sahə rəisi X3, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1972-ci il tarixdə Şəmkir rayonu, Seyfəli kəndində anadan olmuş, Azərbaycan Respublikasının vətəndaşı, işləməyən, Şəmkir rayonu, Seyfəli kəndində qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə Şəmkir RPŞ-dən daxil olmuş inzibati xətaya dair protokola açıq məhkəmə iclasında baxaraq məhkəmə müəyyənetdi: Şəxs Azərbaycan Respublikası İXM-in 510 və 535.1-ci maddələri ilə inzibati məsuliyyətə cəlb edilməsi ilə bağlı Şəmkir Rayon Polis Şöbəsində tərtib olunmuş protokola baxılması üçün 10 oktyabr 2024-cü il tarixdə Şəmkir Rayon Məhkəməsinə göndərilmişdir. Materiala əlavə edilmiş 09 oktyabr 2024-cü il tarixli MN ******* nömrəli və 09 oktyabr 2024-cü il tarixli MN ******* nömrəli inzibati xəta haqqında protokollarda və ona əlavə edilmiş sənədlərdə göstərilmişdir ki, Şəxs xx.xx.2024-cü il tarixdə Şəmkir rayonu Seyfəli kəndində ucadan ünvansız nalayiq ifadələr, söyüşlər söymüş, polis əməkdaşlarının qanuni tələbinə tabe olmamışdır. Beləliklə də, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətmişdir. Məhkəmə iclasında Şəmkir RPŞ-nin İTB-nin sahə rəisi X6 izahatında göstərdi ki, Şəxs xx.xx.2024-cü il tarixdə Şəmkir rayonu Seyfəli kəndində avtomobilin arxa buferinin sınmış olması səbəbi ilə saxlanılmış, bu zaman Şəxs polis əməkdaşları ilə kobud danışmış, polis əməkdaşları onu intizama dəvət etsələr də söyüş söyməyə başlamışdır. Şəxs ucadan ünvansız nalayiq ifadələr, söyüşlər söymüş, polis əməkdaşlarının qanuni tələbinə tabe olmamışdır. Beləliklə də, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətmişdir. Şəxs polisin qanuni tələblərini qəsdən pozaraq öz əməllərini davam etdirmişdir. Məhkəmə iclasında barəsində inzibati xəta haqqında icraat aparılan şəxs Şəxs izahatında bildirdi ki, xx.xx.2024-cü il tarixdə Şəmkir rayonu Seyfəli kəndində həyat yoldaşını işdən götürüb gələn zaman polis əməkdaşları avtomobillə onun qarşısından keçdikdən sonra geriyə qayıdaraq onu saxlamış, özünü təqdim etdikdən sonra onu nə üçün saxlamasını soruşduqda arxa buferin sınıq olmasını bildirmişdir. Bundan sonra polis əməkdaşından vəsiqə istəmiş, polis əməkdaşı vəsiqəsini təqdim etməyərək onunla kobud danışmağa başlamışdır. Bir neçə polis əməkdaşı da ora gələrək ona vəsiqələrini təqdim etməmişlər. Bundan sonra səs küy olsa da, kənddən bir neçə şəxs ora gəlsə də o söyüş söyməmişdir. Qeyd olunanları nəzərə alaraq onun barəsində cərimə tətbiq olunmasını xahiş etdi. Məhkəmə iclasında şahid qismində dindirilmiş X2 ifadəsində bildirdi ki, Şəmkir rayonu Seyfəli kəndində yaşayır. xx.xx.2024-cü il tarixdə həmkəndlisi Həsənin polis əməkdaşları ilə mübahisəsi olduğunu görmüş, mübahisəyə yaxınlaşdıqda Şəxs ona polis əməkdaşlarının onu döyə biləcəyəyini mübahisəyə qarışmamasını bildirdi. Mübahisənin nədən baş verməsini Həsəndən eşitmişdir ki, Həsən polis əməkdaşından vəsiqə istəmiş, polis əməkdaşları vəsiqələrini təqdim etməmişdir. İş materiallarına əlavə edilmiş “İnzibati qaydada tutma haqqında” xx.xx.2024-cü il tarixli protokoldan görünür ki, Şəxs inzibati xəta haqqında işin icraatını təmin etmək məqsədi ilə həmin tarixdə saat 19:00-da tutulmuşdur. İş materiallarına əlavə edilmiş video diskdən görünür ki, Vaz-2115 markalı avtomobil polis əməkdaşları tərəfindən saxlanılmış, polis əməkdaşı avtomobilə yaxınlaşaraq özünü təqdim etdikdən sonra sürücüyə sənədlərini təqdim etməsini təklif etmiş, bundan sonra sürücü onu nə üçün saxlamasını soruşduqda polis əməkdaşı avtomobilin arxa buferinin sınıq olmasını və səbəbini soruşmuşdur. Sürücü polis əməkdaşından vəsiqə tələb edərək “bəlkə banditsən, rojana bax banditə oxşayırsan, o qədər banditlər olur ki, nə bilim polissən” deyərək mübahisə yaradaraq səs küy salaraq söyüş söyməyə başlamışdır. Məhkəmə barəsində inzibati icraat aparılan Şəxs, həmçinin Şəmkir rayon Polis Şöbəsinin İTB-nin sahə rəisi İlkin Həsənovun izahatlarını, tədqiq edilmiş digər sübutları ayrı-ayrılıqda və məcmu halında təhlil edərək inzibati xəta törətmiş Şəxs məhkəmə iclasında verdiyi izahatını məsuliyyətdən yaxa qurtarmaq məqsədi ilə verilmiş izahat olması qənaətinə gəlir və inzibati xəta haqqında işin materialları Şəxs polisin qanuni tələbinə tabe olmaması və ictimai qaydanın pozulmasına səbəb olan hərəkətlər etməsi qənaətinə gəlir. Beləliklə, məhkəmə tədqiq olunmuş sübutlara ayrı-ayrılıqda və məcmu halında hüquqi qiymət verərək belə nəticəyə gəlir ki, Həsənov Şəxs törətdiyi əməldə Azərbaycan Respublikası İnzibati Xətalar Məcəlləsinin 510 və 535.1-ci maddəsində nəzərdə tutulan inzibati xətanın əlamətlərinin olması, inzibati xətanın onun tərəfindən törədilməsi və təqsirliliyi tamamilə sübut olunur. О, həmin maddə ilə təqsirli bilinərək tənbeh edilməlidir. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Ona görə də Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası çərçivəsində tənbeh edilməlidir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Beləliklə, məhkəmə törədilmiş inzibati xətaların xarakterini, inzibati xəta törətmiş şəxsin şəxsiyyətini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının hədləri daxilində inzibati həbs növündə inzibati tənbeh tətbiq edilməli, həbsetmənin əvvəli onun tutulduğu vaxtdan hesablanmalıdır. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaların törədilməsində təqsirli bilinsin və Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası çərçivəsində 10 (on) gün müddətinə inzibati həbs edilsin. Həbsdə sаxlаmа müddətinin əvvəli inzibati qaydada tutulduğu xx.xx.2024-cü il tarixdən, saat 19:00-dan hesablansın. Qərarın icrası Şəmkir rayon Polis Şöbəsinə həvаlə edilsin. Qərardan rəsmi qaydada verildiyi vaxtdan 10 gün müddətində Şəmkir Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Hakim Həvayət Məhəmmədi