Şəmkir Rayon Məhkəməsi Qərar — İş №3(076)-1289/2024

Azərbaycan Respublikası adından QƏRAR Şəmkir rayon İş № 3(076)-1289/2024 18.12.2024 ŞƏMKİR RAYON MƏHKƏMƏSİ Hakim Musayev Taleh Valeh oğlunun sədrliyi İbrahimli Güləsər Rəhim qızının katibliyi Şəmkir RPŞ-nin İTB-nin polis sahə rəisi: X1 Barəsində inzibati xəta haqqında iş üzrə icraat aparılan şəxs: Şəxs iştirakları ilə xx.xx.1985-ci ildə Şəmkir rayonu, Dəllər qəsəbəsində anadan olmuş, Azərbaycan Respublikası vətəndaşı, orta təhsilli, subay, Şəmkir rayonu, Dəllər qəsəbəsində qeydiyyatda olmaqla, həmin ünvanda yaşayan Şəxs Azərbaycan Respublikası İXM-nin 206-cı maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq MÜƏYYƏNETDİ: Gəncə şəhər Narkoloji Dispanserində aparılan tibbi müayinə zamanı tərtib edilmiş, 18 oktyabr 2024-cü il tarixli, 4492/2024 saylı protokola əsasən, Şəxs götürülmüş sidik nümunəsində narkotik vasitə olan THC (marixuana) və psixotrop maddə olan (AMP) metamfetamin aşkar edilmişdir. Bununla da, Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün etirafı və işdə olan sənədlərlə tam təsdiq olunmuşdur. İnzibati xətanı törətmiş şəxs Şəxs özünü ona qarşı irəli sürülmüş inzibati xəta ittihamında təqsirli bilərək məhkəmə iclası zamanı izahatında göstərdi ki, rəsmi olaraq heç bir yerdə işləmir, fərdi əməklə məşğul olur. Barəsində tərtib edilmiş raportla tanış olmuş, bu barədə onu bildirmişdir ki, narkotik vasitə aludəçisidir və narkotik vasitə olan marixuanadan ara-bir isifadə edir. Sonuncu dəfə təxminən 10 gün əvvəl istifadə etmişdir. xx.xx.2024-cü il tarixdə saat təxminən günorta saatlarında spirtli içki qəbul etmiş, buna görə də saat təxminən 22 radələrində o, yenidən mağazadan araq və su aldıqdan sonra Şəmkir rayonu, Dəllər qəsəbəsində piyada hərəkət edən zaman ayağı burxularaq yerə yıxılmış, sağ əli bədəninin altında qalaraq əzilmişdir. Bir qədər sonra o yenidən piyada hərəkət edən zaman mülki formada olan polis əməkdaşları ona yaxınlaşıb, özlərini təqdim edərək narkotik vasitə istifadə etməkdə şübhəli olduğunu bildirib, onu Şəmkir RPŞ-nə dəvət etmişlər. Şəmkir RPŞ-də onun barəsində məhkəmə-narkoloji ekspertizası təyin etmək barədə qərar qəbul edilmiş və onu Gəncə şəhərində yerləşən Azərbaycan Respublikası Səhiyyə Nazirliyinin Gəncə şəhər Narkoloji dispanserinə aparıb, məhkəmə-narkoloji ekspertizasından keçirmişlər. Yoxlama zamanı onun narkotik vasitə, olan marixuana və psixotrop maddə olan metamfetamin istifadə etdiyi məlum olmuşdur. Hazırda əməlindən peşmandır. Odur ki məhkəmədən ona daha yüngül inzibati tənbeh təyin edilməsini xahiş etdi. Məhkəmə iclası zamanı Şəmkir RPŞ-nin İTB-nin polis sahə rəisi, X2 izahatında bildirdi ki, xx.xx.2024-cü il tarixdə Şəmkir RPŞ-nin PPXB-nin polis nəfəri, polis serjantı X4 RPŞ-nə raportla müraciət edərək xx.xx.1985-ci il təvəllüdlü Şəmkir rayonu, Dəllər qəsəbəsi, M.Hüseynzadə küçəsi, ev 7-də yaşayan Şəxs narkotik vasitədən istifadə etməsində şübhəli olduğuna görə həmin şəxsin narkotik vasitə istifadəçisi olub-olmaması barədə yoxlama aparılmasını bildirmişdir. Raport xx.xx.2024-cü il tarixdə Şəmkir RPŞ-də HK- 1/3761 nömrədə qeydə alınaraq icraata daxil olmuşdur. Aparılmış yoxlama zamanı müəyyən edilmişdir ki, Şəmkir rayonu, Dəllər qəsəbəsi, M.Hüseynzadə küçəsi, ev 7-də qeydiyyatda olan və yaşayan Şəxs xx.xx.2024-cü il tarixdə sərxoşluq hallarının bütün növlərinin təyini məqsədi ilə Gəncə şəhər narkoloji dispanserdə aparılan tibbi müayinə zamanı tərtib olunmuş 4492/2024 saylı protokolda sidik nümunəsinin tərkibində narkotik vasitə olan (THC) marixuana və psixotrop maddə olan (AMP) metamfetamin aşkar olunduğundan, sonuncunun mütəmadi narkotik vasitə olan (THC) marixuana istehlak etdiyi məlum olmuşdur. Buna görə də, Şəxs əməlində cinayət tərkibi olmadığından barəsində cinayət işinin başlanması rədd edilmiş, lakin, onun əməlində Azərbaycan Respublikası İXM-nin 206-cı maddəsinin tərkibi olduğundan barəsində inzibati qaydada tədbir görülməsi üçün, qəbul edilmiş qərarın surəti Şəmkir rayon polis şöbəsinin İTB-nin sahə rəisinə göndərilmişdir. Odur ki Şəxs barəsində ciddi inzibati tənbeh növünün seçilməsini məhkəmədən xahiş etdi. İşdə olan “Cinayət işinin başlanmasının rədd edilməsi” haqqında qərarın surətindən görünür ki, Şəxs əməlində cinayət tərkibinin olmadığından barəsində cinayət işinin başlanması rədd edilmiş və Şəxs əməlində AR İXM-nin 206-cı maddəsinin tərkibi olduğundan barəsində inzibati qaydada tədbir görülməsi üçün qərarın surəti Şəmkir RPŞnin İTB-yə göndərilmişdir. “Sərxoşluq hallarının bütün növlərinin təyini” məqsədilə aparılan tibbi müayinəyə dair 18 oktyabr 2024-cü il tarixli, 4492/2024 saylı protokoldan görünür ki, Şəxs götürülmüş sidik nümunəsində narkotik vasitə olan THC (marixuana) və psixotrop maddə olan (AMP) metamfetamin aşkar edilmişdir. Məhkəmə, inzibati xəta törətmiş Şəxs məhkəmə iclasında verdiyi izahatını, tədqiq edilmiş sənədələri ayrı-ayrılıqda və məcmu halında təhlil edərək həmin izahatları, habelə tədqiq edilmiş digər sübutları Şəxs qeyd edilən inzibati xətanı törətməsini təsdiq edən sübut növü kimi qiymətləndirir. Beləliklə, məhkəmə tədqiq olunmuş sübutlara ayrı-ayrılıqda və məcmu halında hüquqi qiymət verərək belə nəticəyə gəlir ki, Şəxs törətdiyi əməldə Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulan inzibati xətanın əlamətlərinin olması, inzibati xətanın onun tərəfindən törədilməsi və təqsirliliyi tamamilə sübut olunur. O, həmin maddə ilə təqsirli bilinərək tənbeh edilməlidir. Məhkəmə, Şəxs əməlini etiraf etməsini Azərbaycan Respublikasının İnzibati Xətalar Məcəlləsinin 32-ci maddəsinə əsasən onun məsuliyyətini yüngülləşdirən hal kimi nəzərə alır. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Azərbaycan Respublikası İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə-üç yüz manatdan dörd yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Həmin Məcəllənin 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 12.2-ci maddəsinə əsasən bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə inzibati xətanın xarakterini və inzibati xəta törətmiş şəxsin şəxsiyyətini nəzərə alaraq hesab edir ki, Şəxs barəsində həbs növündə inzibati tənbeh tətbiq edilməsi qanuni, əsaslı, ədalətli və inzibati tənbehin məqsədinə uyğundur. Azərbaycan Respublikası İnzibati Xətalar Məcəlləsinin 37.1-ci maddəsinə əsasən inzibati həbs nəzərdə tutan inzibati xəta törətmiş, narkomaniyadan müalicəyə ehtiyacı olan şəxslərə inzibati həbs tənbeh növü tətbiq edilərkən məhkəmə tərəfindən onlara məcburi müalicə təyin edilir və inzibati həbs növündə inzibati tənbeh çəkilib qurtardıqdan sonra icra olunur. Həmin Məcəllənin 37.2-ci maddəsinə əsasən məcburi müalicənin tətbiq edilməsinin məqsədi bu Məcəllənin 37.1-ci maddəsində göstərilən şəxslərin müalicə olunmasından, səhhətinin və psixoloji vəziyyətinin yaxşılaşdırılmasından, ixtisaslaşdırılmış tibbi yardım və sosial qayğı göstərməklə onların normal həyat tərzinə qaytarılmasından, gələcəkdə həmin şəxslərin insan psixikasına təsir göstərən maddələrdən sui-istifadəsinin və yeni inzibati xətalar törətməsinin qarşısının alınmasından ibarətdir. Həmin Məcəllənin 37.3-cü maddəsinə əsasən barəsində inzibati həbs tənbeh növü tətbiq edilməklə yanaşı, tibbi yoxlama nəticəsinə əsasən narkomaniyadan məcburi müalicə təyin edilmiş şəxslər inzibati həbs tənbeh növünü çəkib qurtardıqdan sonra müvafiq icra hakimiyyəti orqanının tabeliyində olan ixtisaslaşdırılmış tibb müəssisəsində müalicə olunurlar. Həmin Məcəllənin 37.4-cü maddəsinə əsasən şəxs barəsində narkomaniyadan məcburi müalicə təyin edildikdə, məhkəmə bu barədə qanuni qüvvəyə minmiş qərarının surətini icra olunması üçün ixtisaslaşdırılmış tibb müəssisəsinə, habelə məcburi müalicənin icrasına nəzarət edilməsi üçün icra məmuruna göndərir. Həmin Məcəllənin 37.5-ci maddəsinə əsasən barəsində narkomaniyadan məcburi müalicə təyin edilmiş şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilir. İşdə olan Azərbaycan Respublikası Səhiyyə Nazirliyinin, Gəncə şəhəri Narkoloji Dispanserinin xx.xx.2024-cü il tarixli, 1992 nömrəli rəyindən görünür ki, Şəxs marixuanadan istifadə etmə halları olub. Narkotik vasitə olan kannobinoidlərdən suiistifadə nəticəsində narkomaniya xəstəliyindən əzab çəkir. Narkomaniya xəstəliyindən məcburi müalicəyə ehtiyacı var. Narkoloji dispanserdə qediyyata alınması məsləhət görülür. Məhkəmə hesab edir ki, Şəxs barəsində narkomaniyadan məcburi müalicə təyin edilməli, inzibati həbs müddəti başa çatdıqdan sonra o, ixtisaslaşdırılmış müalicə müəssisəsinə təhvil verilməli və narkoloji dispanserdə qeydiyyata alınmalıdır. Göstərilənlərə əsasən və Azərbaycan Respublikası İnzibati Xətalar Мəcəlləsinin 40, 43, 48-51, 114, 128-130-cu maddələrini rəhbər tutaraq məhkəmə, QƏRARA ALDİ : Şəxs Azərbaycan Respublikası İXM-nin 206-cı maddəsində nəzərdə tutulmuş inzibati xətanı törətməkdə təqsirli bilinib 15 (on beş) gün müddətinə inzibati qaydada həbs edilsin. Həbsə almanın əvvəli 18 dekabr 2024-cü il tarixdən saat 16:55-dən hesablansın. Şəxs barəsində narkomaniyadan məcburi müalicə təyin edilsin və o, yaşadığı ərazi üzrə narkoloji dispanserdə qeydiyyata alınsın. Həbsdə saxlanma ilə bağlı qərarın icrası Şəmkir Rayon Polis Şöbəsinə həvalə edilsin. Şəxs narkoloji dispanserdə qeydiyyata alınması və narkomaniyadan məcburi müalicəsinin icrasına nəzarət yaşadığı yer üzrə Şəmkir rayon İcra və probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində həmin qərarı qəbul etmiş məhkəmə vasitəsilə və ya birbaşa Gəncə Apellyasiya Məhkəməsinə şikayət və ya protest verilə bilər. Hakim Taleh Musayev